Mai, pe’e mai
Te aupurura’a i tō tātou mau hoa rātere
Te Parau Ha’api’ira’a ʼe te mau Parau Fafau 81–83
19–25 nō Tiurai
Fa’ahōho’ara’a nā J.Beth Jepson
’A aupuru i te feiā paruparu, ’a fa’ateitei mai na i te rima tautau ra i ni’a, ’e ’a fa’a’eta’eta i te mau turi ’āvae paruparu ra » (Te Parau Ha’api’ira’a ’e te mau Parau Fafau 81:5).
Peresideni Thomas S. Monson : Te hi’ora’a nō te aupurura’a
Matahiti ’a pi’ihia ai ’ei ’episekōpo : 22
Rahira’a o te mau melo o te pāroita : hau atu i te 1 000
Rahira’a o te mau vahine ’ivi i roto i tāna pāroita : 85
’Ua fa’a’ite mai ’o Elder Jeffrey R. Holland nō te Tino ’Ahuru Ma Piti ’āpōsetolo nāhea te ’episekōpo Monson i te aupurura’a i te mau vāhine ’ivi : « ’Ua ’ite te mau ta’ata i te ravera’a te ’episekōpo Monson i te hō’ē hepetoma nō Noela, i te mau tau Noela ato’a, nō te fārerei i te tā’āto’ara’a o te va’u ’ahuru ma pae vāhine ’ivi i roto i tāna pāroita. E rave rahi rā o rātou ’aita paha i ’ite ē, i te mau matahiti mātāmua, ’ua pūpū ’oia i te hō’ē o tāna mau māia’a moa ’o tāna i fa’a’amu ’e ’o tāna i tūpa’i, nō tāna iho ’āua moa ».1
Tē ha’amana’o ra te ’episekōpo Monson nāhea ’oia i te tauturura’a i nā ta’ata fa’aipoipo ruhiruhia ’ia pēni i tō rāua fare : « I terā taime fa’aurura’a ’ua tāniuniu vau i te ta’ata, e ’ere rā i te pupu peresibutero ’aore rā te tahi ta’ata e hina’aro i te hōro’a i tō rātou taime, ’aita, ’ua pe’e au i tei pāpa’ihia i roto i te buka arata’i totauturu, ’ua pi’i au i tō rātou fēti’i e ora ra i te tahi atu ārea. E maha tā rāua nā hunō’a tāne ’e e maha tamāhine tei mau i te purūmu pēni i roto i te rima ’e ’ua ’āmui mai i roto i teie ’ōpuara’a » .2 Nā teie fa’aurura’a i tauturu i te ’utuāfare ’ia tū’ati fa’ahou ’e ’ia aupuru maita’i a’e te tahi ’e te tahi.
« E’ita tā tātou e nehenehe e here mau i te Atua mai te mea ē, ’aita tātou e here i tō tātou mau hoa rātere i roto i teie tere i te tāhuti nei ».3 —Peresideni Thomas S. Monson