Iakwe jān Madagascar!

Iakwe, kom̧ro Margo im Paolo.

Kōmij ito itak ipeļaakin laļ in n̄an ekkatak kōn ro nejin Anij. Kobatok ippam̧ ilo am̧ loļo̧k Madagascar!

Madagascar ej juon āne jidik tuian̄ in Africa. Elōn̄ kain menin eddōk im menin mour ko me rejjab maron̄ loi ilo jabdewōt jikin ilo laļ in—āinwōt menin mour in etan ring-tailed lemur!

Ļaddik rein rej jipan̄ kotaki kuļōr in dān ko n̄an baam̧le ko aer. Ewi wāween am̧ jipan̄ baam̧le eo am̧?

Kabun̄ in edik uwaan ilo Madagascar, ak ej eddōkļo̧k wōt! Kiiō ewōr 14 ward ko im 26 branch ko ijeņ.

Elōn̄ kain chameleons rej jokwe ilo Madagascar jān jabdewōt jikin ilo laļ in!

Wōjke baobab kein rekkillep remaron̄ bour eļap dān ko ilo kāān wōjke ko—lōn̄ļo̧k n̄an 120,000 liter ko!

Elōn̄ armej ilo Madagascar rej m̧ōn̄ā raij ruo ak jilu kōttan ilo juon raan, jet iien ippān pejtabōļ, biin, ak jālele kanniōk.

Naan eo “m̧ōttā” ilo kajin Malagasy ej namana. Eļan̄n̄e kwon kar ioone juon m̧ōttan kwoj kab jeļā kajjien, ta eo kwon kar ba n̄an er?

Jeļā kajjien jet iaan ro m̧ōttam jān Madagascar!

Ijeļā bwe Jisōs Kraist ej ad Rilo̧mo̧o̧r.

Nathan, 7 an iiō, Antananarivo Province, Madagascar

Russell M. Nelson ej juon rikanaan an Anij.

Nomena, 6 an iiō, Antananarivo Province, Madagascar

Kwoj ke itok jān Madagascar? Jeje tok n̄an kōm! Kōmij m̧ōņōņō in ron̄ jān kwe!

Kom̧m̧ol kōn ami alooje Madagascar ippam. Bar lo eok juon iien!