Tom Garner, Isaac Darko-Acheampong, Alexander K. Boateng, ye Jonas Rebicki ekesio mme Ndise

Ukpebnkpo Unwam, Ofiong Duop ke isua 2020

Ndinwam nto ke Edinam Ndito-nwong ye eke Iwaad

Ndikot mbon efen man mmo ekori enyung enwam mmo ke usung-isang edi ata akpan-nkpo eke utom unwam.

Nti ifet odu ono ndinwam nto ke Edinam Ndito-nwong ye eke Iwaad. Ekeme ndidi mbufo emenyene ndito-nwong mme iwaad eke mbufo ke ufok. Ekeme ndidi afo edi adausung ke edinam oro mme afo esin-unwam ono mme ufokemana emi ndito-nwong ye iwaad edude. Mme ekpedi ke afo omodiongo ndusuk ndito-owong ye iwaad (emi ekpedude ke itie ofuri nnyin). Ke suto ndaha mbufo ekpedide, odu ediwak usung ke ndida edinam emi mme ukpebnkpo esie nam nkpo man odiong uwem mbon efen.

Ndidiana-kiet Nkori ke Idem-nnyin

Ke esit Ndito-owong ye eke Iwaad odu nting-enyin ke ndidomo kpukpru usen man ekabare etie nte Andinyanga, emi akanwamde ke edinen usung. Ediwak mbon emi ekebuanade ke edinam oro ema ekpeb ete ke afo okoride ke nsio-nsio nde eke uwem fo, afo eyenehede ekeme ndino unwam mme ke ndinwam mbon efen ofon.

Edi ye Edinam Ndito-nwong ye eke Iwaad, inaha nte edidiong mbon efen ebet tutu afo obo ukpebnkpo kiet. Utom edikpeb ke idemesie onono ifet man eno unwam

Eke akparawa kiet emi ekotde Prophet ekedungde ke Ghana, ata ntongo ekedi ndinam uduak eke Ndito-nwong ye Iwaad man ekpeb ndibre ndido. Prophet ete, “Edi uduak mi nko ndinwam mbon efen ndidiongo se ami mkpebde.”

Okposuk nte enye midige andikpeb kanga, uduak esie ama ebemiso okori ekesim nkpo emi okponde akan se enye ekpekerede. Idahaemi ndito ufoknwed Aba-ye-duop ediana ye Prophet ebo ukpeb edibre ndido ke ebiet ufok Abasi. Ndien anie owo akam esikpeb Prophet ye mbon Aba-ye-duop eken? Alexander M. ye Kelvin M., mbiba emi edide isua Duopeta. Kevin odoho ete, “Nnyin iyom ndiwut edinam mfonido nno mbon owo efen.”

Ke usen ita ke udua kiet mme iwaad iba emi ekpeb mme akpan ukpebnkpo eke ndido eno kpukpru mbon eke edide ndibo ukpeb ke mfon. Ufon efen edidiana ke ndibo mme ukpebnkpo eke ndido oro. Ediwak ndito ufoknwed emi ekefiokde Ufok Abasi eto ke mme ukpebnkpo ndido ekem ema edikpeb iko Abasi enyung ebiere edina baptism.

Nte nnyin inamke ukeme ndikori ke idem nnyin, nnyin imekeme ndinwam mbon efen ke ndikot mmo ete ebuana ye nnyin.

Usung Edikan kiet nno Utom-unwam

Nte stake Primary president kiet, Sabrina Simões Deus Augusto eke Curitiba, Brazil, ama okut nte utom nkori idemowo eke edinam odiongde ndito-owong ye iwaad ke stake esie. Edi enye nko ama okut ediwak usung emi ekpedade se enye ekekpebde abanga nkori idemowo ke ubiong esie nte ono-unwam eyeneka-anwan anam nkpo.

Sister Augusto odoho ete, “Ini eke ami nnamde eno kiet okori, ami mmekeme ndida eno oro ndiong owo kiet eke ami nsinde unwam nno,”

Sister Augusto ekekpeb eyeneka-anwan kiet emi enode enye ubiong danga nte ekpenamde ndet-ndet chocolate. Idahaemi eyeneka-anwan oro esinam onyung anyam ndet-ndet chocolate oro ndinwam ndian okuk ke ufokemana esie. Sister Augusto ete “Ke mme ofiong efen, ami ndibo edidiong kini eyeneka-anwan efen ekpebde mi nte enamde uyo eke aran-okwok eke ami nkemede ndinyam.” “Ndikori nyung mbuana mme eno nnyin ekeme ndidiong uwem owo kiet-kiet onyung osongo mme ebuana nnyin nte mme ono-unwam ndito-eka iban.”

