Makahimo Ka sa Pagdan-ag sa Kalibutan

Samtang magsaulog kamo sa pagkatawo ug kinabuhi ni Jesukristo niini nga bulan, aniay pipila ka mga ideya aron matabangan kamo sa pagtabang sa uban ug mopaambit sa kahayag nga Iyang gidala diha sa inyong kinabuhi.

Pagdapit og mga Tawo ngado sa Simbahan

• Pag-ampo aron masayud kinsa ang dapiton.

• Dapita ang uban sa espesyal nga tulumanon sa Pasko sa ika-20 sa Disyembre.

• Personal nga modapit ug pinaagi sa social media.

• Dapita ang mga higala sa mga kalihokan sa Pasko. Alang sa dugang nga mga ideya kon unsaon sa pagdapit sa uban, susiha ang “5 ka Buhatunon (ug 2 ka Dili) Kon Magdapit sa mga Higala ngadto sa Simbahan” dinhi sa digital nga mga isyu niining bulana.

Litrato sa mga tawo nga nagdalit og pagkaon gikan sa Getty Images

Pagpakaon sa Gigutom

• Pagboluntaryo sa usa ka sentro sa pagpanghatag og rasyon.

• Pag-apil sa usa ka pagdonar og pagkaon.

• Pagdala og pagkaon ngadto sa usa ka tawo.

• Pagdapit og usa ka tawo sa panihapon sa Pasko.

Pagbisita sa Masakiton ug sa Nag-antus

• Pagpamutos og mga hygiene kit.

• Paggahin og panahon uban niadtong mga nagmasakiton.

• Pangutana sa unsang paagi kamo makatabang.

• Pagdonar ngadto sa usa ka charity.

Hupaya ang Nagmasulub-on

• Pakig-uban sa usa ka tawo kinsa nag-inusara.

• Bisitaha ang usa ka tawo kinsa nag-inusara sa pagpuyo.

• Dapita kadtong kinsa nag-inusara sa inyong panimalay.

• Pagbaton og bag-ong higala.

Pagpaambit sa The Christ Child nga video

• Pagpaambit sa video diha sa social media.

• Pagpasalida niini diha sa inyong panimalay uban sa mga higala sa ubang mga tinuohan.

• Pagpaambit niini sa usa ka estranghero diha sa bus.

• Gamita kini sa usa ka leksyon sa home evening.