Parmeshwar ke Jeeten Do

Pradhaan Russell M. Nelson dwara

Ishu Masih Ka Girjaghar Antim-dino Ke Santo Ka President

Russell M. Nelson

Kya aap apan jiwan me Parmeshwar ke jeeten de ke liye taeyaar hai? Kya aap apan jiwan me Parmeshwar ko sabse mahatwapurn prabhaao hone dena chahate hai?

Mere pyaare bhaaiyo aur bahano, ih sammelan ke adbhut sandeshon ke liye aur ab aapke saathe baat kare ke hamaar saobhaagye ke liye mai kitna abhaari hoon.

Jon 36 se zyaada saalo tak hum ek Apostle raha hai, Israel ke ikattha kare la siddhaant me hamaar bahut dilchaspi raha hai.¹ Uske baare me sab cheez hamme bahut pasand hai, jisme shaamil hai ministries aur naam² Abraham, Isaac, aur Jacob ke; uh log ke jiwan aur uh log ke patniyaan; jo vachan Parmeshwar uh log ke saathe banaais aur uh log ke vansh tak fael gaya;³ barah tribes ka faelaao; aur hamare din me ikaattha hone ke baare me etna dher prophecies raha.

Hum ikattha howe ke stady kara, uske baare me praathna kara, har sambandhit dharmagranth par daavat dee, aur Prabhu se apan samajh badhaawe ke bola hai.

Yahi kaaran hamaar khushi ke kalpana karo jab haal hi me ek nawa antardrishti ke liye raah dekhawa ge raha. Dui Hebrew vidhwaano ke madad se, hamme pata chala ki Israel shabd ke ek matlab hai “Parmeshwar ke jeeten do.”⁴ Isiliye yeh naam Israel ek ayse insaan ko kaha jaata hai jo chahata hai Parmeshwar uske jiwan me jeete. Ih baat se hamaar aatma bahut prerit hoe jaawe!

Israel ke arth samjhaawe me yeh shabd taeyaar bahut mahatwapurn hai.⁵ Hum log sab ke paas agency hai. Hum log sakta Israel ke bane ke chune, ya nahi. Hum log sakta Parmeshwar ke apan jiwan me jeeten de ke chune, ya nahi. Hum log sakta Parmeshwar ke apan jiwan ke sabse mahatwapurn prabhaao bane ke chune, ya nahi.

Ek pal ke liye, hum Jacob, Abraham ke pota, ke jiwan ke ek khaas samay ko yaad karein. Jon jagah ke Jacob naam dees raha Peniel (jiske matlab hai “Parmeshwar ke chehra”),⁶ Jacob wahan ek gambheer chunaoti se sangharsh karis. Uske agency ke parkha ge raha. Ih sangharsh ke zariye, Jacob tay kar paais uske liye konchi sabse zaroori raha. Uh dekhaais ki uh Parmeshwar ke apan jiwan me jeeten de ke liye taeyaar raha. Iske jawaab me, Parmeshwar Jacob ke naam badal dees Israel me,⁷ jiske matlab hai “Parmeshwar ke jeeten do.” Parmeshwar tab Israel se waada karis ki sab ashirwaad jon Abraham ke mila raha uske bhi rahi.⁸

Bahut soch ke baat hai, Israel ke vanshaj Parmeshwar se kiye apan vachano ke tudh dees raha. Uh log profats pe patharbajee karis aur nahi chahate the ki Parmeshwar uh log ke jiwano me jeet paae. Uske baad, Parmeshwar uh log ke dharti ke chaaro taraf bikhraae dees.⁹ Kripa karke, Usne baad me unhe ikattha karne ka waada kiya, jon rakam se Isaiah batais hai: “Thoda samay ke liye hum aapke bagal kar diya [Israel]; lekin badi kripa se mai aapko ikattha karunga.”¹⁰

Israel ke Hebrew waala matlab dimaag me rakh ke, hum log Israel ke ikattha kare ke dusra rakam se samajh paata hai. Prabhu uh log ke ikattha kare hai jon taeyaar hai Parmeshwar ke apan jiwan me jeeten de ke. Parmeshwar uh log ke ikattha kare hai jon chune hai Parmeshwar ke apan jiwan ke sabse mahatwapurn prabhaao banae ke.

Sadiyon se, propheton ne is ikaatha hone ke baare me bhavishyevaani ki hai,¹¹ aur yeh ab ho raha hai! Prabhu ke Dusra Aagman ke ek zaroori shuruaat kaam ke rakam, yeh duniya me sabse zyaada avashyak kaam raha!

