Ukulungiselela ngokuXhomekeka Kuwe

Ukunceda abanye baxhomekeke kubo kukubonelela kunye nokulungiselela ngendlela yeNkosi.

Uninzi lwamalungu osapho lwethu, nabahlobo, kunye nabammelwane banomdla wokuxhomekeka kubo ngakumbi. Ngokusebenzisa amanyathelo okuxhomekeka kuwe eBandla, amalungu eBandla afumana amathuba okunceda, okukhathala, kunye nokulungiselela njengoko esikelela abanye ngeemfundiso ezizisa “ithemba elingakumbi, uxolo, kunye nenkqubela phambili.” ¹

“Ndandisekhaya”

Ngu Chrissy Kepler, eArizona, USA.

Ndandisokola ngokwezemali emveni koqhawulo-mtshato, ndizama ukufumana indlela yam ebuyela kwimbumba yabasebenzi emveni kokuba ngumama ohleli ekhaya iminyaka esibhozo. Ndandisokola ngokwasemphefumlweni, ndifuna inyaniso kunye nokholo, nangona ndingazange ndalibeka inyawo kwisakhiwo senkonzo ukususela ndisemtsha.

Ngenye iCawa ndandihlamba impahla kwikhaya likadade wethu omdala, uPriscilla, ilungu elizimiseleyo leBandla. Xeshikweni ndiphaya, uPriscilla wandimema ukuba ndiye enkonzweni nosapho lwakhe—isimemo sam sokuqala kwiminyaka engapha kwe-15.

Ndandithandabuza ekuqaleni, kodwa ngobusuku obungaphambili, ndamcenga uThixo andibonise ukuba ndingasondela njani kuYe. Emveni kokuva ngaphakathi ukuba mandiye, ndagqiba, “Kungokuba kutheni ungahambi uyokuva kwaye ubone ngokunokwakho njengomntu omdala ngentliziyo namehlo akho?”

Xeshikweni sikwintlanganiso yomthendeleko, ndaqaphela iphepha kwizaziso zeBandla zangeCawe lisazisa ngesifundo sokuxhomekeka kuwe kwezezimali zakho. Ndandingekakulungeli ukubuyela ebandleni, kodwa ndeva nditsalelwe kwisifundo seveki ezi-12. Ngenkuthazo evela kudadewethu kunye nomkhwenyana, ndabhalisa, ndilindele ukufunda ngokwenza uhlalo-lwabiwo mali kunye nokubhatala ityala kuphela. Ezi zifundo, kananjalo, zanditshintsha ngokwasemphefumlweni.

Ndandimangazwe yimiyalezo yomoya kwiiveki zokuqala zeklasi, kodwa ngexesha leklasi yesithathu, ndandigubungelwe yimvakalelo yesiqinisekiso sokuba ndandisekhaya kwaye ndandisiva iinyaniso ezintsha kodwa eziqhelekileyo. Ndayishiya iklasi kwaye ndaqhuba ngqo ukuyokubona uPriscilla. Ndisezinyembezini, Ndambuza, “Ndiyifumana njani imvakalelo enje ngokongezelelekileyo ebomini bam?” Walungiselelela abavangeli baqalise ukundifundisa.

Amalungu eklasi yokuxhomekeka kuwe eza kwiifundo zovangelo kwaye bandixhasa. Benza igalelo elingenasiphelo ngokwasemphefumlweni kum kwaye bandinceda ndaphuhlisa ubungqina bevangeli kunye nabaprofeti balemihla.

Kwixesha elandithathayo ukugqiba esisifundo, Ndenza utshintsho oluninzi ngokwexeshana nangokwasemphefumlweni. Ndaqalisa umsebenzi omtsha nenkampani elungileyo, kwaye ndabhatala amatyala aliqela.

Kodwa ezinzulu, ezinobumnandi iintsikelelo ezaphuma kwisifundo zaziqulathe ukudala ubuhlobo obuhle, ukuphuhlisa ubudlelwane obulungileyo noBishophu okhuthazayo, ukufumana ubungqina besishumi, ukufumana ilungelo lokungena itempile, ukubanesiphiwo, nokubona abantwana bam ababini abadala bebhaptizwa.

Indlela yam eya kukuxhomekeka kuwe isatyhileka, kodwa kuhambo olusaseleyo, ndiyazithanda ngokwenene iimfundiso endizifundileyo kunye nobuhlobo endibenzileyo.

