ራስን በመቻል በኩል ማገልገል

ሌሎች ራሳቸውን እንዲችሉ በማድረግ መርዳት በጌታ መንገድ ማቅረብ እና ማገልገል ነው።

ብዙ የቤተሰባችን አባላት፣ ጓደኞቻችን እና ጎረቤቶቻችን የበለጠ ራሳቸውን የሚችሉ ለመሆን ፍላጎት አላቸው። የቤተክርስቲያኗን ራስን-የመቻል መነሳሳትን በመጠቀም፣ የቤተክርስቲያኗ አባላት “ታላቅ ተስፋ፣ ሰላም እናም እድገት” በሚያመጡት መርሆዎች ሌሎችን ሲባርኩ፣ ለመንከባከብ እና ለማገልገል እድሎችን እያገኙ ናቸው።¹

“ቤት ነበርኩ”

በክሪሲ ኬፕለር፣ አሪዞና፣ ዩ.ኤስ.ኤ

ፍቺዬን ተከትሎ፣ ለስምንት ዓመታት በቤት ውስጥ የቤት እመቤት ከሆንኩ በኋላ ወደ ሥራ የምመለስበትን መንገድ ለማግኘት በምጥርበት ጊዜ በገንዘብ እቸገር ነበር። ምንም እንኳን ከወጣትነት ጀምሮ በቤተክርስቲያን ውስጥ እግሬን አስገብቼ ባላውቅም፣ እውነት እና እምነትን በመፈለግ፣ በመንፈሳዊነትም እቸገር ነበር።

አንድ እሑድ በቤተክርስቲያኗ ንቁ አባል በሆነችው በታላቋ እህቴ ፕሪሲላ ቤት ውስጥ ልብሴን አጥብ ነበር። እዚያ በነበርኩበት ጊዜ፣ ፕሪሲላ ከቤተሰቧ ጋር ወደ ቤተክርስቲያን እንድሄድ ጋበዘችኝ—ይህም ከ15 ዓመታት በላይ ውስጥ ለመጀመሪያ ጊዜ የነበረኝ ግብዣ ነበር።

መጀመሪያ ላይ ፍቃደኛ አልነበርኩ፣ ነገር ግን ከዚያ በፊት በነበረው ምሽት ወደ እርሱ እንዴት መቅረብ እንደምችል እንዲያሳየኝ እግዚአብሔርን ለምኜ ነበር። የውስጣዊ የመጎተት ስሜት ከተሰማኝ በኋላ፣ “በአዋቂነትሽ በገዛ ልብሽ እና ዐይንሽ ለመስማት እና ለማየት ለምን አትሄጂም?” ብዬ የመጨረሻ ውሳኔ አደረኩኝ።

በቅዱስ ቁርባን ስብሰባ ላይ እያለን፣ በእሁድ ማስታወቂያ ላይ የግል ገንዘብ መቆጣጠርን በሚመለከት ራስን የመቻል ትምህርትን የሚያስተዋውቅ በራሪ ጽሑፍ አስተዋልኩኝ። ወደ ቤተክርስቲያን ለመመለስ ዝግጁ አልነበርኩም፣ ነገር ግን ወደ 12-ሳምንት ትምህርቱ የሚስብ ስሜት ተሰማኝ። በእህቴና በባለቤቷ ማበረታቻ፣ በጀት መመደብ እና ዕዳን እንዴት እንደሚከፈሉ ብቻ ለመማር በመጠበቅ ተመዝገብኩኝ። ነገር ግን፣ ትምህርቶቹ በመንፈሳዊው ቀየሩኝ።

በመጀመሪያዎቹ ሁለት ሳምንት የክፍል ትምህርቶች መንፈሳዊ መልእክቶች ተገርሜ ነበር፣ ነገር ግን በሦስተኛው ክፍል ውስጥ፣ ቤት እንደሆንኩ እና አዲስ ቢሆኑም የተለመዱ የማውቃቸውን እውነቶች እንደሰማሁ በሚያረጋግጥ ስሜት ተሞላሁ። ከክፍሉ ወጣሁ እና ፕሪሲላን ለማየት በቀጥታ ሄድኩ። እያለቀስኩም፣ “በሕይወቴ ውስጥ ይህን አይነት ስሜት እንዴት ማግኘት እችላለሁ?” ብዬ ጠየቅኋት። ሚስዮናውያን እኔን ማስተማር እንዲጀምሩ ዝግጅት አደረገች።

