Ho sebeletsa ka lenaneo la Bana le Bacha, Liahona, Mphalane 2020
Litśoantśo ka Tom Garner, Isaac Darko-Acheampong, Alexander K. Boateng, le Jonas Rebicki
Metheo ea Boseletsi, Mphalane 2020
Ho sebeletsa ka lenaneo la Bana le Bacha
Ho mema ba bang ho hola le ho ba thusa ho tsamaea tseleng ke sona semelo sa bosebeletsi.
Menyetla e mengata ea ho sebeletsa ka lenaneo la Bana le Bacha. Mohlomong u na le bana kapa bacha bao e leng ba hau lapeng. Mohlomong u moetapele lenaneong kapa u sebeletsa malapa a nang le bana le bacha. Kapa mohlomong ho etsahala hore u tsebe bana le bacha (seo se tlameha ho kenyelletsa kaofela ha rona). Ho sa tsotellehe hore na boemo ba hau ke bo fe, ho na le litsela tse ngata tsa ho sebelisa lenaneo kapa metheo ea lona ho hlohonolofatsa maphelo a ba bang.
Ho imatlafatsa Hammoho
Botebong ba lenaneo la bana le bacha ke ho tsepamisa maikutlo ka ho leka letsatsi ka leng ho tśoana haholoanyane le Mopholosi,ea sebelelitseng ka ho phethahala. Bongata ba bao ba nkileng karolo ka hara lenaneo ba ithutile hore haholoanyane ka moo u tsoelang pele likarolong tse fapakaneng tsa bophelo ba hau, u hlomelloa ka mokhoa o fetang ho thusa kapa ho sebeletsa ba bang.
Empa ka lenaneo la bana le bacha, ho hlohonolofatsa ba bang ha ho a tlameha ho ema hofihlela u ithutile se seng. Ketso ea ho ithuta ka bo eona e fana ka menyetla ea ho sebeletsa.
Bakeng sa mohlankana ea bitsoang Prophet ea phelang Ghana, ho etsa moralo oa ho ithuta ho bapala piano ka hara bukana ea bana le bacha e ne e le qalo fela. “Ke sepheo sa ka hape ho thusa batho ba bang ho tseba seo ke ntseng ke ithuta sona,” ho bolela Prophet.
Le hoja a e so be morupeli, sepheo sa hae se sentse se hotse ho ba ntho engoe e kholo ho feta kamoo a kileng a lekanya. Ho so ho ena le baithuti ba 50 ba ithutang piano ntlong ea phutheho le Prophet. ´Me hantle ke mang ea rutang Prophet le baithuti bao ba 50 ba bang? Alexander M. le Kelvin M., bobeli ba lilemo li 13. “Re batla ho bonts´a ketso ea mosa ho batho ba bang”, ho bolela Kelvin.
Matsatsing a mararo ka beke bacha bao ba babeli ba ruta lithuto tsa mantlha ka piano mahala ho bohle ba tlang ho tla ithuta. Ho bile le molemo o eketsehileng ho lithuto tsa piano. Ba `maloa ba baithuti ba ileng ba tsebisoa ka kereke ka lithuto tsa piano hamorao ba ile ba ithuta evangeli ´me ba nka qeto ea ho kolobetsoa.
Ha re ntse re etsa boiteko ba ho intlafatsa, re ka sebeletsa ba bang ka ho ba mema ho kenella le rona.
Mokhoa o hlolang oa Boselebetsi
Joalo ka mookameli oa sehlopha sa mantlha sa lekala le leholo, Sabrina Simões Deus Augusto oa Curitiba, Brazil, o bone kamoo likarolo tsa lenaneo la ntśetsopele ea botho li hlohonolofalitseng bana le bacha ka hara lekala la hae le leholo. Empa hape o bone litsela tse ling tse ngata tsa ho sebelisa seo a ithutileng ka ntśetsopele ea botho thomong ea hae e le mosebeletsi.
“Ha ke ntlafatsa neo,” ho bolela ´m´e Augusto, “nka sebelisa neo eno ho hlohonolofatsa motho e mong eo ke mo sebeletsang.”
`M´e Augusto o ile a ruta e mong oa bo `m´e ea ba sebeletsang ho etsa li-truffle tsa chokolete. `M´e eno kajeno o etsa le ho rekisa li-truffle ho thusa ho tlatselletsa mokholo oa lelapa la hae. “Likhoeli ha morao, ke ile ka hlohonolofala ha `m´e e mong a nruta ho etsa bohobe ba mahe a linotśi boo ke neng nka bo rekisa,“ ho bolela `m´e Augusto. “Ho ntlafatsa le ho arolelana li neo tsa rona ho ka hlohonolofatsa maphelo a rona le ho tebisa likamano re le bo `m´e ba sebeletsang.”
© 2020 by Intellectual Reserve, Inc. All rights reserved. Printed in USA. Tumello ea Sekhooa: 6/19. Tumello ea phetolelo: 6/19. Phetholelo ea Ministering Principles, Mphalane 2020. Sesotho. 16725 739.