ការអញ្ជើញមកជួបពី យ៉ូហាន បាទីស្ទ

យ៉ូសែប ស៊្មីធ និង អូលីវើរ ខៅឌើរី កំពុងអធិស្ឋាន

នៅថ្ងៃមួយ យ៉ូសែប ស៊្មីធ និងអូលីវើរ ខៅឌើរី បានមានសំណួរមួយ ។ តើរបៀបមួយណាជារបៀបត្រឹមត្រូវដើម្បីធ្វើពិធីបុណ្យជ្រមុជទឹក ? ពួកគាត់អធិស្ឋានទូលសូមចម្លើយ ។

ទេវតាមួយអង្គបានយាងមក ។ ទេវតានោះគឺជា យ៉ូហាន បាទីស្ទ ។ លោកបានធ្វើពិធីបុណ្យជ្រមុជទឹកឲ្យ ព្រះយេស៊ូវ ។ លោកបានប្រាប់ពួកគេថា ពួកគេត្រូវការបព្វជិតភាពដើម្បីធ្វើពិធីបុណ្យជ្រមុជទឹកឲ្យមនុស្សគ្រប់គ្នា ។

យ៉ូហាន បាទីស្ទ ប្រគល់បព្វជិតភាពអើរ៉ុនដល់ យ៉ូសែប ស្ម៊ីធ

យ៉ូហាន ប្រសិទ្ធពរដល់យ៉ូសែប និងអូលីវើរ ។ លោកបានប្រគល់ដល់ពួកគាត់នូវបព្វជិតភាព ។ ឥឡូវនេះ ពួកគេអាចធ្វើពិធីបុណ្យជ្រមុជទឹកតាមរបៀបដែលព្រះយេស៊ូវ បានទទួលបុណ្យជ្រមុជទឹកហើយ ។

អូលីវើរ ខៅឌើរី បានធ្វើបុណ្យជ្រមុជទឹកឲ្យ យ៉ូសែប ស៊្មីធ

យ៉ូសែប បានធ្វើបុណ្យជ្រមុជទឹកឲ្យ អូលីវើរ នៅក្នុងទន្លេ ។ បន្ទាប់មក អូលីវើរ បានធ្វើបុណ្យជ្រមុជទឹកឲ្យយ៉ូសែប ។ ក្រោយមកមនុស្សជាច្រើនបានទទួលបុណ្យជ្រមុជទឹកផងដែរ ។

ពីព្រោះព្រះវរបិតាសួគ៌បានឆ្លើយតបការអធិស្ឋានរបស់ យ៉ូសែប ស៊្មីធ នោះបព្វជិតភាពក៏មានឡើងនៅលើផែនដីម្តងទៀត ។ ខ្ញុំអាចទទួលពិធីបុណ្យជ្រមុជទឹកដូចព្រះយេស៊ូវ បានទទួលដែរ ។

A pencil drawing of Joseph baptizing Oliver Cowdery.

© 2021 by Intellectual Reserve, Inc. All rights reserved. បោះពុម្ពនៅ ស.រ.អា ។ អនុមតិជាភាសាអង់គ្លេស ៖ ៦/១៩ ។ អនុមតិឲ្យបកប្រែ ៖ ៦/១៩ ។ ការបកប្រែនៃ Monthly Friend Message, January 2021. Cambodian. 17464 258