Mga Istorya sa Kasulatan

Si Moroni Miluwas sa mga Kasulatan alang Kanato

Basaha ang mahitungod niini diha sa Mormon 8 ug sa Pasiuna sa Basahon ni Mormon.

Mga paghulagway pinaagi ni Apryl Stott

Si propeta Mormon mihimo og basahon mahitungod ni Jesus. Gisulat niya kini diha sa bulawan nga mga palid. Sa wala pa siya mamatay, mihangyo si Mormon sa iyang anak nga si Moroni sa pag-atiman sa basahon.

Gihimo ni Moroni kon unsay gihangyo sa iyang amahan. Gipabilin niya nga luwas ang mga palid. Usahay kinahanglan niya nga motago gikan sa dautang mga tawo. Kanunay siya nga nag-inusara. Apan nasayud siya nga importante kaayo ang basahon.

Si Jesus mibisita ni Moroni! Gipakita Niya si Moroni kon sa unsang paagi ang basahon makatabang sa daghang mga tawo sama kaninyo ug kanako. Gidugang ni Moroni ang iyang pagpamatuod ngadto sa mga palid. Misulat siya ngari kanato ingon og kita anaa didto kauban kaniya.

Ang Dios misulti kang Moroni sa paglubong sa mga palid aron nga mapabilin kining luwas. Daghang katuigan ang milabay, gihubad kini ni Joseph Smith. Karon giimprinta kini isip ang Basahon ni Mormon.

Ang Basahon ni Mormon gisulat alang kanako! Makatabang kini kanako sa bisan unsang problema. Usa kini ka gasa gikan sa Dios.