Jodikdik ro

Ke ekar m̧ōj kōjenolo̧k eō n̄an mijen ilo California San Bernardino Mission āinwōt juon mijenede ej jerbal aolep raan, baam̧le eo aō rekar pād ijeņ ippa. Pija in ej pijaaō ij bakwūj juon iaan būratōr ro aō ālkin an kar m̧ōj kōjenolo̧k eō. Ekar juon iaļ eo ikar aikuj bōke n̄an tōpar kiiō, ak eļap aō kam̧m̧oolol kōn oktak ko me ikar loi ilo n̄a make im ilo baam̧le eo aō.

Iiō ko ruo āliktata ilo high school eo aō, ikar pād ilo juon itaak in wa eļap an kar ekauwōtata. M̧okta jān an kar waļo̧k menin ikar jab kōm̧m̧ane men ko me ikar aikuj kōm̧m̧ani. Ak ālkin jorrāān in, aō kalimjōk mour in ekar lukkuun oktak. Mour eo aō emaron̄ kar kajju jako iien eo wōt im ilo ijeņ, im ikar jab kōņaan bwe in tōpar jem̧ļo̧k eo ilo wāween eo. Bisop eo aō ekar jipan̄ eō bwe in rooltok im pād ilo iaļ eo ejim̧we: riiti Bok in Mormon aolep raan im kōppopo n̄an etal im mijen.

Ettōr ak iakwo̧j ej juon ikkure em̧m̧an ippa, eitok limoū kake. Ālkin itaak eo, ikar jab kobaļo̧k ilo iien eo, im ikar ļōmņak ta eo imaron̄ kōm̧m̧ane. Ak ikar oktakļo̧k n̄an Irooj, im ke ikar oktakļo̧k n̄an Irooj, ikar pād ilo iien iakwōj eo ilo iiō eo tok juon. Ekar lōn̄ wōt men ko reppen, ak ta eo ekar oktak ej ijjeļo̧kin aō kōm̧m̧ane n̄an n̄a make, ikar kōm̧m̧ane n̄an Irooj.

Ij lo elōn̄ kōjeraam̧m̧an ko remaron̄ itok jān tarlep in gospel eo ekar men eo me ekar ukot eō. En̄jake eļap m̧ōņōņō im lan̄lōn̄, ikōņaan kwaļo̧k n̄an aolepān laļ in. Eto aō kōņaan bwe armej ren bar en̄jake lan̄lōn̄ eo me ikar lukkuun en̄jake aolep raan kōn gospel in. Im en̄in ej unin aō mijen: n̄an jipan̄ “kakūrm̧ool jab wabanban im mour indeeo an armej” (Moses 1:39).

Garret W., 18 an iiō, North Carolina, USA