Buambi kupitshila ku Luaku, Undonde

Mushindu kayi udi Luaku, Undonde mua kukuambuluisha bua kuenza dishilangana ne bakuabu?

Nansha wewa muikala ne dîku dieba,mu Kalasa ka Dialumingu bu mulongeshi anyi mulongi, nansha mu kalasa, ku mudimu, nansha muaba mukuabu, dilonga dia mifundu kupitshila ku Luaku, Undonde didi muakufila mpunga bua kuenza buambi kudi bakuabu. Dilongesha, panyima pa bionsu,“didi ne mushinga bua kuludika muyuki mu Dialumingu bidi bivuika kuenza buambi ne dinanga ne dibenesha bakuabu ne lumu luimpe.”¹

Kuikala pa internete ne balongi.

Pavua Ofelia Trejo wa mu cardenas mubikidibua bua kulongesha mu kalasa ka bansonga mu tshikongo tshia mu Mexico, wa kamona ne kuikala bulunda ne mulongi yonso wa Kalasa ka dia Lumingu kudi mua kukolesha dimanya dia kubalongesha ne kubakankamika.

“Mema tshiyi muikala ne bulunda ne balongi banyi ne kabayi bamone dinanga dianyi, kabena mua kungitaba mpadi muikala dongesha mu kalasa eshi ngenza bujâdiki” muakambaye. “Badi mua kumvua ne ndi muikala anu mulongeshi wa Kalasa ka Dialumingu”

Kadi mushindu kayi udi muanetu wa bakaji Cardenas mua kutantshisha bulunda ebu yeya muikala ulongesha anu musangu umue kumbingu ibidi yonso? Wa kapeta diandamuna kupitshila ku biamua. Kuangata telefona ne WhatsApp, yeya ne balongi benda bavua bikala pa internete matuku onso kupitshila ku mifundu ne meyi. Nanku, matuku onso ku mpala kua dilongesha dia Kalasa ka Dialumingu, muena lusa uvua muikala utumina bidimba bia kalasa vesa eshi mifundu ya dilongesha dialua ne dielangana dia meji dia muntu nkaya. Panima pa dibala dia vesa ne dielangana dia meji, bidimba bia kalasa biandamuna ne yabi ngenyi.

“Padibu bikala babala mifundu badi bikala baleja mpala ya disanka nanku ndimanya ne mbabala eshi mbalonga mifunfu ne mbela meji” muvua muanete wa bakaji Cardenas muakula. Padi diba dia dilongesha dia Dialumingu dilua, balongi badi bikala ba dilongolola bua kumvuijangana.

Dikalangana edi dia pa internete dia matuku onso musangu mushala ewu ndibenesha nsonga udi baledi benda kabayi ba ditualua kabidi mu Ekelezia.

“Ndi munanga pandi mumona ulua mu Ekelezia bualu ndi mumanya ne buakuluayi udi muikala upitshila mu malu makola,” muvua muanetu wa bakaji Cardenas muakula. “Ndi muikala mutuishibue ne mifundu ne dielangana dia meji bivua balunda benda ba mu kalasa bamutumina ne diela dienda dia meji bidi bikala bimukolesha bikola.

Muanetu wa bakaji Cardenas udi wamba ne buambi kupitshila ku mifundu kabuena buimanyika dilongesha dia Dialumingu nansha kalasa ka matuku onso ka mifundu pa internete.

“Didilongolola dianyi didi ne disambila bua balongi banyi” mua kakulayi. “Ndingela meji buabu kabiyi anu mu Dialumingu nansha kadi matuku onso a lumingu alualua. Yonsu wa kubobu udi ne majinga mashilangana ne apabuapo. Yonsu udi muana wa Nzambi. Ndi ngela meji buabu mpandi ndongolola dilongesha dianyi”

Ne padiyi ulongesha, udi muikala uteleja kabidi balongi benda ne Nyuma Munsantu.

“Nyuma ki Muloneshi”, udi uteleja mu meyi a balongi benda. “Ndi ne tshiabua kuteya ntema bualu tshidibu bakula ndibuluidibua didi Nyuma mufila kudibu.

