2020
Ko e ʻOfa ʻi Hotau Fāmilí
Sepitema 2020

Mei he Kau Palesitenisī ʻUluakí

Ko e ʻOfa ʻi Hotau Fāmilí

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Palesiteni Henry B. Eyring

Naʻe toʻo mei he “ʻOku ou Tuku ʻEku Melinó Kiate Kimoutolu,” Liahona, Mē 2017, 15–18.

Loving Our Families

Naʻe fakahā ʻe he palōfita ko ʻAlamaá ki hono kakaí ʻoku totonu ke “taha honau lotó ʻi he uouangataha mo e feʻofoʻofani” (Mōsaia 18:21). Ko e taimi ʻe niʻihi ʻe lava ke faingataʻa ke ongoʻi e uouangatahá ʻi hotau fāmilí, ka ʻe lava ʻe he Laumālie Māʻoniʻoní ʻo tokoniʻi kitautolu.

Ne ʻi ai ha taimi ʻe taha naʻe punopuna ai homa foha kei siʻí ʻi hono mohengá. Na‘e hohaʻa ʻene puná peá u fakakaukau ʻe maumau hono mohengá! Ne u ongoʻi ʻita. Naʻá ku lue atu ʻo pukeʻi hono umá. Naʻá ku hiki hake ia ke ma fesiofaki.

Pea ne u ongoʻi ʻi hoku ʻatamaí ʻa e kiʻi leʻo vanavanaiki ʻo e Laumālie Māʻoniʻoní ʻoku pehē, “ʻOkú ke fua ha tokotaha maʻongoʻonga.” Naʻe ongo mamafa ʻa e ngaahi lea ko iá ki hoku lotó. Naʻá ku fokotuʻu fakalelei hifo hoku fohá ki hono mohengá peá u kole fakamolemole kiate ia.

Kuo hoko hoku fohá he taimí ni ko ha tangata maʻongoʻonga. ʻOku ou houngaʻia ʻo taʻengata ki hono tokoniʻi au ʻe he Laumālie Māʻoniʻoní ke u vakai kiate ia ʻo hangē ko e ʻafio ʻa e Tamai Hēvaní kiate iá—ko Hono foha.

Te tau lava ʻo feinga ke fanongo ki he Laumālie Māʻoniʻoní ʻi heʻetau fesiofakí, pea ʻi heʻetau fakakaukau ki he niʻihi kehé. ʻE tokoni ia ke tau ongoʻi ha ʻofa lahi ange ki hotau fāmilí. ●

Tupulaki ʻi he ʻOfá

Growing in Love

Kosi ʻo toʻo e ʻū laʻipepá pea faʻo ʻi ha poulu. Hili homou fakahoko ha taha ʻo e ngaahi ʻekitivitií, tānaki ha foʻi fehokotakiʻanga ki hoʻomou sēini e ngaahi foʻi mafú.

  1. Pelu ua ʻa e laʻipepá.

  2. Peluki fakataha e ongo tapa ʻo e laʻipepá ke hangē ha foʻi mafú. Pineʻi pe fakapipiki fakataha kinaua.

  3. Ke faʻu ha sēini, fakahū e tapa ʻo e foʻi mafu hokó ʻi loto ʻi he foʻi mafu ʻuluakí kimuʻa pea pineʻi pe fakapipiki fakatahá.

  • Fehuʻi pe ko e hā te ke lava ʻo fai ke tokoni aí.

  • Talanoa kau ki ha manatumelie fakafiefia.

  • Lotua ha taha ʻi homou fāmilí.

  • Fai ha kiʻi tohi ʻofa ki ha taha.

  • Fehuʻi ange pe naʻe fēfē honau ʻahó.

  • ʻAve ha inu pe meʻatokoni maʻamaʻa ki ha taha.

  • Talaange ki ha taha ʻokú ne mahuʻinga kiate koe.

  • Fai ha foʻi vaʻinga pe luelue fakataha.

  • Lea, “Fakamolemole atu,” ʻi he taimi ʻe fie maʻu aí.