Ije ozi nlekọta site na Ndabere Onwe

Ịnyere ndị ọzọ aka nweta ndabere onwe pụtara ịrọpụta ihe na ije ozi nlekọta n’ụzọ nke Onyenwe anyị.

Ọtụtụ n’ime ndị otú ezi na ụlọ, ndị enyi, na ndị agbata obi nwere mmasị inwe ndabere onwe. Iji atụmatụ ndabere onwe nke Nzukọ nsọ, ndị otú Nzukọ nsọ na-achọpụta ohere iji jee ozi, lekọta, ma jee ozi nlekọta dịka ha na-agọzi ndị ọzọ site na ụkpụrụ ndị n’ewete “nnukwu olile anya, udo, na ọganihu.”¹

“A Nọọrọ M N’Ebe obibi”

Site n’aka Chrissy Kepler, Arizona, USA

A nọọrọ m na ndọlị ịkpata ego mgbe m gbachara alụkwaghị m, na-achọ ịlaghachị n’ọrụ ka m nọchara dịka nne nwa nọ n’ụlọ afọ asatọ. A nọkwaara m na adọlị n’ime mmụọ, na-achọ ezi okwu na okwukwe, agbanyeghị na-azọnyebeghị m ụkwụ n’ime ụlọ ụka kemgbe m gbara afọ iri na ụma.

Otu Sọnde a nọọrọ m na-asa akwa n’ebe obibi nke nwanne m nwanyị kacha okenye, Priscilla, onye otú Nzukọ nsọ dị nkọ. Ka m nọ n’ebe ahụ, Priscilla kpọkuru m isoro ezi na ụlọ ya gaa nzukọ—oku mbụ m n’ime afọ karịrị 15.

Ọ rara m ahụ na mbụ, kama nanị na abalị gara aga, arịọwo m Chineke igosi m otu m ga-esi abịakute Ya nso. Mgbe m tụgharịchara ya n’ime obi m, e kpebiri m, “Ma ọkaghị mma ị ga nụta ma hụta n’onwe gị dịka dimkpa?”

Mgbe anyị nọọrọ na nzukọ oriri nsọ, a hụtara m mpempe akwụkwọ dị n’ime ihe mgbasa ozi Sọnde na-amaọkwa maka otu ọmụmụ ihe ndabere onwe gbasara nchịkọta ego nke onwe. A dịbeghị m na njikere ịlaghachị nzukọ, mana obi m nọọrọ na ihe ọmụmụ ahụ a ga-amụ ruo izu ụka 12. Na mgbam ume sitere n’aka nwanne m nwanyị na ọgọ m nwoke, edebanyere m aha m, na-atụ anya ịmụta nanị otu esi eme atụmatụ mkpata na mmefu na otu esi akwụchapụ ụgwọ. Klas niile ahụ, otu o sila dị, gbanwere m ime mmụọ.

Ọtụwo m n’anya site n’ozi ime mmụọ niile nke klas izu ụka abụọ bu ụzọ, mana n’oge klas nke atọ, oke mmetụta nke mmesị obi ike mere ka m kweta na erutewo m ebe obibi, ma n’anụta eziokwu ọhụrụ bụkwa nke m maara amara. A hapụrụ m klas ahụ ma nyara ụgbọala gaa ozugbo ịhụ Priscilla. N’anya mmiri, ajụrụ m ya, “Olee otu m ga-esi enwete karịa ụdị mmetụta a n’ime ndụ m?” O mere ka ndị mgbasa ozi ọma bido ikuziri m ihe.

Ndị otú klas ndabere onwe m bịara na nkuzi ndị mgbasa ozi ọma m ma kwadoo m. Ha mere ezi mmetụta n’ime mmụọ m ma nyere m aka nwete ọgbụgba ama nke ozi ọma na ndị amụma ụbọchị taa.

N’oge o were m imezu mmụta ahụ, e mere m ọtụtụ mgbanwe nke ndụ na nke ime mmụọ. E bidoro m ọrụ ọhụrụ n’ụlọ ọrụ dị mma, ma akwụghachịrị m ọtụtụ ụgwọ mgbazinye.

Mana ngọzi ndị ka mie emie, ka dị ụtọ sitere na mmụta ahụ bịa gụnyekọtara imepụta ọmarịcha enyi na enyi, iwulite mmekọrịta dị mma mụ na bishọp na-enye mgbam ume, nwete ọgbụgba ama nke ịkwụ otu ụzọ na ụzọ iri, ịnata tempụl rekọmend m, nata onyinye dị nsọ m, na ịhụta ụmụ m abụọ tọchara ndị ọzọ mee baptizm.

Ụzọ nke ndabere onwe m ka n’emepe emepe, kama maka njem m nke fọdụrụ, a ga m eji nkuzi niile m mụtaworo na enyi ndị m meworo kpọrọ ihe.

Kpọkuo, Gaa, Gbaa ume

N’inyere Ndị nsọ Ụbọchị ikpeazụ a aka nwete ndabere onwe—ma na nchịkọta ego ma na ime mmụọ—Nzukọ nsọ bidoro atụmatụ nke ndabere onwe ya a n’afọ 2014. Mgbe emesịrị ofufe ekpere na abụ, ndị bịara ebe ahụ, mere mhọrọ site na klassị anọ dị iche iche nke aga mụ ruo izu ụka 12.

