Baika a kakaongora n te ka 190 ni Maungatabu ni Kabuta te Kauatai n te Ririki
Ibuakon te mangaongao, mirion aomata a karekea te tai ae rau inanon te maungatabu ni kabuta are karaoaki n Okitobwa 3ā4, 2020. Taan kairiiri n te Ekaretia a kairiira nakon Iesu Kristo rinanon rongorongon te boonano ma te tangira, kaantaninga ao te kamarurungaki, ao te rau.
Beretitenti RussellĀ M. Nelson e reireiniira arora ni karekea te kakabwaia n riki bwa ana aomata te Atua.
āNgkai ko rineia ni karika te Atua bwa boton am iango inanon maium, ko na noria ibon iroum bwa te Atua bon āAtuan te kakaiā [Moomon 9:11].ā āBeretitenti RussellĀ M. Nelson (tara iteranibaĀ 92)
E mwaiti taan taetae aika marorooakina te rikirake ae onoti rinanon iriiran Iesu Kristo, Onimakinana, ao kaboraoan nanora ma Nanona.
āNgkai ti nanorinano n nakon [Iesu Kristo], E na karikirakea riki ara konabwai ni bitaki.ā āBecky Craven (tara iteranibaĀ 58)
Teuana riki te tai, te novel coronavirus e roota te bwai are ti noria man ongo n te maungatabu. Ma, te waaki ae raka e roko mai iai te taratara ae korakora riki ngke taan taetae a aki tii kabotoa aia marooro iaon te kaantaninga ma iaon naba te atatai ae raka riki n ana baire te Atua ibukin kukureira ae akea tokina.
āKakatai n te maiu aei bon te bwai ae kakaawaki ibukin rikirakera ae akea tokina. ā¦ I tataro bwa ngaira ti ā¦ karekei reirei aika kakawaki ake a tii kona n reke i nanon taian kakaewenako.ā āUnimwaane DavidĀ A. Bednar (tara iteranibaĀ 8)
Ngkai te aki rau irouia te botanaomata e roota mwakoron te aonaba ae mwaiti, taan kairiiri a kabuakaka bwainikirinan te reeti ao te iowaawa. A kaumwakira ngaira Aomata aika Itiaki bwa ti na bonnano inanon te raoiroi, ti na karekea te bonnano inanon te kaokoro, ao ti na buoka katean te tabo ae etieti man tatangira.
āTi maeka n te tai ae e rang korakora iai te kakaokoroaki ā¦ Ti kona n riki bwa te korakora n tabekarake ao ni kakabwaia te botanaomata ae bwanin.ā āUnimwaane Quentin L. Cook (tara iteranibaĀ 18)
Ngkai ko a manga taraa te maungatabu n te boki aei, ara kaantaninga bwa ko na karekea kaua te kaantaninga ao te kairaki are ko namakinna n te moantai, ai uana ma karekean nonoori aika boou rinanon am kamatebwai n namwakaina aika a na roko.