Machib nga Gelngim

Ayuweg boech e gidii’ ni ngar gel gaed e yibe machib ni rogon kanawo’en Somoel.

Oren e tabinaew rodaed, tafagar rodaed, nge pi’in u to’ben daed e yaed ba adag ni ngar gel gaed. Gelngin e Galasia ni yibe murwel ngay, ma be pir’eg chonggin e Galasia kanawo’ey ni ngan pigpig, man runguy, man machib napan ni yaed be fal’eg wa’ath boech e gidii’ nima pi’ e athap, gapas, nge mangil.”¹

”Guba’ u Tabinaew”

Ke yoloey Chrissy Kepler, Arizona, USA

Gube magawon ko salpiy napan ni ku dar gow e pumo’on rog, ma gube athamgil ni nggu sul biyay ko murwel napan ni ku ug paer u tabinaew nike gaman meruk e duw ni gube famchew. Kugu be magawon ni ya’el, ni gube gay e tin riyul’, daworug ta’ bi’id eg nga lane galasia napan ni kab fal’ yangreg.

Reb e Madnom napan ni gube lukuy e maad rog u tabinaew rok e walageg nib ppin ni ilal, ni Priscilla fithngan, ni dakir ma un nga Galasia. Napan ni gubay u rom, me piningeg Priscilla ni nggu un ngak e tabinaew rok nga Galasia—somm’on nikan piningeg nike yan 15 e duw.

Ku marwaer ko somm’on, machane re neap um’on, mug wenig ngak Got ni nge dag ngog rogon ni nggu chugur Ngak. Napan ni gube marwaer, me yib e tafney ngog ni, ”Mongfan ni dam man ngam motoyil mag guy rom nga gumircha’em nge owchem nikam pilal’?”

Napan ni gamad bay ko fare mo’olung ko sacrament, mug guy ni babyor ni nikan gabliy ngalang nibe weliy mornga’agen e salpiy ni ngan ayuweg, Dawori taw nga wun’ug ni nggu sul nga galasia, machane gu ba adag mornga’agen fare class ni 12 e wik. Walageg nge pumo’on rok ni yow be pi’ e athamgil ngog, mug sayn nga’, ni gube leam nag ni kemus ni gura fil mornga’agen I ayuweg e salpiy nge malfith ni ngan thang. Machane, fapi clas; e thilyeg e ya’el rog.

Ku gin’ ngay ni kan machib u lane bin somm’on e wik ko clas, machane napan e bin dalip e clas, ma kug sug ko thamtham ni ku nang ni gubay u tabinaew ma gube rung’ag e tin nib riyul’. Gu chuw ko fare clas mug waen ngguy Priscilla. Fithik e lu’, mug fith nug ga’ar, ”Urogon ni nggu paer ni gube thamiy e biney u lane yafas rog?” Ke non ko pi’in nima machib ni ngan tabab I machib nigeg.

Gidii’ u lane clas rog e ri uned ko ngiyal’ ni yibe machib nigeg mar ayuweg ned gag. Kar ayuwegned e gag ni ya’el ma kar ayuwegned gag ke gel e mich rog ko fare gospel nge pi profet e daba’.

Sunun’uw napan ni yag ni nggu mu’ nag fare clas, ma ku thil ni gidii’ nge ya’el. Ku tabab nag e murwel nib bi’ech u bang nib mangil, me yag ni nggu thang pulwon e malfith rog.

Machane, tawa’ath nike yib ko re clas nem e mu’un e fagar nike yag ngog, nge bishop ni ku nang, mich nike yag ngog ni mornga’agen e miligach, mug thapeg e temple recommend, man endow nigeg, muguy l’agruw fakag nib ilal nikan tawfe nag row.

Kanawo’ rog nibe gel rogog e ku dawori buch, machane yafas rog nga m’on, ma gura tafney nag e pin’en ni ku fil nge pi fagar nike yag ngog.

PIning, Mu’un, Pi’ Gelngin

Ra ngan ayuw ngeyag gelngiy rogon ko Gidii’en Got ko Tin Tomur e Rran—l’agruw ni salpiy nge ya’el—ke tabab nag e Galasia e biney ko 2014. Tomuren ba mo’olung, gidii’ e ri mel’eged u fithik aningeg e clas nib thilthil u lan 12 e wik.

