Pagsunod sa mga Pioneer

Ni Presidente Dallin H. Oaks

Unang Magtatambag sa Unang Kapangulohan

Gikuha gikan sa “Pagsunod sa mga Pioneer,” Ensign, Nob. 1997, 72–74.

Makausa naglakaw ako subay sa mga dalan diin ang unang mga pioneer sa Simbahan naglakaw padulong sa Walog sa Salt Lake. Mibati ko og kamapainubsanon nga nagsubay sa gilakwan sa mga pioneer. Apan dili kini sama ka importante sa paglakaw diin sila naglakaw kon dili mao ang pagsunod sama sa ilang pagpakabuhi.

Ang mga pioneer mipadayon sa unahan inubanan sa hugot nga pagtuo ngadto sa usa ka bag-o nga relihiyon, sa usa ka bag-ong yuta, ug usa ka bag-ong paagi sa paghimo sa mga butang. Misalig sila sa Dios. Nagkinahanglan usab kita og hugot nga pagtuo.

Misunod sila sa unsay gipabuhat sa ilang mga lider ngadto nila. Kita kinahanglan usab nga magmasulundon.

Migamit sila sa ilang mga talento ug nagtinabangay sa pagtukod sa Zion. Kinahanglan usab kita nga magkahiusa.

Walay si bisan kinsa nga ilang gibiyaan. Ilang gisiguro ang pag-apil niadtong kinsa nagkalisud diha sa dalan. Kinahanglan usab kita nga mopaapil.

Mapasidunggan nato ang mga pioneer pinaagi sa pagsunod sa ilang mga ehemplo.

Mahimo Ko nga usa ka Pioneer

Si bisan kinsa nga mangulo sa agianan aron sa pagtabang nga makapahimo sa kinabuhi nga mas maayo alang sa ilang pamilya usa ka pioneer.

Pangitaa ang inyong dalan subay sa maze. Ang pag-agi niining mga dalan, makapahimo nimo nga usa ka pioneer kon …

Kon ako makakat-on og usa ka bag-ong butang.
Kon motabang ko sa pagsugod og usa ka maayo nga tradisyon.
Kon magtudlo ko sa akong pamilya kabahin sa ebanghelyo.
Kon makabuhat ko og butang aron sa pagtukod sa akong mahangturong pamilya.