E hōro’a te mau tauto’ora’a tauturu i te tāmarūra’a

Tē tāmau noa nei te ’Ēkalesia i te mau tauto’ora’a nō te tauturu i te feiā nava’i ’ore nā te ao nei ’e nō te hōro’a i te tāmarūra’a nā te ao nei i roto i te mau taime fifi.

I roto i te tauturura’a rahi a’e i roto i te ’ā’amu o te ’Ēkālesia, ’ua tauturu te Latter-day Saint Charities [te mau ’ohipa aroha a te feiā mo’a i te mau mahana hope’a nei] (te mauha’a tauturu a te ’Ēkālesia) e rave rahi ta’ata i roto i te mai pe’e, te TŌVĪ-19, ma te hōro’a i te faufa’a moni ’e te tauha’a nō te tauturu i te ’ohipa pārurura’a ’e te fa’aorara’a i te ma’i. ’Ua hōro’a ato’a te reira i te mau tauha’a, ’e te ha’api’ipi’ira’a i te feiā tōro’a o te ea , tae noa atu i te mau arata’ira’a nō ni’a i te huru nō te hōro’ara’a i te hō’ē pāturura’a i te pae tino, i te pae ferurira’a ’e i te pae manava.

’Ua fa’atano te mau fare hāmanira’a punu mā’a ’e te mā’a a te ’Ēkālesia nō te pāhono i te mara’ara’a te mau hina’aro, ma te hāmani i te mau tao’a ’e te mau tauiha’a ’ia roa’a te reira i te feiā fa’atere o te ’Ēkālesia, i te mau pū o te ’oire, i te mau fa’anahora’a fa’a’amura’a mā’a nō te fare ha’api’ira’a, i te mau fare mā’a, ’e i te tahi atu mau faanahoanahoraa tei ’āpiti i te ’Ēkālesia, tae noa atu i te mau fa’aterera’a hau, te mau fa’anahonahora’a e ’ere i tā te hau nā te ao nei, ’e i te tahi atu mau pupu tauturu. Tae mai i teie mahana, ’ua pāturu te fa’anahora’a aroha a te feiā mo’a i te mau mahana hope’a nei e 1 050 ’ohipa tōtauturu nō te ’aro i te TŌVĪ-19 i roto e 152 fenua.

Mai te ’āmuira’a rahi i ma’iri a’e nei, ’ua rave te Latter-day Saint Charities i te mau mahana hope’a nei ’e te feiā fa’atere o te ’Ēkālesia nō te retioni ’e nō te fenua iho i te mau ’ohipa i muri nei :

’Ua fa’anaho i te mau ta’ata rima tauturu ’e i te mau tauto’ora’a tāmarū i muri a’e i te tā’irira’a e toru mata’i rorofa’i i te Gulf Coast nō Marite mai te pae apato’a hiti’a o te rā nō Texas tae atu i te tāpe’a pāni nō Floride.
’Ua ’ohipa ’e te mau ’āpiti ’e ’ua fa’aau ’e te mau ti’a fa’atere o te ’Ēkālesia o te fenua iho nō te hōro’a i te tāmarūra’a i muri a’e i te tā’irira’a te mata’i rorofa’i i te mau fenua Firipino. E maha ’ahuru fare purera’a a te ’Ēkālesia tei fa’a’ohipahia ’ei mau pū pūhapara’a.
’Ua tauturu i te feiā tei ro’ohia i te ’āti auahi uru rā’au i roto e 23 titi i Karifonia, i Idaho, i Oregon ’e i Washington (Fenua Marite).
’Ua ’ohipa e te tahi ’āpiti nō te hōro’a 180 tane mā’a nō te tauturu i te ta’ata rava’i ’ore i Wyoming, Maryland, Michigan, Nebraska, Carolina Apato’a, Colorado, Massachusetts, ’e Carolina Apato’erau (Fenua Marite).
’Ua hōro’a 1 mirioni tārā marite i te Nu’u Fa’aora nō te pāturu i te ’ōperera’a mā’a i roto hau atu e 150 vāhi ’āti a’e te Fenua Marite.
’Ua hōro’a i te mā’a nā e 200 vaira’a mā’a i New York (Fenua Marite).
’Ua hōro’a e 17 009,71 Kg ’ahu ’e e 77640,49 Kg mā’a i Honduras, ma te ha’a i pīha’i iho i te feiā fa’atere nō te hau ’e nō te ’oire nō te hōro’a i te tauturu i te feiā tei ora mai i roto i nā mata’i rorofa’i e piti.
’Ua tauturu i te ’aufaura’a i te mau fa’anahora’a e hōro’a e 30 mirioni mā’a tāma’a i te mau fare ha’api’ira’a nō nā fenua e iva nō ’Āfirita.
’Ua pa’epa’e e 200 ha’aputura’a toto i roto e 14 tuha’a fenua rōpū o te ’Ēkālesia i Marite apato’erau.
’Ua hōro’a hau atu i te 200 000 tārā marite nō te mau tauiha’a pārurura’a i te ta’ata hō’ē nō te mau rave ’ohipa nō te utuutura’a ma’i ’e te mau pāruru vaha nō te mau tamari’i haere ha’api’ira’a nō Botswana. ’Ahuru ma hō’ē ’āmuira’a nō te fenua iho tei nira e 8 000 pāruru vaha nō te pāturu i te tauto’ora’a.
’Ua hōro’a i te hō’ē tino moni e 20 mirioni tārā marite nō te pāturu i te pāhonora’a nā te ao nei i te TŌVĪ-19 o te moni rū nā te mau tamari’i nō te mau hau ’āmui nā te ao nei (UNICEF), ’o tē tauturu i te hōro’a i te mau pātia i te rahira’a e 196 fenua.
’Ua hōro’a e 358519.4 kg mā’a ; 17 000 āfata pape ; te mau ro’i, ’e te tahi atu mau tauiha’a i hina’arohia i Texas ’e i Oklahoma i muri a’e i te mau vero ’ū’ana nō te pu’e tau to’eto’e.