Ih millennium se pehle la ikattha hona laakho logon ke liye ek alag kahani hai badhti hui vishwaas aur dhaarmik saahas ki. Aur Ishu MasIh ka Girjaghar Antim-dino ke Santo ka ke sadasye, ya “antim-din ke vachanbadh Israel ke naate,”¹² hum log ke jimwari dewa ge hai ih zaroori kaam me Prabhu ke madad kare ke.¹³

Jab hum log Israel ke veil ke duno taraf ikattha kare ke baat karta hai, zaroor, hum prachaar, mandir, aur pariwaar itihaas waala kaam ke baat karta hai. Hum log uh-log ke dilon me vishwaas aur gawahi jagawe ke sochta hai jiske sange hum rehte, kaam karte, aur jinki hum sewa karte hai. Jab bhi hum kisi ko madad karte hai—veil ki kisi bhi taraf—taaki woh Parmeshwar ke saathe apne vachano ko bana aur nibhaa sake, hum Israel ko ikattha hone me madad kar rahe hai.

Bahut roj nahi hois, hamaar ek pota ke patni dhaarmik tanao mehsoos kar rahi thi. Hum uske naam “Jill” istemaal karega. Etna upwaas, praathna, aur priesthood ashirwaadon ke bawajood, Jill ke pitaji marne waale the. Use bahut dar lag rahi thi ki woh apne pita aur apne gawahi ko bhi khone waali thi.

Bahut der ek shaam ko, mere patni, Bahan Wendy Nelson, ne mujhe Jill ke stithi bataai. Dusra roj sabere Wendy ke prerna milis Jill se batawe ke ki hamaar jawaab uske dhaarmik sangharsh pe ek shabd raha! Uh shabd raha myopic(nikatdarshi).

Jill baad me Wendy se bolis ki pehle toh uske hamaar jawaab bilkul haeraan kar dees raha. Uh bolis, “Hum aasha karta raha ki Aaja ji hamme hamaar pita ke liye ek chamatkaar ke waada kari. Hum soche laga kaae uske khali ih shabd myopic hi bole ke sochaan.”

Jill ke pita ke guzre ke baad, uh shabd myopic uske mann me aate rahis. Uh tab jaae ke apan dil se samjhe ke gehra koshish karis ki myopic ke matlab raha “nikatdarshi.” Aur uske soch tab badle lagis. Jill tab bolis, “Myopic(nikatdarshi) ke kaaran hum ruka, socha, aur changaai paaya. Ab uh shabd se hamme shaanti mile hai. Isse hamme yaad aawe apan nazariya chaodra kare aur anant ki khoj kare ke. Isse hamme yaad aawe ki wahan ek divye yojna hai aur ki hamaar pita ab bhi zinda hai aur pyaar kare aur hamaar khyaal rakkhe. Myopic(nikatdarshi) se hum Parmeshwar tak pahuncha hai.”

Hamme apan pyaari pote-ki-patni pe garv hai. Apan jiwan ke ih dukhad samay me, pyaari Jill seekh rahi thi uske pita ke liye Parmeshwar ki ichcha kya hai, apan jiwan pe ek anant nazariya ke saath. Parmeshwar ke jeeten de ke, chune se uske shaanti mile hai.

Agar hum log chaahe, dher rakam se Israel ke Hebrew la matlab se sake hum log ke madad mile. Khali socho kaise hum log ke prachaarak log ke liye hum log ke praathnaaon—aur Israel ke ikattha kare ke hum log ke apan koshishein—se sake badlaao aawe ih nazariya se soche se. Hum log aksar praathna karta ki hum aur prachaarakon ko un logon tak pahunchaaya jaae jo Ishu Masih ke punahsthaapit susamachaar sachchaaiyon ko sunne ke liye taeyaar hai. Hum mangta jaane, hum kaisan jan tak pahunchega jab hum praathna karenge uh tak pahunchne ke liye jo Parmeshwar ko apan jiwan me jeeten de ke liye taeyaar hai?

