Elder Vaiangina Sikahema

Hitu ’Ahuru Huimana Fa’atere Rahi

Mai te taime mai ā ’a ha’amata ai te feiā tihepu a te fare ha’api’ira’a tuatç nō Arizona (Fenua Marite), i te haru te mata i ni’a ia Vaiangina (Vai) Sikahema ’ei ta’ata tuiro’o nō te tu’era’a popo nā te mau ha’api’ira’a tuarua ato’a, ’ua ora ’oia i mua i te mata o te huira’atira.

’Ua ’aravihi mau ’oia i te tu’era’a popo i te fare ha’api’ira’a tuatoru nō Brigham Young, ’a ha’uti ai ’e te pupu Cougars i te tāta’ura’a rahi nō 1984. ’Ua ha’uti ’oia ’ei mā’ona tāmau i roto e rave rahi pupu nō te ’āmuitahira’a tu’era’a popo nō te fenua ’e ’ua nominohia ’oia e piti taime ’ei Pro Bowl nā mua a’e ’oia ’a ’ohipa ai ma te manuia ’ei ta’ata parauparau ratio.

Terā rā, « ’ei mā’ona tu’e popo » ’aore rā, « ’ei ta’ata parauparau ratio teata » e ’ere te reira i te mea fa’ahiahia nō te hō’ē ta’ata 58 matahiti.

« ’Aita vau i mana’o ē e riro vau ’ei mā’ona ’aore rā ’ei ta’ata parauparau ratio ’ei ti’ara’a nō’u », ’ua parau Elder Sikahema, ’o tei pāturuhia ’ei Hitu ’Ahuru Huimana Fa’atere Rahi i te 3 nō ’Ēperēra 2021. « Tō’u ihota’ata mātāmua, ’ei tamaiti na te Atua ’e ’ei Feiā mo’a nō te mau mahana hope’a nei ».

E tāne fa’aipoipo ato’a ’oia, ’ei metua tāne, ’e ’ei ta’ata e mau ra i te autahu’ara’a—e mau ti’ara’a mure ’ore ana’e te reira.

Fānauhia i te 29 nō ’Ātete 1962, i Nuku’alofa, Tona, nā Sione ’e Ruby Sikahema, ’ua pa’ari Elder Sikahema i roto i te hō’ē fare patuhia i ni’a i te ’utuāfare ’e te fa’aro’o. Tōna mau tupuna e mau melo mātamua ïa tei ō mai i roto i te ’Ēkālesia i te fenua nō Tona.

’A pa’ari ai i Mesa, Arizona, ’ua tu’u ’oia i tāna mau fa’aineinera’a nō te ’ohipa maona moto tahua i te hiti i tōna ’itera’a i tōna mau tārēni nō te tu’era’a popo. I tōna fāri’ira’a i te hō’ē moni pūtē nō te ha’uti i BYU, ’aita ’oia i ’ōpua i te tāvini i te hō’ē tau misiōni.

Tē fa’a’ite nei Elder Sikahema ē « terā rā, tei ropū maita’i au i te mau taure’are’a e hina’aro pūai nei ’ia ora i te ’evanelia, ’e ’ua tae roa i te hina’aro ’ia riro mai ia rātou te huru ».

I te matahiti 1982, ’ua vaiiho ’oia i te tu’ara’a popo nō te fare ha’api’ira’a tuatoru nō te tāvini i roto i te misiōni nō Dakota ’Apato’a i te ’oire nō Rapid City. I tōna ho’ira’a mai i BYU nō tāna tau misiōni, ’ua fārerei ’oia ia Keala Heder e ta’ata tumu nō Hawaii. ’Ua fa’aipoipohia rāua i roto i te hiero nō Mesa Arizona i te matahiti 1984. E mau metua o Sikahema ma nō nā tamari’i e maha.

Nā mua a’e ’a riro mai ai ’ei Huimana Fa’atere Rahi, ’ua tāvini Elder Sikahema ’ei peresideni Feiā ’Āpī Tamāroa nō te pāroita, ’ei ’episekōpo, ’ei ti’a fa’atere rētioni nō te ’ohipa ha’apararera’a, ’ei tauturu peresideni misiōni, ’ei peresideni titi ’e ’ei Hitu ’Ahuru Ārea.