Kalasa ketu kadi Kikala bu Dîku dia Dilolu”

Carla Guitierrez Ortega Cordoba uvua mu beneshibua buakuikala tshidimba tshia mu Kalasa ka Dialumingu ka muanetu wa bakaji Cardenas bua nyungulukilu wenda wa nyuma ne wa buambi. Carla wakaleja malu abungi ku nyungulukilu eu,bumudi:

Dilongolola: ditangalaja dia mifundu ne dielangana dia menji bidi biambuluisha balongi mua kudilongola bua kalasa kalua. “Mifundu ya matuku onso idi itudisha ne itantshisha lungenyi luetu”, muvuayi umvuija.
Didibuika: “tudi tuakula bonso. Etshi didi tshienza bua mema kumanya balunda ba mu kalasa bikola, bu balunda eshi bu bana betu ba balume ne ba bakaji.”
Dinanga:“ muanetu wa bakaji Cardenas ukukuata ku tshianza. Kalasa ketu kadi kikala bu dîku dia dilolo, ne bana betu ba baluma ne ba bakaji babungi. Tshia abuatshi.”
Nyuma Munsantu: “tudi tumvuangana biakana mu nyuma mu kalasa ketu bualu tudi mubula bumue ne nyuma.
Bujâdiki:“Luaku, Undonde mungambuluisha bua kuikala pabuipi bua kuenza bujâdiki buanyi. Ndi ne dimanya ditue dia Mukanda wa Molomo ne Mukanda wa Nzambi. Ebi bidi bienza bua mema ntangalaja mbidi ndonga ni balunda banyi ba mu kalasa ne ba ku mudimu.”

Buambi ku majinga a Nyuma

Pavua Greg ne Nicky Christensen, ba ku kentuncky, mu Amelika, babala bua ndondo wa Abalahama mu mifundu ne bana babo basatu, bavua ba bisangana bikola bua kubuvuija. Bakangata dipangadika bu dikû bua ne ewu yonso wa kubobu udi ne mua kulonga ndondo wa Abalahama ne kuamba bidiyi mupeta.

“Tuvua bapeta malu mapiamapia”. ke Greg muakula. “Muanetu wa bidimu muanda-mukulu wa kamanya ne dina dia Abalahama divua Abalama. Dina dienda diakashituluka bu Abalahama bualu uvua mulaya Mukalenga bua kubenga mibi ne kuikala mujalama. Uvua muikala bushuwa mukema muvuaye mukudimuka.

Bonso bakalonga bualu bupiabupia ne muyuki mulenga bua ndondo wa abalahama udi umvuija tshinyi bua Bansantu ba Matuku A Ndekelu lelu.

“Tukadi tunyunguluka anu mu nzubu ne tubala vesa ya mifundu bua dilonga dia mifundu dia dikû dietu”.mudi Nicky wamba. “Luaku,Undonde udi muikala ne mushinga bua dilongesha ditangija kudi Nyuma. Pidiewu patudi tulonga bonso, ndingumvua dilengibua dia Nyuma bua kushindamena mu muyuki wetu ne kuwutangija pa majnga a dîku dietu.

Dibala dia Luaku, Undonde ki ndiambuluisha anu dîku diabu bua kuikala kudibuika ne kulamata ku dilonga dia lumu luimpe mu dîku, kadi diambuluisha Greg ne Nicky bua kufila diandamuna ku majinga a nyuma a bana babu.

“Luaku, Undonde mungambuluisha bua mema kulongesha bana banyi.” mudi Nicky wakula. “Mungambuluisha kabidi bua kupeta diandamuna kumanga malu amvua muikala minga misangu nawu ne bana banyi Ndi muikala pamue ne Nyuma, ndi ngumvua muikala pabuipi, ne mupeta lumonu bua mushindu kayi wa kuambuluisha muana yonsu.”

Greg udi usanka bua bula bua muyuki wa lumu luimpe udi Luaku, Undonde wambuluisha ndelanganyi mu dîku. “Bana betu bonso badi bashilanga mu miaba idibu ne mu dimanya diabu dia lumu luimpe” wamba nanku.. “CLuaku, Undonde mufila njila buetu bua kuambuluisha ewu yonso wa kubobu bua kushindamena pa kulonga majinga abu. kubamone nunku bakola mu dinaga dia lumu luimpe ne kubatangila bajandula mushindu kayi udibu bua kuteka mu tshienzedi dimanya dia lumu luimpe mu nsombelu wabu tshivua tshikala dibenesha.”

© 2020 Kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, September 2020. Tshiluba. 16724 760