የእኔ ራስን-መቻል ክፍል አባላት ወደ ሚሲዮናዊ ትምህርቶቼ መጥተው ይረዱኝ ነበር። በመንፈሳዊነቴ ላይ ዘላቂ ተፅእኖ አሳድረዋል እናም የወንጌልን እና የዘመኑ ነቢያትን ምስክርነት እንዳዳብር አግዘውኛል።

ትምህርቱን ለማጠናቀቅ በወሰደኝ ጊዜ፣ ብዙ ጊዜያዊ እና መንፈሳዊ ለውጦችን አደረግሁ። በጥሩ ኩባንያ ውስጥ አዲስ ሥራ ጀመርኩ፣ እናም በርካታ ብድሮችን ከፈልኩኝ።

ነገር ግን ከትምህርቱ የመጡት ጥልቅ፣ ውድ በረከቶች ቢኖርም የሚያምር ጓደኝነትን መፍጠር፣ ከሚያበረታታ ኤጲስ ቆጶስ ጋር መልካም ግንኙነትን ማጎልበት፣ የአስራት ምስክርነትን ማግኘትን፣ የቤተመቅደስ መግቢያ ፈቃድን መቀበል፣ መንፈሳዊ ስጦታን መቀበል፣ እና ሁለቱ ታላላቅ ልጆቼ ሲጠመቁ ማየት ነበሩ።

የራስን-መቻል ጉዞዬ አሁንም እየተከፈተ ነው፣ ለተቀረው ጉዞዬ ግን ለተማርኳቸው ትምህርቶች እና ለነበሩኝ ጓደኝነቶች ከፍተኛ ዋጋ እሰጣለሁ።

ይጋብዙ፣ ይሳተፉ፣ ያጠናክሩ

የኋለኛው ቀን ቅዱሳን በገንዘብ እና በመንፈሳዊም ራስ መቻልን እንዲያገኙ ለመርዳት ቤተክርስቲያኗ ራስን-የመቻል መነሳሳትን በ2014 (እ.አ.አ) ጀመረች። ከመግቢያው መንፈሳዊ ስብሰባ በኋላ፣ ተሳታፊዎች ከአራት የተለያዩ የ12-ሳምንት ትምህርቶች ይመርጣሉ።

የራስን-መቻል ቡድኖች እንደ ሸንጎ ሆነው ስለሚሰሩ፣ የሌሎችን የገንዘብ፣ የትምህርት፣ የሙያዊ እና መንፈሳዊ ፍላጎቶች ለማገልገል ጥሩ አጋጣሚ ይሰጣሉ። የቡድን አባላት ይማራሉ፣ ይማከራሉ፣ እናም እርስ በእርስ ይደጋገፋሉ። እነርሱ ሀሳቦችንም ይጋራሉ እንዲሁም አንዳቸው ለሌላው ተጠያቂ ናቸው።

ወደ ራስን-መቻል ትምህርት ለመሄድ የትኛውን የቤተሰብ አባል፣ ጓደኞች ወይም ጎረቤቶች ሊጋብዙ እንደሚችሉ ይጸልዩ እናም አብረዋቸው ይሳተፉ። ራስን-የመቻል መርሆዎች፣ የቤተክርስቲያኗ አባልም ሆኑም አልሆኑም፣ የእግዚያብሔርን ልጆች ሁሉንም ሊባርኩ እንደሚችሉ ያስታውሱ።

“ከእያንዳንዱ ክፍልም እንደምወደድ ስሜት እየተሰማኝ እወጣለሁ”