© 2020 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Ukpebnkpɔ Unwam, Ɔfiɔŋ October ke isua 2020. Efik. 16725 553

Didie ke Edinam Ndito-nwong ye eke Iwaad Anwam Mbufo ke Ndino-unwam?

1. Ekot mbon efen ete edibuana ke edinam Ndito-nwong ye eke Iwaad.

   Mbufo emekeme ndikot mme ufokemana eke iwaad ye ndito-owong emi mbufo enode unwam ete edibuana ke edinam Ndito-nwong ye eke Iwaad. Mmo ekeme ndinyene udong ke ndibuana ke mme edinam, nkori idemowo, mme kpa mbiet ukpeb iko Abasi eke edinam oro. (Ke oyomde awak abanga utom-unwam otode Di, Tiene Mi se ke “Ndinwam otode ke Di, Tiene Mi,” eke September 2020 Liahona.)

2. Enwam ke uduak mmo.

   Nte ono-unwam eyeneka eren mme nnwan eke mme ufokemana emi iwaad edude, mbufo edu ke eti ndaha ndinwam mme uduak emi mmo ekpenamde eno Ndito-nwong ye Iwaad. Kini uduak mmo edide eke idem mmo, edieke mbufo efiokde se mmo enyenede udong ebanga, mbufo emekeme ndino unwam ke nsio-nsio usung. Emi ekeme ndidi usung nte ndiyom nkpo uso emi mmo eyomde, ndidi eti ebiere-ikpe ke edi-nam cookie mmo, mme ndikabare ndi anditeme ke nkpo emi mbufo enyenede ifiok ebanga. Ndi afo omofiok nte ekpuhode aran ke moto? Ekimde ofong emi awahahde? Nte afo edi ofiok-nkpo ke ndungore uyom utom? Mbufo emekeme ndinyime man ebuana ifiok mme eno eke enyenede edieke mmo eyomde.

3. Ekot mbon efen ete edi ubak ke nkori uwem mbufo.

   Inaha enim nkori uwem mbufo eno ndito-owong ye iwaad. Mbufo emekeme ndibuana ke edinam ke idem mbufo isehe ndaha isua mbufo. Nte mbufo edade ini ndikori ke nkpo-spirit, mbre, eke-idem, ye ifiok eke uwem mbufo, mbufo eyenehede ebenge-idem ndisin unwam nno mme owo, isehe owo eke mbufo esobode. Ndien nte Prophet ke Ghana, mbufo emekeme ndidiong mbon efen ke ndikot mmo ete edibuana ye mbufo, mme oro edi nditongo ukpeb ndido, ndika ukpeb nsinge-idem, mme ndikpeb usem kiet otokiet.

4. Enam utom-unwam edi uduak.

   Ekere-ebanga ndibiat ini kwa usen nno utom-unwam. Emi ekeme ndidi ndino etop aka mme ndika ufok man ekese nte nkpo etiede mme ndinam ebuana edidu-otokiet. Oro ekeme ndisine ndida ini nim usen emana eke mbon emi afo onode unwam mme nditiene mmo ke social media man okut se enyenede udong eno mme se ekenamde mmi-mmi emi. Ke ndida minit ition nkere mbanga se owo kiet efen oyomde ekeme ndida nkesim nti ekikere emi ekemede edinam ukpuhode nkpo kiet.

Kiet ke Kiet

“Idiongo eke akpaniko ye odu-uwem Ufok Abasi Obong kpukpru ini eyesuk edi eboho, ukeme ndusung ke ndisin unwam nno ndito Abasi kiet-kiet ye ufokemana mmo. Koro emi edi Ufok Abasi Esie, nnyin nte isungutom Esie iyesin unwam ino owo kiet-kiet, ukem nte Enye akanamde.”

Russell M. Nelson, “Ndinwam ke Unen ye Odudu Abasi,” Liahona, May 2018, 69.