“ကလေးများနှင့် လူငယ်များအစီအစဉ်မှတစ်ဆင့် အမှုတော်ဆောင်ခြင်း၊” Liahona,အောက်တိုဘာလ ၂၀၂၀ ခုနှစ်

ရုပ်ပုံ

အမှုတော်ဆောင်ခြင်း အခြေခံသဘောတရားများ

ဓာတ်ပုံ၊ တောင်မ် ဂါနာ၊ အိုင်ဇက် ဒါကို-အချီးမ်ဖောင်၊ အလက်ဇန္ဒား ကေ၊ ဘိုတန်နှင့် ဂျိုနာ ရီဘီကီ

အမှုတော်ဆောင်ခြင်း အခြေခံသဘောတရားများ၊ အောက်တိုဘာလ ၂၀၂၀ ခုနှစ်

ကလေးများနှင့် လူငယ်များအစီအစဉ်မှတစ်ဆင့် အမှုတော်ဆောင်ခြင်း

အခြားသူတို့အား တိုးတက်စေရန် ဖိတ်ခေါ်ခြင်းနှင့် ဘဝတစ်လျှောက်၌ ကူညီခြင်းသည် အမှုတော်ဆောင်ခြင်း၏ အနှစ်သာရဖြစ်ပါသည်။

ကလေးများနှင့် လူငယ်များအစီအစဉ်မှတစ်ဆင့် အမှုတော်ဆောင်ခြင်း အတွက် အခွင့်အရေးများမှာ အများအပြားရှိပါသည်။ သင်၏အိမ်၌ သင့်မှာ ကလေးများနှင့် လူငယ်များ ရှိကောင်းရှိနိုင်ပါသည်။ သင်သည် အစီအစဉ်၌ ခေါင်းဆောင်တစ်ယောက် ဖြစ်ကောင်းဖြစ်နိုင်ပါသည် သို့မဟုတ် ကလေးများနှင့် လူငယ်များရှိသော မိသားစုများကို အမှုတော်ဆောင်ကောင်းဆောင်နိုင်ပါသည်။ သို့မဟုတ် အချို့ကလေးများနှင့် လူငယ်များ( အဲဒါက ကျွန်တော်တို့အားလုံးနီးပါး အပါအဝင်ဖြစ်ပါတယ်) ကို သိခဲ့ကောင်းသိခဲ့မှာပါ။ သင်၏အခြေအနေ မည်သို့ပင်ဖြစ်ပါစေ၊ အခြားသူတို့၏ဘဝများကို ကောင်းချီးပေးဖို့ အစီအစဉ်ကို သို့မဟုတ် ၎င်း၏အခြေခံသဘောတရားများကို အသုံးပြုရန် နည်းလမ်းများစွာရှိပါသည်။

ကျွန်တော်တို့ကိုယ်ကျွန်တော်တို့ အတူတကွ ဖွံ့ဖြိုးစေခြင်း

ကလေးများနှင့် လူငယ်တို့၏စိတ်နှလုံး၌ စုံလင်စွာအမှုဆောင်ခဲ့သူ ကယ်တင်ရှင်နှင့် ပို၍တူလာစေရန် နေ့စဉ်ကြိုးစားမှုအပေါ် အာရုံစိုက်ခြင်းရှိပါသည်။ သင်တို့ဘဝ၏နယ်ပယ်များစွာတို့၌ ပို၍တိုးတက်မှုရှိလေလေ အခြားသူများကို ကူညီရန် သို့မဟုတ် အမှုတော်ဆောင်ရန် ပို၍ကောင်းစွာပြင်ဆင်ထားပြီဖြစ်သည့်အကြောင်းကို အစီအစဉ်၌ ပါဝင်ခဲ့ပြီးကြသူများစွာတို့ သင်ယူခဲ့ကြပြီးဖြစ်ပါသည်။

သို့ရာတွင် ကလေးများနှင့် လူငယ်များအစီအစဉ်အနေဖြင့်၊ အခြားသူများကို ကောင်းချီးပေးခြင်းမှာ တစ်စုံတစ်ခုကို သင်တို့သင်ယူပြီးသည်အထိ စောင့်ရန်မလိုပါ။ သင်ယူခြင်းကိုယ်၌ကပင် အမှုတော်ဆောင်ရန် အခွင့်အရေးများကို ပေးပါသည်။