በታህሳስ 2016 (እ.አ.አ)፣ በሶልት ሌክ ሲቲ፣ ዩታ ውስጥ የቤተመቅደሱን አደባባይ በጎበኘችበት ወቅት፣ ከ10 ዓመት ልጅዋ ቪንሰንት ጋር ኬቲ ፋንክ ስለእራሷ “ምቾት ያላት ተጠራጣሪ” ነኝ ብላ ታስብ ነበር። በቤተክርስቲያኗ ተሳታፊነትን ያቆመችውም በ16 ዓመቷ ነበር፣ በ17 ዓመቷ ያላገባች እናት ሆነች፣ መነቀስ ጀመረች፣ እናም ለቡና ጣዕምም አዳበረች። ነገር ግን በዚያ የቤተመቅደስ አደባባይ ጉብኝት ወቅት፣ ቪንሰንት መንፈስ ቅዱስ ተሰማው እናም የወንጌል ሰባኪዎችን ትምህርት መውሰድ ይችል እንደሆነ እናቱን ጠየቃት።

በሳምንት ውስጥ 80 ሰዓት የሚያሰሯት ሁለት ስራ የምትሰራ ብትሆንም፣ ለጥያቄዎቹ መልስ ለማግኘት በመፈተሽ ኬቲ ከቪንሰንት ጋር ወንጌልን አጠናች። በ2017 (እ.አ.አ) የበጋ ወቅት፣ በቤተክርስቲያኗ ስብሰባዎች ላይ መገኘት ጀመረች፣ በዚያም ስለ ቤተክርስቲያኗ የራስን-መቻል ትምህርቶች ተማረች።

“እኔን ሊረዱኝ የሚችሉ ነገሮች እንደሆኑ ተገነዘብኩ” አለች። “ምናልባት እስከ ሕይወቴ ሙሉ ሁለት ሥራ መሥራት ወይም በወላጆቼ ላይ በህይወቴ በሙሉ መመካት አያስፈልገኝም ይችል ይሆናል።”

ኬቲ ስለተማረችበት ብቻ ሳይሆን የራስን-መቻል ቡድኗ እንዴት እንደተቀበለባት እና እንዳገለገላትም ጭምር ምክንያት፣ ትምህርቷን “በሚያስደንቅ ሁኔታ በጊዜያዊ እና በመንፈሳዊ ሁኔታ አጠናካሪ” በማለት ጠርታለች።

እንዴት መርዳት ይችላሉ

የቤተክርስቲያኗን የራስን-መቻል መነሳሳትን በመንፈሳዊ እና ጊዜአዊ ሁኔታ ለማገልገል እድል እንዴት እንደምናደርግ ከኬቲ አንዳንድ ሀሳቦች እዚህ አሉ፥

“ድጋፍ እና ማበረታቻ ስጡ። ቡድኖቼ እያንዳንዱን ክፍል እንደተወደድኩ እንዲሰማኝ አድርገው ይደግፉኝ ነበር።”
“ልምምዳችሁን አካፍሉ። አንዳችን ለሌላው ያለን ታማኝነት እና ግልጽነት ልባችን ጥሩ ሆኖ እንዲሰማን አድርጓል። ከሚያጋሩት ማን ተጠቃሚ እንደሚሆን በጭራሽ አያውቁም።”
“የሚናገሩ ይሁኑ። አስራትን ስለምከፍል እና ወደ ቤተክርስቲያን ስለምሄድ ህይወቴ እንዴት እንደሚሻል ተናጋሪ ነኝ። የባህርይ ስነልቦና ባለሙያ እንደመሆኔ Personal Finances for Self-Reliance [ራስን-በመቻል የግል ገንዘብን መቆጣጠር] መጽሐፍ ወደ ሥራዬ ከእኔ ጋር ይዤው እሄዳለሁ። ተገቢ በሚሆንበት ጊዜም፣ የተወሰኑትን መሰረታዊ መርሆቹን ከሌሎች ጋር አካፈላለሁ።”
“ለራስዎም በራስ-መቻል ትምህርት ይሳተፉ፣ ነገር ግን የእርስዎን እርዳታ ሊያስፈልጋቸው የሚችሉትን ይፈልጉ። በስራ መርሃግብሬ ውስጥ በተደረገ ለውጥ ምክንያት በግማሽ ክፍለ-ጊዜዎች ለመሳተፍ አልቻልኩም ነበር፣ ነገር ግን የእኔ ቡድን አባላት ተገናኝተው ይደግፉኝ ነበር። እዚያ መድረስ ባልችልም እንኳ አሁንም የዚህ ክፍል እንደሆንኩ መሰማቴ አስገራሚ ነበር።”