Bachan fare ulung nibe murwel u ta’abang, ma kar pi’ed e kanawo’ nib mangil rogon ninge ayuweg bee’ ko salpiy rok, pi’in nib cheg nag, nge tin nib tu’uf ko ya’el. Pi ulung e yaed be fil ban’en u fithik raed, yaed be puruy, ma yaed be ayuweg ned raed. Ki yaed weliy mornga’agen e pi gonop roared ngoraed.

Meybil ko bin ngan e tabinaew, fagar, fa cha’an nib chugur ngom ni rayog ni ngan pining nge un ko fare clas ko gelngiy, man un ngorad. Tafneyem riy ni pin’en nib ga’fan ko gelngin lanin’uy e rayog ni nge fal’eg wa’athan pifaak Got, demtrug ko yaed e chonggin e Galasia fa danga’.

”Gubin e Clas ni gube Chuw Riy ma Ku Thamiy e Tu’ufeg”

Napan ni yan ko Temple Square u Salt Lake City, Utah, ni yow e pagal ni faak ni ragag e duw rok, ni Vicent fithngan, ko December 2016, me yoeg Katie Funk nike ”pufpuf rogon.” Ke chuw ko Galasia napan nib 16, me faka’ e bitir nib 17, me tabab i tatu nag downgin, me adag lamen e cofiy. Machane napan e re yan nem ko fare Temple Square, me thamiy Vincent fare Kan Thothup me fith e nina’ rok fa’anra rayog ni ngan machib nag.

Demtrug ni l’agruw e murwel rok, 80 e awa u lane wik nima murwel, me un ngak Vincent i fil mornga’agen fare gospel, nibe gay rogon ninge ayuweg ko duwer rok u thilthilin e ngiyal’ nima yib e pi tamachib. Napan e summer ko 2017, me tabab i un ko mo’olung ko Galasia, ni gin ni nang mornga’agen fapi clas ko gelngiy ko Galasia.

”Ku nang ni bugi ban’en ni rayog ni nge ayuweg neg,” e yoeg. ”Sana dani tu’uf ni l’agruw e murwel rog fa gu taga’ ngak e galabthir rok u lane yafas rog.”

Weliy Katie mornga’agen e clas rok ni ”be pi’ gelngiy ni gidii’ nge ya’el,” ni gathi kemus ni n’en nike fil machane bachane pi’in ni bay ko fare clas e kar ayuwegned.

Rogon ni Rayog ni Ngam Ayuw

Ba’aray boech e gonop ni keb rok Katie ni rogon ni rayog ni ngad ted e binem ko Galasia ni ngan ayuwegey nigidii’ nge ya’el.

”Pi’ e ayuw nge athamgil. PI’in ni gamaed nga clas e kar ayuwegned gag ni gubin ngiyal ni gura chuw ko clas ma ku thamiy ni gub tu’uf.”
”Weliy e tin nike buch rom. Rogon ni gamaed be yul’yul’ ngomaed e ke fal’eg rogon gumircha’en maed. Danum nang ko mini’ e gara ayuweg ko n’en ni gara pi’.”
”Mu non. Guma non ni mornga’agen e yafas rog nike fal’ ni bachane guma pi’ e miligach rog ma guma yan nga galasia. Guma feek e babyor rog ni mornga’agen e Salpiy nge Gelngiy ko murwel rog ni gub therapist ko pangiy. Fa’anra keyag, ma guma weliy boech mornga’agen ngak boech e gidii’.”
”Man ko clas ko gelngiy ni fan ngom, machane mu yaliy e pi’in ni ra tu’uf e ayuw rom roraed. Dani yaeg ni nggu m’ug ko oren e clas rog ni bachane e thil rogon e rran ni nggu waen ko murwel, machanebay e pi’in nibe pi’ e thamgil ngog. Rib mangil ni kab pufpuf rogon mus ni daryog ni nggu m’ug.”

© 2020 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Ministering Principles, August 2020. Language. 16723 000