“Buambi kupitshila ku Ndongamu wa Bana ne Nsonga,” Liahona, Ngondo wa Dikumi 2020

Image

Nshindamenu ya Buambi

Foto mikuata kudi Tom Garner, Isaac Darko-Acheampong, Alexander K. Boateng, ne Jonas Rebicki

Nshindamenu ya Buambi, Ngondo wa Dikumi 2020

Buambi kupitshila ku Ndongamu wa Bana ne Bansonga

Kukoka bakuabo bua bakolakana ne kubambuluisha munkatshi mua njila ke tshidi tshileja muina wa buambi.

Mishindu yabungi ya buambi kupitshila ku Ndongamu wa Bana ne Bansonga. Pamuapa nudi mua kuikala ne bana anyi bansonga benu nkayenu ku nzubu kuenu. Pamuapa udi mua kuikala mulombodi mu ndongamu anyi musadidi wa mêku adi ne bana ne bansonga. Anyi bidi mua kuikala ne udi mumanya bamua bana ne bansonga (etshi tshidi ne bua kututangila bonso). Mu mushindu yonso unuikala, kudi mishindu yabungi ya kuangata ndongamu anyi tunungu tuawu bua kubenesha mioyo ya bakuabu.

Nditanta Dietu Pamue

Mu nkatshi mua mioyo ya Bana ne Bansonga kudi kipatshila ka kuteta dituku dionso bua kufuanangana ne Musungidi, yeya udi tshilejilu tshijalama tshia busadidi. Babungi bakubavua badibuinka mu ndongamu ewu, bakalonga se paudi uya kumpala mu malu abungi mu nsombelu weba wa moyo, udi ukumbana bua kuambuluisha ne kuenza buambi kudi bakuabu.

Kadi ne ndongamu wa Bana ne Bansonga, kubenesha kua bakuabu kakuena kulomba bua windila pawalonga tshintu to. tshienzedi tshia kulonga, tshiotshi nkayatshi tshidi tshifila mishindu ya kusadila.

Bua nsongalume uvua dina ne Profeta udi musombela mu Ghana, kuenza kipatshila ka kulonga bua kuimba piano tshivua tshika mbangilu. Profeta udi wamba ne “tshidi tshikala kipatshila kanyi bua kuambuluisha bantu bakuabu bua bamanya pabu tshindi muikala ndonga”.

Nansha mudiye kayi muanji kuikala mulongeshi, kipatshila kenda kakaya kumpala bikola kabiyi mu mushindu uvuaye wela menji. Kudi balongi 50 mpiendieu badi mu tulasa bikala balonga piano mu nzubu wa nsangilu kuluseka lua Profeta. Kadi nganyi udi ulongesha Profeta ne balonyi aba 50? Alexander M. ne Kelvin M., bonso ba bidimu 13. Kelvin udi wamba ne, “tudi basua kuleja bienzedi bia buimpa kudi bakuabu bantu.”

Matuku asatu ku lumingu bansonga babidi aba badi balongesha malonga a mbangilu a piano kubitupu kudi bantu bonso badi balua kulonga. Kuvua kuikala tshipeta ku malongesha a piano tshidikumbaja. Balongi babungi bakabuela mu Ekelezia kupitshila ku malonga a piano bakangata ma pangadika a kulonga lumu-luimpe ne kubatijibua.

Mu kudienzeja kuetu bua kudiakaja, tudi mua kuenza buambi kudi bakuabu kudibabikila bua kudisanga netu.

Ngenzelu wa Bipeta Bimpe wa Buambi

Bu muimanyinyi wa Bana mu dikunji, Sabrina Simões Deus Augusto wa ku Curitiba, mu Brazil, wakamona muvua dilubuluka dia pa muntu dia ndongamu dibenesha bana ne bansonga mu dikunji diende. Kadi wa kamona kabidi mishindu yabungi ya kuenzela bivuaye mulonga bua diya dia kumpala dia nkaya mu mudimu wenda bu mamu muambi.

