“Pigpig ni woed rogon fare Come, Follow Me,” Liahona, September 2020
Kenginn e Pigpig, September 2020
Pigpig ni woed rogon fare Come, Follow Me
Uw rogon ni fare Come, Follow Me e ra ayuwegnem ni ngam thilyeg boech e yafos ko gidii’?
Demuturug ko ngiyal’ ni gabay ko tabinaew rom, fa ngiyal’ ko Sunday School ni gur e gabe sensey fa gur e gabe motoyil, fa u skul, murwel, fa demuturug ko ngan, ya fil mornga’agen fare Come, Follow Me e ma fil rogon ni ngan michib ngak boech e gidii’. Machib, e gathi kemus ni “ngan weliy morna’agen banan ko fare rran ni Madnom; ya bmu’un e pigpig ko tu’ufeg ngay nge tawa’ath nag e gidii’ ko fare gospel.”1
Ta’areb nigey ngak fapi Tafil
Napan nin pining Ofelia Trejo de Cárdenas ni nge mang Sensey ko fapi bitir ni fal’ yangren ulan fare ward rok u Mexico City, me thamiy ni tha’ rok’ ngak fapi tafil ni nge sensey nag ko Sunday School e rayag ni nge mon’og nag rogon ni nge machib ngoraed me gel nagraed.
“Fa’anra dariy e tha’ nib chuchgur rog ngak fapi tafil ma fa’anra dar thamiyed e tu’ufeg rog, ma bay ndabi mich u wan’read ngog u napan ni gube sensey nagraed fa ngiyal’ ni gube weliy e tin nib mich u wun’ug ngay,” ke yoeg. “Bay ni yaedra thamiy nikemus ni gag be’ nikemus nima sensey nag e Sunday School.”
Machane uw rogon nrayag ni nge mon’og e biney e tha’ rok Sister Cárdenas ni kemus ni yigo lal’agrow yay nibe machib ulan reb e wik? Ke per’eg ni fare technology e rayag ni nge pi’ e ayuw ko biney. Ke fanay fare mobil app ni kanoeg e WhatsApp ngay, ma Ir nge fapi tafil nagraed e kayag ni ngar nonaed riy ni gubin e rran. Chiney, gubin e rran u mm’on ko bin ni migid e machib ko Sunday School, ma og nag be’ ir ni nge pi’ reb e mulwol ulan fare class rok reb e thin nib thothup ko bin migid e machib nib mu’un e tin nibe tafnag nag ngay. Ma tomuren nikan mu’nag i be’eg fapi guruy nge tin nibay ko tafiney, ma tin ni kabay ulan fare class e ngar weliyed e tin nibay ko tafney roraed.
“Napan ni yaedra be’eg fare thin nib thothup, mi yaed pi’ e sassing nibay sminnmin ni ngeyag ni nggu nang ni kar be’eged fa kar filed fare thin ma kar tafney niged mornga’agen,” ke yoeg Sister Cárdenas. Napan nra taw ko ngiyal’ ko bin migid e machib ko fare rran ni Madnom, ma fapi tafil e kar fal’agned rogon raed ni ngar uned ko tin ni yibe rrin’.
Biney e tha’ ni yibe rrin’ ni gubin e rran e tawa’ath nag reb e fal’ yangren ni galibthir rok e kar mo’owar gow ko Galasia.
“Gu ma falfalaen’ ngay napan ni gura guy en u Galasia bachane gu manang ni fa’anra ke yib, ma bo’or banan ni buch u tabinaew u m’on ni nge yib,” ke yoeg Sister Cárdenas. “Gu manang ni fapi thin nib thothup ma pi’ fapi tafil ma ki i pi’ boech ko napan nike taw ko ngiyal’ ni nge pi’ e ke ayuweg ni nge gelnag ni bo’or yay.”
Sister Cárdenas e yoeg ni pigpig nib mu’un e thin nib thothup ngay e dar taleg fare machib rok ko fare rran ni Madnom nge fare tha’ rok ngak fapi bitir nibay ulan e class rok.
“Fal’ag rogog a ma un e meybil ngay nifen fapi tafil,” ke yoeg. “Gathi kemus ni guma lemnagraed ko fare rran ko Madnom ya gubin ngiyal’ ulan fare wik ni guma tafney nagraed. Yaed gubin mab thilthil e tin nib tu’uf roraed. Yaed gubin ni bitir rok Got. Guma tafney nagread ko ngiyal’ ni gube ngongliy rogon fare machib rog.”
Ma napan nra machib, ma ku ma motoyil—ngak fapi tafil nge fare Kan ni Thothup.
“Fare sensey e ir fare Ya’el,” nib baga’ ni ma rung’ag rok fapi tafil. “Rib tu’uf ni nggu motoyil ko n’en ni ngar rogned ni bachan e tin ni yaed be yoeg e ir fare thogthog ko fare Ya’el nibe yib ngoraed.”
