“Kosalisa na nzela ya Pologalami ya Bana mpe Bilenge,” Liahona, Sanza ya zomi 2020

Bafoto na Tom Garner, Isaac Darko-Acheampong, Alexander K. Boateng, mpe Jonas Rebicki

Mabongi ya Kosalisa, Sanza ya Zomi 2020

Kosalisa na nzela ya Pologalami ya Bana mpe Bilenge

Kobengisa basusu batombwama mpe kosunga bango na nzela ezali ntina ya kosalisa.

Mabaku ebele mpo na kosalisa na nzela ya pologalami ya Bana mpe Bilenge. Ntango mosusu ozali na bana to bilenge na yo moko na libota. Ntango mosusu ozali mokambi na pologalami to osalisaka mabota oyo ezali na bana mpe bilenge. To ntango mosusu oyebi bana mpe bilenge songolo (wana esengeli kotala pene biso banso). Atako ezalela na yo ezali lolenge nini oyo okoki kozala, ezali na ndenge ebele ya kosalela pologalami to mabongi na yango mpo na kopambola bomoi ya basusu.

Tokola Elongo

Eloko ya motuya ya Bana mpe Bilenge ezali na bolingi ya komeka mokolo na mokolo kokoma mingimingi lokola Mobikisi, oyo asalisaki malamu mpenza. Ebele ya baoyo bamipesaki na pologalami bayekolaki ete ntango ozali kokola na makambo ebele ya bomoi na yo, omilengeli mpe obelemi malamu koleka mpo na kosunga to kosalisa basusu.

Kasi na pologalami ya Bana mpe Bilenge, kopambola basusu ezali kozela te kino oyekola eloko songolo. Mosala ya koyekola yango moko epesaka mabaku ya kosalisa.

Mpo na elenge mobali na nkombo ya Prophet oyo afandaka na Ghana, kotiaka ntina kati na Bana mpe Bilenge ya koyekola lolenge nini kobeta piaya ezalaki bobele ebandeli. “Ezali ntina na ngai ya kosunga lisusu bato mosusu bayeba oyo nazali koyekola,” Elobi Prophet .

Atako akomi naino molakisi te, ntina na ye ekoli mpo na kokoma eloko moko monene koleka oyo abanzaki naino te. Ezali sikawa na bayekoli 50 oyo bazali koyekola piano na ndakonzambe penepene ya Prophet. Mpe nani azali kolakisaka Prophet mpe bayekoli 50 mosusu? Alexander M. mpe Kelvin M., banso mibale bazali na mibu 13. “Tolingi kolakisa misala ya boboto epai ya bato mosusu,” Elobi Kelvin.

Mikolo misato na poso bilenge mibale oyo balakisaka mateya ya piano ezanga lifuti na baoyo nyonso bayaka koyekola. Ezali na litomba oyo ebakisamiki na mateya ya piano . Bayekoli ebele oyo bayebaki Eklezia na nzela ya mateya ya piano nsima bayekolaki nsango malamu mpe bazwaki mokano ya kobatisama.

Ntango tozali kosala bokasi ya komibongisa, tokoki kosalisa basusu na kobengisaka bango basangana na biso.

Elubu ya Elonga mpo na Kosalisa

Lokola mokambi ya Eteyelo ya bana na likonzi, Sabrina Simões Deus Augusto ya Curitiba, Brezil, amonaki ye moko lolenge nini mambi ma bokoli ya yo moko ya pologalami epambolaka bana mpe bilenge na likonzi na ye. Kasi amonaki lisusu ndenge ebele ya kosala oyo ayekolaki na ntina bokolisii na ye moko na kati ya mosala lokola ndeko mwasi mosalisi.

“Ntango nakolisi talanta,” Elobi Ndeko mwasi Augusto , “nakoki kosalela talanta yango mpo na kopambola moto moko oyo nasalisaka.”

Ndeko mwasi Augusto atangisaki moko ya bandeko basi oyo apesameli mokumba lolenge nini ya kosala babonbon ya chokola. Ndeko mwasi wana azali sikawa kosala mpe koteka babonbon mpo na kosunga bozui ya libota na ye. “Basanza nsima, napambolamaki ntango ndeko mwasi mosusu ateyaki ngai lolenge nini kosala lipa ya mafuta ya nzoi oyo nakokaki koteka,” elobaki Ndeko mwasi Augusto. “Kokolisaka mpe kokabolaka batalanta na biso epambolaka bomoi ya moko na moko mpe elendisaka bozalani na biso lokola bandeko basi basalisi.”

© 2020 na Intellectual Reserve, Inc. Makoki manso mabatelami. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Ministering Principles, October 2020. Lingala. 16725 639

Lolenge Nini Pologalami ya Bana mpe Bilenge Ekoki Kosunga Yo Osalisa?

Bengisa basusu balanda pologalami ya Bana mpe Bilenge.

Okoki kobengisa mabota ya bilenge mpe bana oyo osalisaka balanda pologalami ya Bana mpe Bilenge. Bakoki kosepela kozala na milulul, bokoli na yo moko, to kutu na makambo ya boyekoli nsango malamu ya pologalami. (Mpo na nsango ebele na ntina ya kosalisa na nzela ya Yaka, Landa Ngai, tala “Kosalisa na nzela ya Yaka, Landa Ngai,” na Sanza ya Libwa 2020 Liahona.)
Bosunga ntina na bango.

Lokola ndeko mobali to mwasi mosalisi na mabota ya bilenge, ozali na esika elongobani mpo na kosunga bantina oyo ntango mosusu bazali koluka kokokisa kati na Bana mpe Bilenge. Atako ntina na bango ezali ya bango moko, soki oyebi oyo bango balingi, okoki kosunga na ndenge ebele. Yango ekoki kozwa lolenge ya komona mambi ma ntoki oyo bazali koluka, kosalisaka lokola mosambisi mpo na bosali na bango ya bisikiti, to kokoma molobeli na makambo oyo ozali na boyebi na yango . Oyebi lolenge nini kolongola mafuta na kati ya motuka? Kobongisa elamba epasuka? Ozali motuni malamu ya mituna mpo na misala? Okoki komipesa mpo na kokabola boyebi to mayebi to makoki maye oyebi soki basepeli na yango.
Bengisa basusu bazala na kati bokoli na yo moko.

Bokoli na yo moko ezali kaka mpo na bana mpe bilenge te. Okoki kolanda pologalami nyonso moko kotala mibu na yo te. Ntango ozali kolekisa ntango ya kotombola mambi ma molimo, ma lingomba, ma nzoto mpe mayele ya bomoi na yo, okozala ya komilengela malamu mpo na kosalisa bato, atako nani okutani na ye. Mpe lokola Prophet na Ghana, okoki kopambola basusu na kobengisaka bango baya kosala elongo na yo, ezala kopesa mateya ya piano , kokende na mateya ngalasisi, to koyekola lokota elongo.
Komisa kosalisa ntina.

Banza kolekisa ntango mokolo na mokolo mpo na kosalisa. Yango ekoki kozala kotindaka maloba to kokondaka kotala mpo na komona lolenge nini makambu mazali kotambola to kolengela bokutisani. Ekoki kozala kosala manaka ya mikolo ya mbotama ya baoyo osalisaka to olandaka bango na rezo sociale mpo na kotala nini bazali koluka to kosala mikolo oyo. Zwa bobele baminiti mitano ya kobanza na ntina ya moto oyo azali na mposa ya eloko oyo ekoki komema makanisi efulama oyo ekoki kosala bokeseni.