Haʻu, ʻo Muimui ʻIate Au: Tohi ʻa Molomoná
Te tau lava fēfē ʻo fanongo ki he leʻo ʻo e ʻOtuá?
14–20 Sepitema
Kimuʻa pē ʻi he ngāue fakafaifekau ʻa e Fakamoʻuí ki he kakai Nīfaí hili ʻEne Toetuʻú, naʻe fanongo e kakai Nīfaí ki he leʻo ʻo e Tamai Hēvaní ʻi hono fakafeʻiloaki ʻo Sīsū Kalaisi ko “hoku ʻAlo ʻOfaʻangá, ʻa ia ʻoku ou fiemālie lahi ai” (3 Nīfai 11:7). ʻE lava ʻe he aʻusia ʻa e kau Nīfaí ʻo akoʻi mai ha meʻa lahi fekauʻaki mo e founga te tau lava ʻo fanongo ai ʻi heʻetau moʻuí ki he leʻo ʻo e ʻOtúá ʻo fakafou ʻi he Laumālie Māʻoniʻoní.
ʻAlu ki he Temipalé
Naʻe fakatahataha takatakai e kakai Nīfaí ʻi he temipale ʻi he fonua ko Mahú (vakai, 3 Nīfai 11:1). Naʻa nau maʻu ʻi he feituʻu toputapu ko iá ha faingamālie ke fanongo ki he leʻo ʻo e ʻOtuá.
Te tau lava fēfē nai ʻo teuteu ke ʻalu ki he temipalé pea fanongo ki he leʻo ʻo e ʻOtuá ʻo fakafou ʻi he Laumālié?
Ongoʻi e Mālohí
ʻI he kamataʻangá, naʻe fanongo e kakai Nīfaí ki ha “kihiʻi leʻo-siʻi” ka “naʻe ʻikai mahino kiate kinautolu ʻa e leʻo” (3 Nīfai 11:3). Ko e leʻó ni “naʻe mahuhuhuhu ai ʻa e loto ʻo kinautolu naʻe fanongó pea ongo moʻoni ki honau lotó” (3 Nīfai 11:3).
Te tau lava fēfē ʻo ongoʻi e mālohi ʻo e “kihiʻi leʻo mālie” ʻo e Laumālié? (vakai, 1 Ngaahi Tuʻi 19:11–12).
Fakaava Ho Telingá
Hili e fanongo e kakai Nīfaí ki he leʻó ʻi hono tuʻo tolú, naʻa nau “fakaava honau telingá ke ongoʻi ia” (3 Nīfai 11:5). Naʻa nau fakavaivaiʻi kinautolu mo loto-fiemālie ke fanongo.
Te tau lava fēfē ʻo fakavaivaiʻi kitautolu ke fanongo ki he leʻo ʻo e ʻOtuá ʻo fakafou ʻi he Laumālié?
Tafoki ki he Tupuʻangá
ʻI hono fakaava pē ʻe he kakai Nīfaí honau telingá, naʻa nau “sio fakamamaʻu ki he langí, ʻa ia naʻe haʻu mei ai ʻa e leʻó” pea “naʻe mahino kiate kinautolu ʻa e leʻo naʻa nau fanongo ki aí” (3 Nīfai 11:5–6).
Tā fakatātaaʻi ʻe Carolyn Vibbert