ဂါနာနိုင်ငံရှိ ပရောဖက် အမည်ရှိ လူငယ်တစ်ဦးတစ်အဖို့ကတော့ ကလေးများနှင့် လူငယ်များ၌ ရည်မှန်းချက်ချမှတ်ရာမှာ စန္ဒရားတီးသင်ဖို့ဆိုတာ အစပြုမှုတစ်ခုမျှသာရှိခဲ့ပါသေးတယ်။ “ကျွန်တော်သင်ယူနေတဲ့အရာကို အခြားလူတွေသိစေဖို့ ကူညီဖို့ကလည်း ကျွန်တော့်ရည်မှန်းချက်ဖြစ်ပါတယ်၊”လို့ ပရောဖက်က ပြောခဲ့ပါတယ်။

သူဟာ နည်းပြတစ်ယောက်မဖြစ်သေးပေမယ့်လည်း၊ သူ့ရဲ့ ရည်မှန်းချက်က သူစိတ်ကူးခဲ့ဖူးတာထက်များစွာပို ကြီးတဲ့အရာ တစ်ခုအဖြစ် ကြီးထွားခဲ့ပြီးဖြစ်ပါတယ်။ ယခုဆိုလျှင်၊ အစည်းအဝေးခန်းထဲမှာ ပရောဖက်နဲ့အတူ စန္ဒရားတီးသင်တန်းတက်နေတဲ့ကျောင်းသား အယောက် ၅၀ ရှိပါတယ်။ ပရောဖက်နဲ့ အခြားကျောင်းသား အယောက် ၅၀ ကို သင်ပေးနေတာ ဘယ်သူတွေများပါလဲ။ နှစ်ယောက်စလုံးက အသက် ၁၃ နှစ်အရွယ်တွေဖြစ်တဲ့ အလက်ဇန္ဒား အမ်၊ နဲ့ ကယ်လဗင် အမ်၊ တို့ဖြစ်ပါတယ်။ “အခြားသူတွေအပေါ် ကြင်နာခြင်းအပြုအမူတွေကို ကျွန်တော်တို့ပြချင်ပါတယ်၊”လို့ ကယ်လဗင်ကပြောပါတယ်။

လူငယ်နှစ်ဦးဟာ သင်ယူဖို့လာတဲ့သူအားလုံးကို အခြေခံစန္ဒရားတီးသင်ခန်းစာတွေ တစ်ပတ်မှာ သုံးရက် အခမဲ့သင်ပေးကြပါတယ်။ စန္ဒရားသင်ခန်းစာတွေအပေါ်မှာ ထပ်လောင်းခဲ့တဲ့ အကျိုးကျေးဇူးတစ်ခုရှိခဲ့ပါတယ်။ စန္ဒရားတီးသင်ခန်းစာအားဖြင့် အသင်းတော်ကိုသိလာခဲ့တဲ့ ကျောင်းသားများစွာတို့ဟာ နောက်ပိုင်းမှာ ဧဝံဂေလိတရားတော်ကို လေ့လာခဲ့ကြပြီး ဗတ္တိဇံခံဖို့ ဆုံးဖြတ်ခဲ့ကြပါတယ်။

ကျွန်တော်တို့ဟာ ကိုယ့်ကိုယ်ကိုယ်တိုးတက်ဖို့ ကြိုးစားကြတာနဲ့အမျှ၊ အခြားသူတွေကို ကျွန်တော်တို့နဲ့ ပူးပေါင်းကြဖို့ ဖိတ်ခေါ်ခြင်းအားဖြင့် အမှုတော်ဆောင်နိုင်ကြပါတယ်။

