Gikan sa Unang Kapangulohan

Mga Gasa sa Gugma alang kang Jesus

Ni Presidente Henry B. Eyring

Ikaduhang Magtatambag sa Unang Kapangulohan

Gikuha gikan sa “Gifts of Love,” debosyonal sa Brigham Young University, Dis. 1980.

Ang Langitnong Amahan mihatag kanato sa Iyang Anak, si Jesukristo. Ug si Jesus mihatag sa Iyang kinabuhi alang kanato aron makapuyo kita uban Kaniya pag-usab. Mao kini ang labing mahinungdanon sa tanan nga mga gasa. Si Jesus gawasnong mihatag kanato niini nga gasa.

Mahimo kang mohatag og gasa ngadto ni Jesus. Unsa nga mga gasa ang inyong mahatag Kaniya?

Mahimo kamong mag-ampo.

Mahimo kamong magbasa sa kasulatan.

Mahimo kamong magsunod sa mga kasugoan.

Ug aduna pay dugang nga butang nga inyong mahatag Kaniya. Naglibut kaninyo, adunay mga tawo nga Iyang gihigugma nga mahimo ninyong tabangan.

Nag-ampo ko nga gawasnon kitang mohatag, sama sa gibuhat ni Jesus.

Snowflake sa Pagserbisyo

Makahatag kita og gasa ngadto ni Jesus pinaagi sa pagserbisyo sa uban. Paghimo og snowflake sa pagserbisyo aron sa pagpahinumdom kaninyo kon kinsa ang mahimo ninyong serbisyohan.

1. Guntinga ang sirkulo.

2. Pil-a og katunga ang sirkulo subay sa usa sa mga linya. Dayon pil-a kini og katunga pag-usab, ug dayon pil-a pag-usab.

3. Guntinga subay sa tuldok-tuldok nga mga linya sa outline sa tawo. Ayaw guntinga ang kilid sa mga tiil ug mga kamot.

4. Bukhara ang papel ug isulat diha sa matag tawo ang ngalan sa usa ka tawo nga mahimo ninyong serbisyohan.