“Odingel lokiu a Prokuram er a Rengalek me a Rengeasek,” Liahona, October 2020

A siasing a mla er a Tom Garner, Isaac Darko-Acheampong, Alexander K. Boateng, me a Jonas Rebicki

Osisechakl er a Odingel, October 2020

Odingel lokiu a Prokuram er a Rengalek me a Rengeasek

A siotai er a rebebil el mo mesisiich e dirrek el ngosuterir a klou a belkul telengtengil odingel.

Ng kmal betok a techall er a odingel lokiu a prokuram er a Rengalek me a Rengeasek. Ng locha ngarngii a rengelekem el mekekerei me a rengeasek er a blai. Ke locha tara oungerachel a prokuram malechub e ke oldingel a telungalek el ngarngii a rengalek me a rengeasek er ngii. A lechub e ke locha kuk di medengelterir a rebebil er a rengalek me a rengeasek (tia tekoi el mei er kid el rokui). Ngii di el teletael, eng kmal betok a rolel e kede ousbech a prokuram a lechub osisechakl el mo omekngeltengat a klengar er a rebebil.

Dmak el kaingeseu el Melisiich er Kid

A kmal techel a prokuram er a Rengalek me a Rengeasek a sel moktek el melasm er a bek el sils el mo uaia Osobel, el ngii a mle cherrungel el mesiou. Betok er tirkel mla ngara tial prokuram a mla subii el kmo sel molemolem el ngara kakerous el dauch er a klengar, e kau a mo meduch lolngeseu e oldingel er a rebebil.

Eng di prokuram er a Rengalek me a Rengeasek, e a omekngeltengat er a rebebil a diak el kirem el mengiil el di merekmo msubii a kmo ngerang. A omesuub a di ngii el meskid a techall el mo mesiou.

A ngeasek el chad el ngklel a Profet el kiei er a beluu er a Ghana, el moktek er ngii el mo ngara tial prokuram er a Rengalek me a Rengeasek el momesuub lousekool a piano a mle uchelel. “Ng moktek er ngak el mo ngosuterir a rebebil el mo medengei el kmo ngera kmesuub,” ng melekoi a Profet.

Ng dirkak el sal mo meduch el mo sebechel sensei, ng di moktek er ngii a mlukeroul el kmal mo mesisiich el dimlak lesang. Chelecha e ngarngii a oekim el ngalek el mesuub a piano er a ikelesia lobengkel a Profet. E techa olisechakl er a Profet me tirka el okeim el ngalek? Ng Alexander M. me a Kelvin M., losisiu el teruich me a edei a rekrir. “Ng somam lochotii a blekokeuii lomeruul el mo er a rebebil,” ng melekoi a Kelvin

Edei el klebesei er a chelsel a tal sandei e a terung el ngeasek olisechakl a paino el di tada el mo er tirkel sorir el mesuub. Ng mla morngii a dechelel a klungiolel osisechakl er a piano. A rebebil er a rengalek el mlo medengelii a Ikelesia lokiu omesubel a piano a mlosisechakl er a ebangkelio e mlo metecholb ruriul.

Sel dolasm el merael mo mesisiich, eng sebeched lolngeseu er a rebebil el mo siotai er tir el me teloi e rkid.

Bedochel el Teletelel a Odingel

A merredel er a stake Primary, el Sabrina Simões Deus Augusto er a beluu er a Curitiba, Brazil, a mla mesa el uase ng mekera tial prokuram e mla omekngeltengat a klengar er a rengalek el ngara stake er ngii. E dirrek el mla mesa a betok el teletael el ngii a mla suub el kirel a klengar ngii er a ngerchelel loldingel.

“Sel bok meduch er a ngerang,” ng melekoi a Sister Augusto, “e a kusbech er ngii lomekngeltengat er tirkel kuldingel er tir.”

A Sister Augusto a ulsischeklii a tal odos el kmo ng mekera loruuk a chocolate truffles. Chelecha e ngika el odos a meruul e olterau a truffles lolngeseu er a siungel a telungalek er ngii. “Sesei el buil ruriul, e ak mlo ngeltengat el tara odos a ulsischeklak el meruul a honey bread e olterau,” ng millekoi a Sister Augusto. “A doleketek e domerk a duch a er kid a sebechel omekngeltengat a klengar er a rebebil e smisichii a deleuill er kid me a rodos el doldingel er tir.”

© 2020 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Osisechakl er a Odingel, October 2020. Palauan. 16725 881

Ng Mekera Prokuram er a Rengalek me a Rengeasek e Ngosukau er a Odingel?

Siotai er a rebebil el mo teloi er sel Prokuram er a Rengalek me a Rengeasek.

Ng sebechem el siotai a telungalek er a rengeasek me a rengalek el kau oldingel er tir el mo teloi er sel prokuram er a Rengalek me a Rengeasek. Te locha mo semeriar er a omeruul, ulekerulel a klechad, a lechub omesubel ebangkelio er tial prokuram. (A lmuut el bebil omesodel a odingel lokiu a Mei, Moltirakl er Ngak, e mesa “Odingel lokiu a Mei, Moltirakl er Ngak,” er sel September 2020 Liahona.)
Olngeseu a moktek er tir.

Kau el odam a lechub e ke odos loldingel a telungalek er a rengeasek, a sebechem lolngeseu a moktek er tir el kirir a Rengalek me a Rengeasek. Ng uaisei el motek er tir a kuk di kirir, eng di a modengei aikel semeriar ngii el tekoi, eng sebechem lolngeseu er a kakerous el teletael. Tia sebechel teletael er a ngosuterir el kirel aikel losiik, a lechub e ke ngosuterir a loruul a kukis, a lechub e kolngeseu er a kmo ngerang lokiu aikel kuk klemedengei er kau. Ke meduch lomekbeches a oil er a mlai? Merasm a selodel el bail? Ke kmal meduch el mengedecheduch er a rechad el kirel a skel a ureor? Ng sebechem louchais a klemedengei me a duch er kau alsekum e te semeriar el mo medengei.
Msiotai er a rebebil el mo obengkem e mdak el kaukeroul.

A ulekeroul a diak di le bo er a rengalek me a rengeasek. Ng sebechem el ngara ika el prokuram el diak el iior er a klungem. Sel mchoit a temem el melisiich er a chedaol, deleuill, bedengem, me a uldesuem, e kau a mo kldmokl el mo olngeseu er a rechad, ngii di el chad. El uaia Profet el ngara Ghana, ng sebechem lomekngeltengat er a rebebil el mo siotai er tir, a losuub a piano, a lechub eng tekoi er a undo, a lechub eng omesubel a kuk tara omelekoi.
Rulii odingel el mo moktek er kau.

Momdasou a chemoit a temem er a bek el sils lolngeseu. Ng sebechem lou text er tir a lechub e ke mo mesterir el kirel a teletelel ongdibel er kemiu. Ng sebechel uldimukl er ngii a lmuches a tansiobi er tirkel moldingel er tir a lechub e mchadecheduch er a social media el mo medengei aikel le semeriar ngii a lechub aikel kuk bla el ruul. Di mngai a sesei el bung lomdasou aikel lousbech a chad el ngii a sebechel mekrolau el kirel a kmo ngerang.