အမှုတော်ဆောင်ခြင်းအတွက် အောင်နိုင်ခြင်းနည်းလမ်း

ပန္နက်မူလတန်း ဥက္ကဌတစ်ဦးအနေဖြင့်၊ ဘရာဇီးလ်၊ ကျူရတီးဘာရှိ ဆဘရီနာ ဆီမိုးစ် ဒီးယပ်စ် ဩဂတ်စတိုဟာ အစီအစဉ်ရဲ့ ကိုယ်ရည်ကိုယ်သွေးဖွံ့ဖြိုးမှုကဏ္ဍအနေဖြင့် သူမ၏ပန္နက်ရှိ လူငယ်များကို မည်သို့ကောင်းချီးပေးခဲ့တယ်ဆိုတိုကို မြင်ခဲ့ရပါတယ်။ သို့ရာတွင်၊ အမှုတော်ဆောင်ညီအစ်မတစ်ဦးအနေဖြင့် သူမရဲ့တာဝန်၌ ကိုယ်ရည်ကိုယ်သွေးဖွံ့ဖြိုးမှုနဲ့ပတ်သက်၍ သူမ သင်ယူခဲ့ရသည့်အရာကို အသုံးပြုဖို့ နည်းလမ်းများစွာကိုလည်း သိမြင်ခဲ့ရပါတယ်။

“ပင်ကိုစွမ်းရည်တစ်ခုကို ကျွန်မဖွံ့ဖြိုးစေတဲ့အခါ၊” “ကျွန်မအမှုတော်ဆောင်တဲ့သူ တစ်စုံတစ်ဦးကို ကောင်းချီးပေးဖို့ အဲဒီပင်ကိုယ်စွမ်းရည်ကို ကျွန်မ အသုံးပြုနိုင်ပါတယ်”လို့ ညီအစ်မဩဂတ်စတိုက ပြောပါတယ်။

ညီအစ်မ ဩဂတ်စတိုဟာ သူမကို တာဝန်ပေးထားတဲ့ ညီအစ်မတွေထဲက တစ်ဦးကို ချောကလက် အူပျော့သကြားလုံး လုပ်တတ်အောင် သင်ပေးခဲ့ပါတယ်။ ယခုဆိုလျှင်၊ အဲဒီညီအစ်မဟာ သူမမိသားစုရဲ့ ဝင်ငွေ အပိုရအောင်ကူညီဖို့ အူပျော့သကြားလုံးကို လုပ်ပြီးရောင်းပါတယ်။ “လများစွာကြာပြီးတဲ့နောက်၊ ရောင်းလို့ရတဲ့ ပျားရည်ပေါင်မုန့်လုပ်တတ်အောင် တခြားညီအစ်မတစ်ယောက်က ကျွန်မကိုသင်ပေးခဲ့လို့ ကျွန်မကောင်းချီးခံစားခဲ့ရပါတယ်၊”လို့ ညီအစ်မ ဩဂတ်စတိုက ပြောခဲ့ပါတယ်။ “ကျွန်မတို့ရဲ့ ပင်ကိုယ်စွမ်းရည်တွေကို ဖွံ့ဖြိုးစေခြင်းနဲ့ ဝေငှခြင်းတို့ဟာ တစ်ဦးနှင့်တစ်ဦး၏ ဘဝတွေကို ကောင်းချီးပေးနိုင်တယ်၊ အမှုတော်ဆောင်ညီအစ်များအဖြစ် ကျွန်မတို့ရဲ့ဆက်ဆံရေးကိုလည်း နက်ရှိုင်းစေပါတယ်။”

© 2020 by Intellectual Reserve, Inc. All rights reserved. USA တွင်ပုံနှိပ်သည်။ အင်္ဂလိပ်စာခွင့်ပြုချက် ၆/၁၉ ဘာသာပြန် ထောက်ခံချက် ၆/၁၉. Ministering Principles, October 2020.၏ဘာသာပြန်။ Burmese. 16725 256