Class romaed e “Woed e Home Evening”
Carla Gutiérrez Ortega Córdoba e ma thamiy nib tawa’ath nibay ulan fare class rok Cárdenas’s ko Sunday School ni bachan rogon ni yima tu’ufegney riy nge tin ni yibe machib nag riy. Carla e weliy boech banan nifan e re class ney ni arfan ni irraray rogon, nib mu’un e:
-
Fal’ag rogoy: Weliy fapi thin nib thothup u ta’abang nge nib nibay ko tafney nibe ayuweg fapi bitir ko bin migid e class. “Fapi thin nib thothup e ma ga’ nag e lowean’ romaed,” ke weliy.
-
Ma uned ko non: “Gamaed gubin ni gamaed ma non. Biney e ma ayuwegneg ni nggu nang fapi tafil rog, ni gamaed ba ulungi tafagar nge bugi walag ni ppin nge pumo’on.”
-
Tu’ufeg: “Sister Cárdenas e ma kol pa’ maed. Class romaed e woed e home evening, nib bo’or e pagal nge ppin riy. Rib mangil.”
-
Fare Kan ni Thothup: “Bay e gapas romaed, nib thothup nib manguy nibay ulan e class romaed ni bachan e gamaed gubin ma gamaed ta’ab gidii’ ngak fare Ya’el.”
-
Michuwun’uy: “Come, Follow Me e ke ayuwegneg ni nggu fal’ag rogog ni nggu weliy e tin nib michuwun’ug ngay. Baga’ e lowaen’ rog ko fare Babyor ku Mormon nge fare Bible. Binem e ma ayuwegneg ni nggu weliy e tin ni kug fil ngak e gidii’ ni gamaed nga skul nge ngak e gidii’ ni gamaed ma murwel.”
Pigpig ko tin nib Tu’uf nib Thothup
Napan Greg nge Nicky Christensen, ni yow be’ nu Kentucky, USA, ni kar be’egnew mornga’agen fare motochiyel ku Abraham nibay ulan fapi chep nib thothup ngak dalip i fak row ni pagal, kar lemnag nib momaw’ rogon ngorow ni ngar weliyew e biney ngoraed. Kar dugliyed u ta’abang ulan fare tabinaew roraed ni yead gubin ma ngar filed mornga’agen fare motochiyel rok Abraham nge mu’ fin yaed weliy u ta’abang ko mang e kar filed.
“Bo’or banan ni gu weliyed,” ke yoeg Greg. “Bin ni meruk-e-duw i fak mow e fil ni fithingan Abraham e i moey ni Abram. Thil fithingan nge mang Abraham ni bachan e micheg nag ngak Somoel ni nge pag e denen nge par ni yafos rok ab yul’yul’. Ke gin owcheg ngay ni ke yoeg e biney.”
Yaed gubin ni kar filed banan nib be’ech ma kar nanged ko mang e re motochiyel rok Abraham ney nge mang e be yip fan ngak e Gidii’en Got ko Tin Tomur e Rran ko dabay.
“Baga’ ni gamaed ma yaen ulan fare singgil nra be’ me be’eg reb e guruy ko fapi chep nib thothup,” ke yoeg Nicky. “Come, Follow Me e ba machib nib mu’un e Ya’el ngay. Chiney e napan ni gamaed ra machib u ta’abang, ma guma thamiy fare Ya’el nibe thilyeg e tin nib tu’uf ni nggu weliy nibe yaen ko rogon e tin nib tu’uf romaed u tabinaew.”
Fanay fare Come, Follow Me e gathi kemus nike ayuweg fare tabinaew ko ngiyal’ ni yaed be fil fare gospel, machane ke ayuweg Greg nge Nicky ni ngar ningew e tin nib tu’uf rok pi fakrow nib thothup.
“Come, Follow Me e ma ayuwegneg ni nggu machib ngak pi fakag,” ke yoeg Nicky. “Ma ayuwegneg ko tin nib momaw’ rog nibe rrin’ pi fakag. Ma gubin ngiyal’ ma bay fare Ya’el ngog, ma guma fal’ag e motoyil, ma guma thapeg rogon ni nggu ayuweg gubin pi fakag.”
Greg e ba’adag ni yima weliy mornga’agen fare gospel nibay ko fare Come, Follow Me ni ma ayuwegmaed ulan e tabinaew. “Pi fakmow ni pagal e yaed ba thilthil ni llowean’ ko fare gospel,” ke yoeg. “Come, Follow Me e ke ayuwegmow ko rogon nrayag ni nggu ayuwegnew urngin pi fakmow ko rogon nib tu’uf e ayuw rok. Guyraed ni yaed be ilal mab tu’uf fare gospel roraed ma gube guyread ko rogon ni yaedbe uneg e llowaen’ roraed nikar filed ko fare gospel ulan e yafos roread e ke mang reb e tawa’ath ni rib mangil.”
© 2020 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Ministering Principles, September 2020. Language. 16724 000