Hum log saait koi aisan se milega jon kabhi Parmeshwar ya Ishu Masih me vishwaas nahi karis lekin jon abhi maange hai Uh log ke baare me aur Uh-log ke khushiyaali ke yojna ke baare me jaane. Aur sab saait “vachan me janma hoi”¹⁴ lekin ab vachanbadh rasta se bhatak ge hai. Saait ab uh log taeyaar hoi pashchataap kare ke, laute ke, aur Parmeshwar ke jeeten de ke. Hum log sakta khule baaho aur dilo se uh log ke swaagat karke madad kare. Aur koi koi jan jiske tak hum log phuchega saait sab taaim socha hoi uh log ke jiwan me kuch kamti hai. Uh log bhi purnata aur anand maange hai jon uh log ke mile jon taeyaar hai Parmeshwar ke apan jiwan me jeeten de ke.

Susamachaar ke jon jaal se bikhra Israel ke ikattha kara jaai bahut bhaari hai. Usme har ek insaan ke liye jagah hai jon puri tarah se Ishu Masih ke susamachaar ke apnaai li. Har ek convert(navdharmi) ab Parmeshwar ke vachanbadh bachcho ka bhaag ho jaaega,¹⁵ chaahe janam ke hak se ya usme baad me aane e. Har ek puri tarah se un sab cheezo ka hakdaar hota hai jo Parmeshwar ne apne Israel ke vishwaasi bachchon ko waada kiya tha!¹⁶

Har ek ka ek divye sambhaaona hai kyunki har ek Parmeshwar ka ek bachcha hai. Har ek Unki nazro me baraabar hai. Ih sachchaai ke prabhaai bahot gehre hai. Bhaaiyo aur bahano, kripya dhyaan se suniya mai kya kehne waala hoon. Parmeshwar ek jaati ko dusre se zyaada nahi pyaar karta hai. Ih vishay pe Uske siddhaant ekdam saaf hai. Uh sab ke amantrit kare hai Apan paas, “kariya aur ujjar, bandi aur mukt, purush aur mahila.”¹⁷

Hum aapke etna batae de mangta hai ki Parmeshwar aapke kaise dekhe uh aapke chamda ke rang se nahi taallukh rakkhe. Parmeshwar ke chaahita ya gaer-chahita hona ispe nahi nirbhar hai ki aapke chamda ke rang konchi hai lekin Parmeshwar aur Unke aagyaaon ke prati aapke shraddha pe.

Hamme afsos hai ki duniya bhar ke hamare Black(Kaale) bhaai aur bahane jaatiwaad aur tarafdaari sahe hai. Aaj hum sab jagah ke hamare sadasyo se kehta hai tarafdaari ke rawaiya aur kriyaaon ko hataane me pahal karo. Hum aapse niwedan karta Parmeshwar ke sab ladkan ke sammaan karna sikhaao.

Hum log sab ke liye sawaal ek hai, bina jaati ko dekhe. Kya aap apan jiwan me Parmeshwar ke jeeten de ke liye taeyaar hai? Kya aap apan jiwan me Parmeshwar ko sabse mahatwapurn prabhaao hone dena chahate hai? Kya aap Uske shabdo, Uske aagyaaon, aur Uske vachano ko maoka denge apne har din ke kaarye ko prabhaawit kare ke? Kya aap Uske aawaaz ke aur kisi aawaaz ke aage sabse pehle sunenge? Kya aap taeyaar hai woh sab jo Woh chahata hai aap kare zyaada zaroori ho jiwan me jo aap karna chaahe se? Kya aap taeyaar hai apna ichcha Unke ichcha me leen hone denge?¹⁸

Socho kaise aisan taeyaari se aapke ashirwaad mili. Agar aap shaadi-shuda nahi hai aur ek anant jiwan saathi khoj rahe hai, aapki “Israel ki” hone ki ichcha aapko madad karegi kise date karna hai aur kaise.

Agar aap aisan jiwan saathi ke saath shaadi-shuda hai jisne apne vachano ko todha hai, aapki taeyaari Parmeshwar ko apan jiwan me jeeten de ke se Parmeshwar ke saathe aapke vachane barkaraar rahegi. Rakshak aapke tuta dil ke changaai dei. Swarg se aashirwaad aai jab aap maangega jaane kaise aage badhe ke hai. Aapke gumraah ya ashcharye hoe ke nahi padhi.

Agar aapke paas thos sawaalein hai susamachaar ya Girjaghar ke baare me, jab aap Parmeshwar ke jeeten de ke chunega, aap tab sakega jaae ke param, anant sachchaaiyo ke khoje aur samjhe jisse aap jiwan me raah dekhe paaega aur aapke madad mili vachanbadh maarg pe mazbooti se rahe ke.