Mema, Yiza, Yomeleza

Ukuncenda Abangcwele Bemihla yokuGqibela bazuze ukuxhomekeka kubo—ngezezimali nezasemphefumlweni—iBandla laqala inyathelo lalo lokuxhomekeka kuwe ngo-2014. Emva komyalezo wentshayelelo, abakhoyo bakhetha kwizifundo zethu ezine ezahlukileyo zeveki ezi-12.

Ngenxa yokuba amaqela okuxhomekeka kuwe esebenza okwebhunga, anika ithuba elilungileyo lokubingelela kwabanye ngezidingo zemali, imfundo, umsebenzi, kunye nezomphefumlo. Amalungu eqela afunda, abhunga, kwaye axhasa omnye komnye. Bakwabelana ngezimvo kwaye bakwaphendula omnye komnye.

Thandaza ngokuba ngawaphi amalungu osapho, abahlobo, okanye abamelwane onako ukubamema kwisifundo sokuxhomekeka kuwe, kwaye yiba kunye nabo. Khumbula ukuba iimfundiso zokuxhomekeka kuwe zinakho ukusikelela bonke abantwana bakaThixo, akukhathaliseki nokuba bangamalungu eCawa okanye abangawo.

Ndandiyishiya iKlasi Nganye Ndiziva Ndithandwa”

Xa wayetyelele eTemple Square eSalt Lake City, eUtah, nonyana wakhe oneminyaka eli-10 ubudala, uVincent, kweyoMnga ngowama 2016, uKatie Funk wazicingela njengo “khululekileyo oko engakholelwa kubukho bukaThixo.” Wayishiya iCawa kwiminyaka eli-16, wabangumama ongatshatanga ena-17, waqala ukufumana imibhalo yomzimba, kwaye waqala ukungcamla ikofu. Kodwa ngelixa lokutyelela eTemple Square, uVincent weva uMoya Oyingcwele kwaye wabuza umama wakhe ukuba angathabatha izifundo zovangelo.

Ngaphandle kwemisebenzi emibini yakhe, yeyure ezi-80 ngeveki, uKatie wayefunda ivangeli noVincent, ephanda iimpendulo zemibuzo yakhe phakathi kotyelelo lovangelo. Ngehlobo lika-2017, waqalisa ukuhamba iintlanganiso zeBandla, apho wafunda ngezifundo zokuxhomekeka kuwe zeBandla.

“Ndaqaphela ukuba zaziyinto enako ukundinceda,” watsho yena. “Mhlawumbi andinakudinga ukusebenza imisebenzi emibini okanye ndoyame kubazali bam ubomi bam bonke.”

UKatie wabiza isifundo sakhe “ukomeleza okumangalisayo kwenyama nangokwasemphefumlweni,” hayi nje koko akufundileyo kodwa nangenxa yendlela iqela lakhe lokuxhomekeka kuwe lamamkela kwaye lalungiselela kuye.

Unganceda Njani

Nanga amanye amacebo asuka kuKatie ngokuba singalenza njani inyathelo leBandla lokuxhomekeka kuwe libelithuba lokulungiselela, ngokwasenyameni nangokwasemphefumlweni:

“Nika inkxaso nenkuthazo. Iqela lam lalindixhasa ngendlela yokuba ndandishiya iklasi nganye ndiziva ndithandwa.”
“Yaba amava akho. Ukunyaniseka nokuvuleka esasinako omnye komnye kwenza intliziyo zethu zizive ngcono. Awunako ukwazi ukuba ngubani onokuzuza kwinto oyabayo.”
“Yiba nokuthetha. Ndisisithethi malunga nokuba ubomi bam bungcono njani ngenxa yokuba ndibhatala izishumi zam kwaye ndiye eCaweni. Ndihamba nencwadi i-Personal Finances for Self-Reliance nam ukuya emsebenzini wam njengo mnyangi ngokwendlela yokuziphatha. Xa kufanelekile, ndabelana ngezinye iimfundiso zayo kunye nabanye.”
“Ziyele wena kwisifundo sokuxhomekeka kuwe, kodwa jonga abo banokufuna uncedo lwakho. Kwafuneka ndiphose phantse isiqingatha seeklasi ngenxa yotshintsho lwexesha lomsebenzi wam, kodwa amalungu eqela lam ahlala eqhagamshelana kwaye echwayitisa mna. Kwakumangalisa ukuziva ukuba ndisengowapha nangona ndandingakwazi ukuba khona.”