Karihngihn in Fahsruh, Fahsr Tukuk

E oruh fuhkah Fahsruh, Fahsr Tukuk in kahsrekom ekuhllah moul sahyac?

Lah kom wi sucu lom an, ke Sacnri Skul class ekihn titsucr kuh tuhlihk lutlut, kuh ke lutlut ah, orekma ah, kuh oacna sie acn, stuhti ke ma suhmuhslah in Fahsruh, Fahsr Tukuk sang in fal orekmakihnyac ke pacl wo in karihngihn mwet sahyac. Tukun ma nuhkwewa, luti, “el yohk likina usyacn sramsram ke Sacnri; wi pac karihngihn ke luhngse ac ahkinsewowoye mwet sahyac ke wosasuc.”¹

Kuhpahsryang nuh sin Tuhlihk Lutlut

Ke pahngyak Ofelia Trejo de Cárdenas in luti tuhlihk fuhsr ke muhtuhnfacl ke ward Mexico, el puhla lah ke el fototo nuh sin tuhlihk lutlut lal ke kais sie Sacnri Skul e kuh in kahsrwel ahkyohkye pahkuhk lal in luti ac ahkkweyaclos.

“Fin nga tena fototo nuh sin tuhlihk lutlut luhk ah ac fin elos tiac puhla luhngse luhk nuh selos, elos e tiac luhlahlfongiyuc ke nga e luti kuhlahs uh kuh ke nga e fahkwack ke luhlahlfongi luhk uh,” el fahk. “Elos e sahp puhlakihn na lah nga mwena Sacnri Skul titsucr se.”

Tuhsruhk Tahmtahel Cárdenas el oruh fuhkah elan orekmakihn elan fototo nuh sin mwet uh fin el luti pacl se fanna ke wik luo nuhkwewa? El sokwack top lal ke technology. Orekmakihnyacn fon ke mobile ke application ke WhatsApp, el ac tuhlihk lutlut lal sramsram ke text ac message ke puhsra. Ingena, lwen nuhkwewa met liki Sacnri Skul lesin, sie kuhlahs uh isacltahlwacng in suhpwaclah nuh sin kuhlahs mempucr sahyac wiyaclos sie fohs ke ma suhmuhslah ke lesin se fahsruh uh ke sie nuhnak ma e apkuhran ac fal nuh kac. Tukun elos riti fohs se inge ac nuhnkuh kac, kuhlahs mempucr sac topuk ke nuhnak lalos sifacna.

“Ke elos riti ma suhmuhslah sac, elos suhpwaclah muhta isrwacsr se oruh nga kuh in etuh lah elos riti ac stuhti ke ma suhmuhslah ac elos nuhnkuh kac,” el fahk Tahmtahel Cárdenas. Ke pacl nuh ke lesin nuh ke Sacnri fahsruh uh, tuhlihk lutlut uh ahkolah in wi.

Ke orekmakihnyacn toeni se inge pacl nuhkwewa uh ahkinsewowoye sie tuhlihk fuhsr suc ninac ac pahpah kiacl uh muhnahslah ke Alu uh.

“Nga luhngse ke nga liye el tuhkuh nuh ke alu ah mweyen nga etuh lah ke tuhkuh ohinge uh, el enenuh in sun ma upac pucspucs,” el fahk Tahtahel Cárdenas. “Nga etuh na pwacye lah ke ma suhmuhslah ac nuhnak luhn tuhlihk lutlut wiyacl ma elos suhpwaclah ac ma suhmuhslah ac nuhnak lal ma el suhpwaclah ke pacl lal ahkkweyeyacl na upac.”

Tahmtahel Cárdenas el fahk lah karihngihn ke ma suhmuhslah tiac tilokuhnuhl ke lesin lal ke lwen Sacnri ac ke kuhpahsr lal ke nguhn ke kuhlahs lal lwen nuhkwewa.

“Ahkolah luhk uh wi pacna in pruhe ke tuhlihk lutlut luhk,” el fahk. “Nga nuhnkuh kaclos tiac lwen Sacnri muhkwena tuhsruhk lwen nuhkwewa ke wik. Kais sie selos oasr srihpac ac kain in enenuh. Kais sie pa tuhlihk nuhtin God. Nga nuhnkuh kwaclos ke nga muhta ahkoo mwe lutlut luhk.”

Ac ke nga el luti, el lohng—selos kwewa tuhlihk lutlut lal ac nuh ke Nguhn Muhtahl.

“Mwet luti pa Nguhn,” suc pa el lohng inkaiyen pacl uh ke puhsrwen tuhlihk lutlut lal. “Nga enenuh in lohacng mweyen ma elos fahk uh pa fwackyuck ma Nguhn uh sang nuh selos uh.”

