Elder Paul V. Johnson

Peresidenira’a nō te Hitu ’Ahuru

Te hō’ē o te mau ha’api’ira’a faufa’a roa tā Elder Paul V. Johnson i ha’api’i mai nā roto mai i tāna mau matahiti e rave rahi i te ravera’a i te ’ohipa i roto i te ha’api’ira’a a te ’Ēkālesia maori rā, nō rātou tē ha’apa’o nei i tā rātou mau fafaura’a, e tāpe’a te Fatu i tāna mau fafaura’a—noa atu te mau tāmatara’a o te orara’a.

« Noa atu tē fa’aruru nei tātou i te pāpū ’ore i roto i te tahi mau huru o te orara’a, tē vai nei tā tātou mau fafaura’a pāpū mau », ’o tāna ïa parau ’aita i maoro a’enei. « E’ita e ti’a ia tātou ’ia fa’ati’a i te mau hi’ora’a ātea pāpū ’ore i te fa’a’āueue ia tātou i te tahi mau fafaura’a pāpū a te Fatu ».¹

I teie mahana, tē fa’aruru nei te mau tamari’i a te Atua i te ma’i pohe ’ati a’e i te ao nei, te fifi i roto i te tōtai’ete, ’e te vai pu’e o te tūreiara’a tōtiare. Terā rā, mai te mea e ha’apa’o tātou i tā tātou mau fafaura’a, ’ua parau ’o Elder Johnson, e pūpū mai te Fatu ia tātou i te arata’ira’a, te mana ’e te tāmāhanahanara’a.

I te 3 nō ’Ātopa 2021, ’ua pāturuhia Elder Johnson ’ei melo nō te peresidenira’a nō te Hitu ’Ahuru, ha’amata i te 1 nō ’Ātete 2021. ’O Elder Johnson te 16ra’a ’o te ti’a fa’atere rahi o te Fa’anahora’a Ha’api’ira’a a te ’Ēkālesia mai te matahiti 2008 tae atu i te matahiti 2015, ma te rave fa’ahou mai i teie ti’ara’a i te matahiti 2019.

’Ua fānauhia ’o Paul Vere Johnson i te 24 nō Tiunu 1954, i Gainesville, Florida, Marite, nā Vere ’e Winefred Johnson. ’Ua pa’ari ’oia i Logan, Utaha (Marite) ’ua tāvini ’oia i roto i te misiōni nō Norevetia Oslo. I muri a’e i tāna misiōni, ’ua fa’aipoipo ’oia ia Leslie Jill Washburn i roto i te hiero nō Logan Utaha i te matahiti 1976. E 9 tā rāua tamari’i ’e e 40 mo’otua.

’Ua noa’a ia Elder Johnson te hō’ē parau tū’ite ’aravihi tuatoru nō te mau animala/tiare nō te fare ha’api’ira’a tuatoru Brigham Young i te matahiti 1978, hō’ē parau tū’ite teitei nō te ha’api’ira’a tuatoru nō BYU i te matahiti 1982, ’e hō’ē parau tū’ite taote ihi anoa ha’a [technologie] nō te ha’api’ira’a teitei nō Utah State i te matahiti 1989.

’Ua ha’api’i ’oia i te séminaire 12 matahiti i te maoro i Arizona ’e i Utaha hou 4a rave ai i te ’ohipa i roto i te mau fa’anahora’a ha’api’ira’a rau ’e te mau ti’ara’a fa’atere i roto i te Fa’anahora’a Ha’api’ira’a a te ’Ēkālesia i Roto Miti.

’Ua pāturuhia ’o Elder Johnson ’ei melo nō te Pupu mātāmua nō te Hitu ’Ahuru i te 2 nō ’Ēperēra 2005. ’Ua tāvini ’oia ’ei Hitu ’Ahuru ārea, ’ei tauturu i roto i te peresidenira’a titi, ’ei melo ’āpo’ora’a teitei, ’ei ’episekōpo, ’e ’ei peresideni Feiā ’Āpī Tamāroa nō te pāroita.