Tei ’ō nei te ’Ēkālesia

Hong Kong, te nūna’a nō te Rēpupirita nō Taina

Mau hōho’a nā Cody Bell

Tē fa’ariro nei te rahira’a o te mau ta’ata ia Hong Kong mai te hō’ē ’oire tūtaura’a pahī ’ana’anatae ’e te rahira’a ta’ata. I roto rā i te mau ’oire ri’i e mea ’iti roa ïa te ta’ata. ’A hi’o noa ai te hō’ē ta’ata tupu, i te hō’ē ’utuāfare e toru u’i melo nō te ’Ēkālesia e ’oa’oa ’āmui ra i roto i te hō’ē ’āua fa’afa’aeara’a tāpiri noa i tō rātou nohora’a.

’Ua tāta’ipiti te rahira’a melo i roto i nā 10 matahiti i ma’iri iho nei.

E 6 titi, 1 misiōni, 1 hiero

I te matahiti 1949 : ’Ua ha’amauhia te pū misiōni

Fa’a’itera’a i te ha’apa’o-maita’i-ra’a mau ia vetahi ’ē

I roto i te pere’o’o auahi nō Hong Kong, ’ua patahia te hōho’a ’o Carrie Shuk-fan Leung ’e ’o Shayla Suet-yee Leung, te metua vahine ’e te tamāhine. ’A uihia ai nō ni’a i te aupurura’a, ’ua parau te tuahine Carrie ē, « ’ia fa’a’ite ana’e tātou i te ha’apa’o-maita’i-ra’a mau i te feiā e ha’ati ra ia tātou, tē aupuru ra ïa tātou ».