Jab aap ke behkaawa ke saamna hoe—bhale uh behkaawa tab aawe jab aap thaka hai ya akela ya sabse door mehsoos karta—kalpana karo kaisan himmat tum sakta paawe jab tum chunega Parmeshwar ke apan jiwan me jeeten de ke aur jab tum Usse niwedan karega aapke mazboot kare ke.

Jab aapke sabse bhaari ichcha hai Parmeshwar ke jeeten de ke, Israel ke ashirwaad paawe ke, ketna dher nirnay log aasaan ban jaai. Ketna dher maamle kuch bhi nahi rahe jaawe! Aap janta hai kaise apne aap ke sabse achcha se taeyaar karo. Aap janta hai konchi dekhe ke hai aur konchi padhe ke hai, kahan apna samay bitaawe ke hai, aur kiske saathe mile-jule ke hai. Aap janta hai aapke kon mukaam haasil kare ke hai. Aap janta hai aapke sahi rup se kaisan insaan bane ke hai.

Ab, hamaar pyaare bhaaiyo aur bahano, Parmeshwar ke jeeten de ke liye duno vishwaas aur himmat lage hai. Pashchataap kare ke liye baar-baar, kathin dhaarmik kaarye karne chahiye aur aam aadmi ko tyaagna padhta hai Ishu Masih ke Praeshchit ke zariye.¹⁹ Har roj ke lagataar, mehnat se susamachaar padhne ke niji aadatein aati hai, Swarg ke Pita aur Ishu Masih ke baare me aur jaanne ki, aur niji revelaishan khoje aur uspe amal kare ke liye.

Uh sab mushkil ke samay ke baare me jon Devdut Paul bhavishyevaani karis raha,²⁰ Shaetaan ab toh koshish bhi nahi kar raha hai Parmeshwar ke yojna pe apne waar ko lukaane ki. Dher rakam ke bure vichaar duniya me prasidh hai. Isiliye, ek hi rakam se hum log sakta dhaarmik rup se bache hai ki hum nishchay kar le Parmeshwar ke apan jiwan me jeeten de ke, Uske aawaaz sune ke seekhe ke, aur apan taaqat se Israel ke ikattha mare ke madad kare ke.

Ab, Prabhu kaise mehsoos kare hai uh log ke baare me jon Parmeshwar ke jeeten dei? Nephi achcha se jawaab dees: “[Prabhu] uh log se pyaar kare jon Uske apan Parmeshwar banai. Dekho, uh hum log ke pitaaon se pyaar karis, aur uh vachan banais uh log ke saathe, haan, uh hai Abraham, Isaac, aur Jacob; aur uh yaad rakkhe jon sab vachan uh banais [hai].”²¹

Aur konchi kare ke taeyaar hai Israel ke liye? Prabhu vachan dees hai ki Uh “[hum log] ladaai ladi, aur [hum log] ke ladkan ke ladaai log bhi, aur hum log ke ladkan ke ladkan ke [ladaai] … teesra aur chautha peedhi tak”!²²

Aawe la che mahina me jab aap apan dharamshaastro ke padhega, hum aapke protsaahan deta uh sab likho jon Prabhu waada karis hai Uh kari vachanbadh Israel ke liye. Hamme lage aap chaunk jaaega! Ih waada log pe dhyaan do. Uh sab ke baare me apan pariwaar aur doston ke bataao. Tab jeeyo aur inhe pura hone ka intazaar karo.

Hamaar pyaare bhaaiyo aur bahano, jab aap Parmeshwar ke apan jiwan me jeeten de ke chunega, aap khud anubhao kare paaega ki hum log ke Parmeshwar “ek chamatkaaro ka Parmeshwar” hai.²³ Ikatthit ab, hum log Uske vachanbadh bachche hai, aur hamein Unke naam se pukaara jaaega. Iska mai pawitra Ishu Masih ke naam se gawahi deta hoon, amen.

Notes

1. Apan 800 sandeshon me se jon hum Apostle rehwe ke apan 36 saal me diya hai usme se kam se kam 378 me hum Israel ke baare me baat kara hai.

2. Hebrew me, Abram ek shresht naam hai jiske matlab hai “param pita.” Lekin jab Parmeshwar uh naam badal ke Abraham rakhis, uh naam ke mahatwa badh ge, jiske matlab hoi ge “ek bheed ke pita.” Sachche ke, Abraham ke toh “dher deshon ke pita” bane ke raha. (Dekhiye Genesis 17:5; Nehemiah 9:7.)

