“Papah nin duwen Utohr,” Liahona, Oahkos 2020
Padahk kan en Papah, Oahkos 2020
Papah nin duwen Utohr
Sewese mehteikan en kak uhtohrala wia sapwellimen Kauno doadoahk en papah.
Tohto atail peneinei, koampakepahtail, oh mehn impatail me mwahuki utohr. Doadoahngki duwen utohr en Mwomwodiso, tohn Mwomwohdiso kin esehla soahng tohto pwe ren kak sewese, apwalih, oh papah ni arail kin kapaiada mehteikan ni soangen wiepe me kin kiheng irail koapwoaroapwoar, meleilei, oh kekeirda.”1
“I Mihmi Nihmwo”
Sang Chrissy Kepler, Arizona, USA
Ih anehkida kahpwal en mwohni mwurinte ai mweisang ai pwoudo, songosong en pwurehng rapahkihda ahl me pahn kapwurehiongie pohn ahl en doadoahk mwurinte ahi wia nohno men me kin mihmi ni ihmw mwurin sounpar waluh. I pil ahneki kahpwal en palingehn, raprapahki mehlel oh pwoson, mendahte ahi sakinte pilehu pidelong nan ihmw sarawi sangete ni ai pwulopwul o.
Ehu rahn sarawio I wie lopwolopw ni imwen riei serepein laudo, Priscilla, me wia emen towe kehlail nan Mwomwohdiso wet. Ansou me I mih mwo, Priscilla lukehiongie ien iangih ah peneinei kohla sarawi—iei tepin luhk me wiawihongie mwurin sounpar 15 samwa.
Ih ahneki peikasal ni tapio, ahpw nihpwongin mandahu, ih peki rehn Koht en kasalehiongie ia mwomwen ahi pahn pwurehng karanihla Ih. Mwurin ahi pehmada mehkot ieu ah sikisikeniehu, I rongada ah inda, “Dahme ke sou kohla rong oh kilangki pein kowe ni ahmw wia aramas laud men sang ni pein omw mohngiong oh mesemw?”
Ni aht wie mihmi ni mihting en kamadipw sarawio, I kilangada doaropwe ieu ni arail dihd o me pakpakairki duwen sawasepen kakoaieklahn apwalih pein noumw mwohni. I saikinte onopada ien pwurodo sarawi, ahpw I ahneki pepehm kehlail ieu ong kasukuhl en wihk-12 o. Sang ni kakehlail me kohsang rehn riei serepeino oh ah pwoud, ih intingihdi edeio, medmedewe me I pahn koledihte ia mwomwen apwalih pein noumw mwohni oh ia mwomwen pwainla pweipwand kan. Nan kasukuhlko, ni mehlel, wekidiehla ni palingehn.
Ih inenen pwuriamweikihla duwen sawas en palingehn kan me I alehdier nan wihk kei me I tepida iang kasukuhl wet, ahpw nan kesiluhn wihk en kasukuhl, aIhnekihdi pepehm en katengeteng ieu me ih miher ai wasahn kousoan oh rongorong mehkot me kapw oh pil mehlel. Ih pwurasang ahi kasukuhlo oh tangala pwe ien tuhwong Priscilla. Pilen mesei dirada, ngehi idek reh, “Ia mwomwen ahi pahn kak kin alehdi soangen pepehm wet nan ai mour?” E padahkihong misineri kan en tepda padahkehngie.
Koaros me kin iang ie ale kasukuhl en utohro pil kin iang kohdo utungie ansou me misineri kan kin padahkehngie. Irail inenen wiahda lihpw laud ehu nan palingeniet oh seweseie en kak alehdi ahi kadehde duwen rongamwahu wet oh duwen soukohp kan en nan rahn pwukat.
Ansou me I kanekelahr kasukuhl me I alehdierko, I wekidala soahng tohto me pid paliwar oh palingehn. I tapiada ehu doadoahk mwahu, ngehi eri pwainla pweipwand tohto.
Ahpw kapai kansenamwahu kan kin kohdo sang ni kasukuhl o me iangahki wiahda kempoakepahi kaselel kan, pil ehuieng bishop me kin inenen insenoh, raprapahki kadehde en meirong, alehdi nei kisin likou en mweimwein pidelong nan tehnpas sarawi, oh kilang nei seri laud riemen ara pepdaislahr.
Ahi ahl en utohr la wie wenwenlahte mwowe, ahpw ong luhwen aih seiloak wet, I pahn kesempwaliki iren kaweid kan me I koledier oh ehupene me I pil wiadahr.
“I Kin Kohkohlahsang Ehu Kasukuhl Ni Ahi kin Pepehm Limpoak”
Ansou me e pwarek Temple Square nan Salt Lake City, Utah, iangahki nah pwutak me sounpar 10, Vincent nan Tihsempe 2016, Katie Funk pein medewehiong ih me e inenen “insenamwahu.” E kokolahsang Mwomwohdiso wet ni ah sounpar 16, wiahla nohno men me kiripw ni ah sounpar 17, tapiada ahnekihda pelpel kan, oh pil iang songedi koahpi. Ahpw ni seiloak ong Temple Square, Vincent pehmada Ngehn Sarawio oh peidek rehn ah nohno ma e kak iang ale padahk en misineri kan.
Nan pwungen doadoahk riau, awa-80 nan wihk en doadoahk kan, Katie kin iangih Vincent oh onopiki rongamwahu o, pwurehng raprapahki pasepeng kan ong ah peidek kan nan pwungen pwaredohn misineri kan. Ni summer en pahr 2017, e tapiada iang towe tuhpenhen Mwomwohdiso kan, wasa me e koledishangie duwen sapwellimen Mwomwohdiso kasukuhl kan en utohrla.
E inda, “I diarada me re wia mehkot me pahn kak sewese ie,”. “Mwein I sohte anahne doadoahk riau de epwehki ahi nohno oh pahpa erein ai mour.”
Katie kahdaneki ah kasukuhlo “udahn kainenehla paliwar oh palingehn,“ kaidehn pwehki sang ni dahme e koledier ahpw pwehki sang rehn ah pwihn en utohrla arail alehda ih oh papah ih.
© 2020 sang Intellectual Reserve, Inc. Kolokol pwuhng koaros. Intingda nan USA. Kamanaman ong ni lokaiahn wai: 6/19. Kamanaman ong kawehwe: 6/19. Kawehwepen Padahk kan en Papah, Oahkos 2020. Pohnpeian. 16723 885