Family History sa Lima ka Panimati [Senses]
Nabasa ba nimo ang mahitungod sa slingshot ni Donovan sa pahina H14? Unsa ang pipila ka mga butang nga makatabang nimo nga mobati nga mas duol sa imong pamilya? Pagsulat o pagdrowing og mga litrato mahitungod kanila sa ubos.
Hikap
Pangita og usa ka butang nga imong makuptan nga importante nimo o sa imong pamilya. Pagdrowing og litrato niini dinhi.
Panan-aw
Paghunahuna og usa ka espesyal nga panumduman ug drowinga kini dinhi. Karon makahinumdom na ka niana nga panahon kon motan-aw ka niini nga pahina!
Tingog
Paminaw sa usa ka sakop sa pamilya nga magsugilon og usa ka istorya o nagpaambit sa ilang pagpamatuod. Isulat kini dinhi.
Simhot
Unsay paborito nimo nga butang nga simhuton? Aduna bay bisan unsang baho nga mopahinumdom nimo sa imong pamilya? Isulat ang kabahin niini dinhi.
Tilaw
Unsa nga pagkaon ang ganahan sa imong pamilya nga magkauban nga kaunon? Pagdrowing og hulagway o pagsulat og usa ka resipe dinhi.