Elder Carlos G. Revillo Jr.

Hitu ’Ahuru Hui Mana Fa’atere Rahi

Mai tōna vai-tamari’i-ra’a, ’ua hina’aro o Elder Carlos G. Revillo Jr ’ia tāvini i te hō’ē misiōni rave tāmau. I te fare ha’api’ira’a tuatoru rā, ’ua fa’aoti ’oia e fa’ataime i tāna misiōni i te roara’a hō’ē matahiti nō tē fa’aoti e pae matahiti i te parau tū’ite i roto i te tātā’ira’a mātini ’e ’ia manuia i te mau hi’opo’ara’a parau tū’ite ’a te ’āpo’ora’a fenua. ’Ua tāpae ’oia i roto i nā nūmera e pae teitei roa a’e ’o te mau hi’po’ara’a ’a te feiā hi’opo’a ’e ’ua fāri’i i te tahi mau pūpūra’a ’ohipa maita’i nō roto mai i te mau taiete rarahi e rave rahi.

« I te roara’a o taua taime ra, ’ua ti’a iā’u ’ia ui i roto iā’u iho : ‘Ua hina’aro mau ānei au e tāvini i te hō’ē misiōni ? ’Ua ’ite mau ānei au ē e peropheta mau o Iosepha Semita ’e e parau mau te Buka a Moromona » ? ’Ua parau ’o Elder Revillo. « ’Ua tītauhia iā’u ’ia pure ’e ’ia hi’o maita’i i te mea tā’u i ti’aturi ».

I muri a’e ’ua ha’api’i mai ’oia ē tē pure ’e tē ha’apae ra tōna metua vahine i te mā’a nōna. ’Ua parau Elder Revillo ē ’ua ha’aputapū te Vārua i tōna ’ā’au.

« ‘’Ua ’ana’ana roa tō’u ’itera’a pāpū i te taime ’a tāvini ai au i te hō’ē misiōni rave tāmau », ’ua parau ’oia. « Te mau ha’amaita’ira’a ato’a tei roa’a iā’u i teienei e hōro’a vau i terā fa’aotira’a rahi ».

’Ua fānauhia ’o Carlos Garcia Revillo Jr. i roto i te ’oire rahi nō Santos, Philipino, i te 8 nō Novema matahiti 1965, nā Carlos G. Revillo Sr. ’e Amparo Revillo. ’Ua pa’ari ’oia i Santos, ’ua tāvini i te hō’ē misiōni rave tāmau i roto i te misiōni nō Bacolod Firipino, ’e ’ua fa’aipoipo ia Marites Enriquez Fernando Revillo i roto i te hiero nā Manila Firipino i te matahiti 1989. E maha tamari’i tā rāua.

’Ua roa’a ia Elder Revillo te parau tū’ite (Bachelor) nō te tātā’ira’a mātini i te fare ha’api’ira’a tuatoru nō Santo Tomas i Manila i te matahiti 1986. ’Ua ’ohipa ’oia e 22 matahiti i roto i te mau ti’ara’a rau o te fa’aterera’a i Procter & Gamble i te fenua Firipino, te tuha’a fenua Asia-Patifita, ’e i te pū fa’aterera’a hau ’o te taiete i te Fenua Marite. ’Ua rave ato’a ’oia i te ’ohipa ’ei ta’ata fa’atere nō te maita’i, nō tē pāruru i te mā’a ’e nō tē fa’atere i te mau ’ohipa i Asia nā te taiete Kellogg.

Elder Revillo, ’o tei tāvini ’ei ti’a fa’atere nō te ea ’e te ’ohipa fa’anava’i-ra’a i roto i te ’Ēkālesia i te fenua Firipino i te taime nō tōna pi’ira’a, ’ua riro na ’ei ’ēpisekōpo, ’ei peresideni titi, ’ei ’orometua ha’api’i nō te seminaire, ’ei melo ’āpo’ora’a teitei ’e ei peresideni nō te misiōni nō Quezon City i Firipino mai te matahiti 2013 ’e tae atu i te matahiti 2016.