ကလေးများနှင့် လူငယ်များ အစီအစဉ်က သင်အမှုတော်ဆောင်ရာ၌ မည်သို့ ကူညီနိုင်ပါသနည်း။

ကလေးများနှင့် လူငယ်များ အစီအစဉ်၌ ပါဝင်စေရန် အခြားသူများကို ဖိတ်ခေါ်ပါ။

သင် အမှုတော်ဆောင်သည့် မိသားစုများမှ လူငယ်များနှင့်ကလေးများကို ကလေးများနှင့် လူငယ်များအစီအစဉ်၌ ပါဝင်စေရန် ဖိတ်ခေါ်နိုင်ပါသည်။ သူတို့သည် အစီအစဉ်၏ လှုပ်ရှားမှုများ၊ ကိုယ်ရည်ကိုယ်သွေးဖွံ့ဖြိုးမှု၊ သို့မဟုတ် ဧဝံဂေလိတရားတော်လေ့လာခြင်းကဏ္ဍများ၌ပင် ပါဝင်ခြင်း၌ စိတ်ဝင်စားကောင်း စိတ်ဝင်စားလာနိုင်ကြပါသည်။ (လာ၍ ငါ့နောက်သို့ လိုက်လော့မှတစ်ဆင့် အမှုတော်ဆောင်ခြင်းအကြောင်း ပို၍များသောသတင်းအချက်အလက်အတွက် လာ၍၊ ငါ့နောက်သို့လိုက်လော့မှတစ်ဆင့် အမှုတော်ဆောင်ခြင်း”စက်တင်ဘာလ ၂၀၂၀ ခုနှစ်Liahona.တွင် ကြည့်ပါ။)
သူတို့၏ရည်မှန်းချက်များကို ထောက်မပါ။

လူငယ်များရှိသည့် မိသားစုများအတွက် အမှုတော်ဆောင်ညီအစ်ကို သို့မဟုတ် ညီအစ်မ တစ်ဦးအဖြစ်၊ သင်သည် ကလေးများနှင့် လူငယ်များဆီသို့ သူတို့လုပ်ဆောင်နေသည့် ရည်မှန်းချက်များအတွက် သဘာဝနေရာတစ်ခု၌ရှိပါသည်။ သူတို့၏ရည်မှန်းချက်များ ကိုယ်ရေးကိုယ်တာအဖြစ်ရှိစဉ်၌၊ သင်သည် သူတို့စိတ်ဝင်စားသည့်အရာကို သိလျှင်၊ နည်းလမ်းအမျိုးမျိုးဖြင့် ကူညီရန် ကမ်းလှမ်းနိုင်ပါသည်။ ဤအရာမှာ သူတို့ရှာဖွေနေသည့်အတတ်ပညာ အထောက်အပံ့ကိုတွေ့ရှိခြင်း၊ သူတို့၏ကွတ်ကီးပြုလုပ်ခြင်း၌ အဆုံးအဖြတ်ပေးသူတစ်ဦးအဖြစ် ဆောင်ရွက်ခြင်း၊ သို့မဟုတ် သင်တတ်ကျွမ်းသည့်နယ်ပယ်တစ်ခု၌ အကြံကောင်းပေးသူတစ်ဦးဖြစ်လာခြင်းတို့ ဖြစ်နိုင်ပါသည်။ သင်သည် ကားတစ်စီး၌ ဆီမည်သို့လဲရမည်ကို သိပါသလား။ စုတ်နေသောအဝတ်ကို ချုပ်တတ်ပါသလား။ သင်သည် အလုပ်အကိုင်များအတွက် လူတွေ့မေးမြန်းခြင်း၌ အထူးကျွမ်းကျင်သူတစ်ဦးဖြစ်ပါသလား။ သူတို့စိတ်ဝင်စားလျှင် သင့်မှာရှိသည့် အသိပညာ သို့မဟုတ် ကျွမ်းကျင်မှုများကို ဝေငှဖို့ ကမ်းလှမ်း နိုင်ပါသည်။
သင်၏ကိုယ်တိုင် ကိုယ်ရည်ကိုယ်သွေးဖွံ့ဖြိုးမှု၏တစ်စိတ်တစ်ပိုင်းဖြစ်စေဖို့ အခြားသူများကို ဖိတ်ခေါ်ပါ။