Mamu Augusto udi wamba ne, “Pandi muikala ntantshisha dimanya dianyi, Ndi mua kuangata dimanya edi bua kubenesha muntu undi nsamba.”

Mamu Augusto wakalongesha umua wa ku ba mamu bakuaye mutumibua mushindu wa kuenza mampa a chocola. Mamu awu mpindieu ukadi wenza ne usumbisha mampa bua kuambuluisha dîku dienda mu majinga. Mamu Augusto udi wakamba ne, “ngondo mimana kupita, mvua muikala mubeneshibua mpavua muanetu mukuabu wa bakaji mundongesha mushindu wa kuenza mampa andi mua kupanyisha.” “Ditantshisha ne ditangalaja bipedi bietu didi mua kubenesha mioyo ya umua ne umua ne kukolesha malanda a buikadianganyi buetu bu bamamu bambi.”

© 2020 Kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, October 2020. Tshiluba. 16725 760

Mushindu kayi udi Ndongamu wa Bana ne Bansonga mua kukuambuluisha bua kuenza buambi?

Bikila bakuabu bua badibuinka mu ndongamu wa Bana ne Bansonga.

Udi mua kubikila mêku a bansonga ne a bana baudi usadila bua badibuinka mu ndongamu wa Bana ne Bansonga. Badi mua kuikala basue kubuela mu bibilu, diditantshisha dia pa muntu, anyi nansha bibadi bia dilonga dia lumu luimpe mu ndongamu. (Bua mamanyisha abungi pa kuenza kua buambi kupitshila ku Luaku, Undonde, tangila “Buambi kupitshila ku Luaku, Undonde,” mu Liahona.wa Ngondo wa Tshitema 2020.)
Tuayi panda ku tuipatshila tuabu.

Patudi bikala tatu anyi mamu muambi mu mêku adi ne bansonga, tshidi tshikala dibikila mu muaba wa kutua mpanda ku tuipatshila tudibu bikala munkatshi mua kuenza mu Bana ne Bansonga. Mudibu bikala ne tuipatshila tuankaya, wewa mumanya bidibu bananga, udiku mua kufila dikuatshisha mushindu mukuabu. Etshi tshidi mua kuangata tshimfuanyi tshia dipeta bintu bidibu bakeba, kuenza bisikuita, eshi kulua mufidi wa ngenyi mu malu audi ne dimanya. Udi mumanya mua kushintula mafuta a mu mashinyi anyi.? Kutela bilamba bipandika anyi? Udiku muikala ne dimanya dipiluke mu miyuki ya mudimu anyi? Udi mua kulomba bua kutangalaja dimanya nansha ngenyi yudi nayi pikalabo bananga.
Bikila bakuabu bua kupeta ndabu wa dimanya dieba dia ditanta.

Ditanta dia nkaya kadiena anu bua bana ne bansonga nansha. Udi mua kudibuinka mu ndongamu wewa kayeba kabiyi kutangila bidimu biudi nabi. Paudi upitshisha diba bua kuakaja bitupa bia nyuma, nyunguluilu, bumuntu ne meji a moyo weba, newikala mulongoluibua bua kusadila bakuabu, ewu yonso uudi upeta. Ne bumuvua Profeta mu Ghana, udi mua kubenesha bakuabu kudibabikila bua kudibuinka neba,nansha kulongolola malonga a piano, ku diya mu kalasa ka dipepeja anyi kulonga muakulu pamua.
Enza bua buambi buikala kipatshila

Pitshisha diba diabungi dituku dionso mu kuenza kua buambi. Ebi bidi mua kuikala difunda mikanda anyi kuimana bua kutangila mudibu bikala anyi kubasombesha. Bidi mua kuikala kabidi kupeta diba dia kutangila matuku a diledibua dia aba baudi usadila eshi kubalonda pa internete bua kupeta bidibu bananga anyi bivuabu benza misangu mishala. Pa kuangataku anu tusunsa tuntanu bua kuela meji pa tshidi muntu mukuabu natshi dijinga tshidi mua kukulombola bua kupeta ngenyi idi mua kulua mu meji bua kufila dishilangana.