Dali, Sunod Kanako
Pagpangalagad sa Atong mga Isig ka Tawo
Doktrina ug mga Pakigsaad 81–83
Hulyo 19–25
Mga paghulagway ni J. Beth Jepson
“Tabang sa maluyahon, ipataas ang mga kamot sa nawad-an og paglaum, ug lig-una ang mga tuhod nga mahuyang” (Doktrina ug mga Pakigsaad 81:5).
Presidente Thomas S. Monson: Usa ka Ehemplo sa Pagpangalagad
Edad sa dihang gitawag isip bishop: 22
Gidaghanon sa mga miyembro sa ward: kapin sa 1,000
Gidaghanon sa mga biyuda diha sa iyang ward: 85
Si Elder Jeffrey R. Holland sa Korum sa Napulog Duha ka mga Apostoles mipaambit kon sa unsang paagi si Bishop Monson miamuma sa mga biyuda: “Daghan tingali ang nasayod nga ang batan-ong Bishop Monson mikuha og usa ka semana sa iyang personal nga bakasyon sa matag panahon sa Pasko aron sa pagbisita sa tanan niadtong otsentay singko ka mga biyuda sa iyang ward. Daghan tingali ang wala masayod nga sulod sa unang pipila ka mga tuig ang gasa nga iyang dad-on ngadto nila mao ang usa sa … mga himungaan nga gibuhi ug giihaw niya diha sa iyang kaugalingong manokan.”1
Si Bishop Monson nahinumdom kon giunsa niya pagtabang ang tigulang na nga managtiayon kinsa nagkinahanglan nga mapintalan ang ilang panimalay: “Sa panahon sa pagdasig nga ako wala motawag, sa mga elders quorum o sa mga boluntaryo sa paggunit og brutsa sa pintal, hinoon, nagsunod sa handbook sa welfare, gisangpit ang mga sakop sa pamilya kinsa nagpuyo sa laing mga dapit. Ang upat ka umagad nga lalaki ug upat ka anak nga babaye mikuha sa mga brutsa ug miapil sa proyekto.”2 Kini nga inspirasyon nakatabang sa pamilya nga magkasuod pag-usab ug makaamuma og mas maayo alang sa usag usa.
“Dili kita tinud-anay nga mahigugma sa Dios kon dili nato higugmaon ang atong isig ka ingon niining mortal nga kinabuhi.”3 —Presidente Thomas S. Monson