ကိုယ်ရည်ကိုယ်သွေးဖွံ့ဖြိုးမှုဟာ ကလေးများနှင့် လူငယ်များအတွက် သီးသန့်ခွဲထားသည် မဟုတ်ပါ။ သင်၏အသက်ဘယ်လောက်ပဲဖြစ်ဖြစ် အစီအစဉ်၌ သင်ကိုယ်တိုင် ပါဝင််နိုင်ပါသည်။ သင့်ဘဝ၏ ဝိညာဉ်ပကတိ၊ လူမှုရေး၊ ရုပ်ပိုင်းဆိုင်ရာနှင့် အသိဉာဏ်နယ်ပယ်တို့၌ တိုးတက်ရန် အချိန်ကို အသုံးပြုသည်နှင့်အမျှ၊ သင်ဟာ မည်သူကိုတွေ့သည်ဖြစ်စေ၊ လူတိုင်းကိုအမှုတော်ဆောင်ဖို့ ပို၍ကောင်းစွာပြင်ဆင်ပြီးသာ ဖြစ်ပါလိမ့်မယ်။ ဂါနာက ပရောဖက်လိုပဲ၊ သင်ဟာ စန္ဒရားသင်ခန်းစာတွေ စီစဉ်ရာမှာဖြစ်စေ၊ လေ့ကျင့်ခန်း သင်တန်းတစ်ခုသွားရာမှာဖြစ်စေ၊ ဘာသာစကားတစ်ခုကို အတူတကွသင်ယူရာမှာဖြစ်စေ၊ အခြားသူတွေကို သင်နဲ့အတူ ပါဝင်ဖို့ ဖိတ်ခေါ်နိုင်ပါတယ်၊
အမှုတော်ဆောင်ခြင်းကို ရည်မှန်းချက်တစ်ခုအဖြစ် ချမှတ်ပါ။

အမှုတော်ဆောင်ခြင်းအတွက် အချိန်အသုံးပြုခြင်းကို နေ့တိုင်း စဉ်းစားပါ။ ဒီအရာက၊ သတင်းစကားတစ်ခုပို့ပေးခြင်း၊ သို့မဟုတ် အခြေအနေဘယ်လိုရှိသလဲသိရဖို့ အလည်သွားခြင်း၊ သို့မဟုတ် ပါတီပွဲတစ်ပွဲစီစဉ်ခြင်းတို့လည်း ဖြစ်နိုင်ပါတယ်။ သင်အမှုတော်ဆောင်သည့်သူတို့၏ မွေးနေ့များကို မှတ်သားရန်အချိန်ယူခြင်း၊ သူတို့မည်သည့်အရာကို စိတ်ဝင်စားကြောင်း၊ သို့မဟုတ် လောလောဆယ်ပြုလုပ်နေသည့် အရာများကို ရှာဖွေရန် လူမှုကွန်ရက်၌ ရှာဖွေခြင်းတို့ ပါဝင်နိုင်ပါသည်။ အခြားတစ်ယောက်လိုအပ်သည့်အရာအကြောင်း ငါးမိနစ်မျှ စဉ်းစားခြင်းက ထူးခြားမှုကို ဖြစ်စေနိုင်သည့် အကြံဉာဏ်များကို လမ်းပြလှုံ့ဆော်နိုင်ပါသည်။

တစ်ယောက်ပြီးတစ်ယောက်

“ကိုယ်တော်ရှင်၏ စစ်မှန်ပြီးအသက်ရှင်သည့် အသင်းတော်၏ ထင်ရှားသည့်ထူးခြားချက်မှာ ဘုရားသခင်၏သားသမီးတစ်ဦးချင်းစီတိုင်းနှင့် သူတို့၏မိသားစုများကို အမှုတော်ဆောင်ရန် အစီအစဉ်တကျရှိသော၊ လမ်းညွှန်သောကြိုးပမ်းမှုတစ်ခုအဖြစ် အစဉ်အမြဲ ရှိပေလိမ့်မည်။ သူ၏အသင်းတော်ဖြစ်သောကြောင့်၊ သူ၏အစေခံများအဖြစ် ကျွန်တော်တို့သည် လူတစ်ဦးကို သူအမှုတော်ဆောင်ခဲ့သကဲ့သို့ အမှုတော်ဆောင်ကြမည်ဖြစ်ပါသည်။”

ဥက္ကဌ ရပ်ဆဲလ် အမ်၊ နယ်လဆင်၊ “Ministering with the Power and Authority of God,” Liahona၊ မေ ၂၀၁၈၊ ၆၉။