Kuhlahs Lasr uh el “Oacpacna Tuhkweni in Ekuh Lohm ah”

Carla Gutiérrez Ortega Córdoba el puhla insewowo in mempucr se wiyacl Tahmtahel Cárdenas ke kuhlahs ke Sacnri Skul mweyen el kihte ac karihngihn ma raunweloslac. Carla el ahkkahlwemye ma e sikyak raunweloslac ke kuhtuh srihpac, pa nuh ke:

Ahkolah: Sramsramkihn ma suhmuhslah ac nuhnak in kahsruh tuhlihk lutlut in ahkolah nuh ke kuhlahs se tohkoh. “Kais sie ma suhmuhslah ahkweye kuht ac ahkyohkyelihk etuh lasr,” el ahkuhtweyac,
Elos nuhkwewa ma wi: “Kuht nuhkwewa sramsram. Ma inge use nuh sihk in etwaclah yohk ke tuhlihk lutlut wiyuck, ekihn kawuck, ac ekihn tamuhlwel ac tahmtahel.”
Luhngse: “Tahmtahel Cárdenas el ac eis kom ke poum. Kuhlahs se lasr inge puhla tuhkweni in ekuh lohm ah, kuhtuh sin tamuhlwel ac tahmtahel. Arulacna sacohk.”
Ke Nguhn Muhtahl: “Oasr sesr kuhlwacng, wolacna puhsrwen nguhn ke kuhlahs lasr uh ke srihpen kuht ukwe ac wi nguhn.”
Luhlahlfongi: “Fahsruh, Fahsr Tukuk kuh in kahsreyuc in ahkolah in fahkwack luhlahlfongi luhk uh. Arulacna yohk etuh luhk ke Puk luhn Mormon ac Pwacpuhl. Ma inge kahsreyuc in fahkwack ma nga lotwelah sin tuhlihk lutlut wiyuck ke lutlut ah ac mwet ke orekma ah.”

Karihngihn Enenuh luhn Nguhn

Ke Greg ac Nicky Christensen, ke acn Kentucky, USA, riti ke Mwet wuhlweacng lal Abraham ke ma suhmuhslah ke tuhlihk mukul tolu nahtuhlos, elos sokwack upac in ahkuhtweyucki nuh selos. Elos sulaclah ekihn sucu se lah kais sie selos e tuhfah stuhti ke wuhlweacng lal Abraham selos sifacna ac fahkwack pac ma elos sokwack.

“Kuht sokwack kuhtuh sramsram ma arulacna yohk srihpac,” Greg el fahk. “Tuhlihk yac alkosr se nahtuhsr inge lotwelah lah ine Abraham pahngpahng met Abram. Inel eklac nuh ke Abraham mweyen el oraclah olwelah se lal nuh sin Leum in ekuhllah koluk ac in muhta ke moul suwohs. Nga arulacna lut mweyen el sruhkwack in sramsramkihn.”

Elos nuhkwewa lotwelah ma sasuc se ac sramsramkihn kac lah meac mwet wuhlweacng Abraham uh ac meac kalmac nuh ke Mwet Luhlahlfongi ke Lwen Sahflah mihsenge.

“Kuht muhta raun ke rum se ac kais sie eis pacl la in riti kais kuhtuh fuhs ke ma suhmuhslah kuht in orekmakihn ke toeni in sucu stuhti ke ma suhmuhslah,” Nicky el fahk. “Fahsruh, Fahsr Tukuk pa orekmakihn yohk nuh ke luti ke Nguhn. Ingena ke kuht tuhkweni stuhti uh, nga puhla kuhtuhsrihk pahtokyacn Nguhn in orekmakihnyuck ke kuht sramsram ke kais sie ma muh kuht sramsram kihn ke enenuh luhn sucu lasr uh.”

Orekmakihn Fahsruh, Fahsr Tukuk tiac kahsruh sucu lalos muhkwena tuh orekmakihnyuck yohk ac luhngse wi sucu stuhti ke wosasuc, tuhsruhk oacyacpac kahsrwel Greg ac Nicky in karihngihn ke enenuh luhn Nguhn sin tuhlihk nahtuhlos.

“Fahsruh, Fahsr Tukuk kahsreyuc luti tuhlihk nuhtihk,” Nicky el fahk. “Kahsreyuc pac in kuhtanglah kain in mwe sruhf ma kuhtuh pacl uh tuhkuh nuh sihk ke tuhlihk nuhtihk. Nga puhlah suwohs ke Nguhn, nga arulacna lohacng nuh kac, ac nga eis mwe sruhf lah nga e kuhtanglah fuhkah in kahsruh kais sie tuhlihk nuhtihk.”

Greg el engankihn sramsramkihnyacn wosasuc yohk lah Fahsruh, Fahsr Tukuk kahsruh in oraclah sucu. “Tuhlihk mukul nahtuhsr inge kwewa siena ke etuh lalos sifacna ke wosasuc,” el fahk. “Fahsruh, Fahsr Tukuk ahkolah inkacnek nuh sesr in kahsruh kais sie selos in etuh fal nuh ke enenuh lalos. Liyaclos kapkapwack ke luhngse lalos ke wosasuc ac liyaclos sokwack lah elos e orekmakihn fuhkah etuh lalos ke wosasuc nuh moul lalos e sie mwe insewowo na wolacna.”

© 2020 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng ke Ministering Principles, September 2020. Language. 16724 868