N’ihi na otú ndị ndabere onwe n’arụ ọrụ dịka kansụl, ha na-enye ọmarịcha ohere iji jee ozi nye nchịkọta ego, agụm akwụkwọ, inwe aka ọrụ, na mkpa ime mmụọ ndị ọzọ. Ndị otú otú na-amụta ihe, a dụkọrịta ndụmọdụ, ma kwadoo otu onye na ibe ya. Ha nakwa etikọrịta echiche, ma ọ dịịrị ha inye nkọwa nye ibe ha.

Kpee ekpere banyere ndị otú ezi na ụlọ, ndị enyi, ma ọbụ ndị agbata obi i nwere ike ịkpọku ịbịa na ọmụmụ ihe ndabere onwe, ma soro ha gaa. Cheta na ụkpụrụ niile nke ndabere onwe nwere ike gọzie ụmụ niile nke Chineke, na-agbanyeghị ma ha bụ ndị otú Nzukọ nsọ ma ha abụghị.

“Enweterem Mmetụta Ịhụnanya Mgbe Ọbụla M Hapụrụ Klasị Ọbụla”

Mgbe ọ gara nleta na Ogige Tempụl dị n’Obodo Salt Lake, Utah, ya na nwa ya nwoke gbara afọ 10, Vincent, na Dizemba 2016, Katie Funk hụtara onwe ya dịka ndị ahụ kwere na mmadụ “ekwesighị, mọbụ nwe ike ị ma ịhe ọbụla gbasara Chineke.” Ọ hapụrụ Nzukọ nsọ n’afọ 16, bụrụ nne nanị ya nọ n’afọ 17, bido ise ihe n’ahụ ya, ma bido ịńụ kọfị. Mana n’oge nleta na Ogige Tempụl ahụ, Vincent nwetere mmetụta Mmụọ Nsọ ma rịọ nne ya ma o nwere ike ibido ịnata nkuzi ndị mgbasa ozi ọma.

N’agbanyeghị ọrụ abụọ ya, ịrụ ọrụ awa ruru 80 kwa izu ụka, Katie mụrụ ozi ọma ya na Vincent, na-achọta azịza nye ajụjụ ya n’etiti nleta ndị mgbasa ozi ọma. N’oge ọkọchị nke 2017, o bidoro ịga nzukọ niile nke Nzukọ nsọ, ebe ọ mụtara ihe banyere ọmụmụ ndabere onwe nke Nzukọ nsọ.

Ọ sịrị, “A matara m na ha bụrịị ihe ndị nwere ike inyere m aka”. “Enwere ike ọdịghị mkpa na m ga-arụ ọrụ abụọ ma ọbụ dabere n’aka nne na nna m n’oge ndụ m niile.”

Katie kpọrọ mmụta ya “mgbam ume pụrụ iche nke ndụ na nke ime mmụọ,” n’abụghị n’ihi ihe ọ mụtara kamakwa n’ihi otu ndị otú ndabere onwe ya si nabata ma lekọta ya.

Otu I Nwere ike isi Nye aka

Nke a bụ ụfọdụ echiche sitere n’aka Katie maka otu anyị nwere ike isi mee atụmatụ ndabere onwe nke Nzukọ nsọ bụrụ ohere iji jee ozi ma ime mmụọ ma na ndụ:

“Nye nkwado na mgbam ume. Ndị otú m kwadoro m n’ụzọ nke mere a na m enwete mmetụta ịhụnanya mgbe ọbụla m hapụrụ klasị ọbụla.”
“Kwupụta nhumihe gị. Ikwu ezi okwu na obi sara sara anyị nwere maka onye ọbụla mere obi anyị adịrị mma karịa. Ị maghị onye ga-erite uru site n’ihe ị ga-ekwupụta.”
“Kwupụta okwu. A na m ekwupụta okwu banyere otu ndụ m si dị mma karịa n’ihi na m na-akwụ otu ụzọ n’ụzọ iri m ma na-aga nzukọ nsọ. A na m eji akwụkwọ Nchịkọta ego nke Onwe maka Ndabere onwe arụ ọrụ dịka onye ọka-mmụta nke ịkpa agwa. Mgbe kwesịrị ekwesị, a na m ekwupụta ụkpụrụ ya nye ndị ọzọ.”
“Gaa mmụta ndabere onwe n’onwe gị, kama tinye anya n’ala maka ndị ahụ nwere ike ịchọ enyemaka gị. N’ihi mgbanwe n’usoro ọrụ m, agaghị m klas ihe ruru ọkara, mana ndị otú nke otú m naara akpọtụrụ m ma na amasị m obi ike. Ọ bụụrụ ihe ịtụnanya inwe mmetụta na m soro bụrụ onye otú ọbụna mgbe m n’enweghị ike ịnọ ebe ahụ.”

© 2020 site na Intellectual Reserve, Inc. Ikike Mbipụta niile ka e dokwara Ebipụtara na USA. Akwadoro n’asụsụ Bekee: 6/19. Nkwado ntụgharị-asụsụ: 6/19. Ntụgharị asụsụ nke Ụkpụrụ niile nke Ije-ozi nlekọta, Ọgọst 2020. Igbo. 16723 593