3. Prabhu Parmeshwar Jehovah ek vachan dees raha Abraham ke ki duniya ka Rakshak Abraham ke vansh se paeda hoga, kuch zameen inheritance me milenge, aur sabhi deshon ko Abraham ke vanshaj dwara ashirwaad milega (dekhiye Bible Dictionary, “Abraham, covenant of”).

4. Dekhiye Bible Dictionary, “Israel.”

5. Israel shabd shaastro me ek hazaar baar se zyaada baar likha gaya hai. Ih sake Jacob ke (Israel’s) pariwaar rehwe 12 beton, tatha betiyon ka (dekhiye Genesis 35:23–26; 46:7). Aaj ih sake Dharti pe ek ilaaka se joda jaawe. Lekin uske sidhaant ke milaan ka upyog un logon se waasta rakhta hai jo Parmeshwar ko apan jiwan me jeeten de ke liye taeyaar hai.

6. Dekhiye Genesis 32:30; Penuel bhi likha gaya hai Genesis 32:31 me.

7. Dekhiye Genesis 32:28.

8. Dekhiye Genesis 35:11–12.

9. Isse zyaada padhe ke liye, dekhiye Topical Guide, “Israel, Scattering of.”

10. Isaiah 54:7.

11. Dekhiye Isaiah 11:11–12; 2 Nephi 21:11–12; Mosiah 15:11.

12. Dekhiye Encyclopedia of Mormonism (1992), “Covenant Israel, Latter-Day,” 1:330–31.

13. Jab hum Israel ke ikattha kare me bhaag lenge, Prabhu ka ek ashcharyejanak tarika hai ikattha hone waalo ka varnan karne ka. Uh hum log sab ke Apan “anokha khazaana” (Exodus 19:5; Psalm 135:4), Apan “khazana” ke rakam (Malachi 3:17; Doctrine and Covenants 101:3), aur ek “pawitr desh” ke rakam (Exodus 19:6; Deuteronomy 14:2; 26:18 bhi dekhiye).

14. Ih waakye ekdam wahi vachan ke baat kare hai jon Parmeshwar Abraham se banais raha, ih bolte huwe, “Tumhaare beej(bachcho) dwara dharti ke sabhi logon ko ashirwaad milega” (3 Nephi 20:27). “Vachan me paeda hua” ka matlab hai ki ek insaan ke paeda hone se pehle, uh insaan ke maa aur pita mandir me seal ho gaye the.

15. Parmeshwar ek aisan waada ke baare me sikhaais raha Abraham ke jab uh bolis raha: “Jetna jan ih Susamachaar apnaai uh log ke aapke naam diya jaai, aur aapke beej kehlaai, aur woh punarjiwit honge aur aapka dhanye manaenge, apne pita ke naate” (Abraham 2:10; Romans 8:14–17; Galatians 3:26–29 bhi dekhiye).

16. Har ek vishwaasi sadasye ek patriarchal(kulpati) ashirwaad ki maang kar sakta hai. Pawitr Aatma ke prerna se, patriarch us sadasye ka Israel ke gharane ka vanshaj(lineage) ghoshit karega. Yeh zaroori nahi ki yeh ghoshna uske jaati batata hai, ya uska genetic makeup kya hai. Balki, ghoshit lineage us Israel ke tribe ka pehchaan batata hai jiske zariye us sadasye ko ashirwaad milenge.

17. 2 Nephi 26:33.

18. Dekhiye Mosiah 15:7. Israel ka hona kamzor dil waalo ke liye nahi hai. Uh sab ashirwaado ko paane ke liye jo Abraham ke vanshaj ke liye rakha gaya hai, hum sab ko apeksha honi chahiye apne alag “Abrahamic test” ki. Parmeshwar hamein test karenge, jaise Prophet Joseph Smith ne sikhlaaya tha, hamare hi dil ke taaro ko khinchne se. (Dekhiye John Taylor ke recollections me Teachings of Presidents of the Church: Joseph Smith [2007], 231.)

19. Dekhiye Mosiah 3:19.

20. Dekhiye 2 Timothy 3:1–13.

21. 1 Nephi 17:40; par zor diya gaya.

22. Doctrine and Covenants 98:37; Psalm 31:23; Isaiah 49:25; Doctrine and Covenants 105:14 bhi dekhiye.

23. Mormon 9:11.