Mai, pe’e mai
E aha te mau ha’amaita’ira’a tā te feiā ’ā’au mā e fāri’i ?
Faʼahōho’araʼa nā Dan Burr
I roto i teie mau tuha’a, tē ha’api’i mai nei tātou i te fa’auera’a a te Fatu i te feiā mo’a mātāmua ’ia patu i te hō’ē hiero.
« ’O rātou ato’a ’o tei mā te ’ā’au… e ’ite ïa i te Atua »
I roto i te tuha’a 97, tē parau fafau nei te Fatu ē, mai te mea e patu te feiā mo’a i te hō’ē hiero ’e e tāpe’a mā i te reira, « ’O rātou ato’a o tei mā te ’ā’au ’o te tomo i roto i te reira e ’ite ïa i te Atua » (’īrava 16). I muri a’e i tōna fa’ahitira’a i teie ’īrava i roto i te hō’ē a’ora’a nō te hō’ē ’āmuira’a rahi, ’ua parau o Elder David B. Haight (1906–2004) nō te pupu nō te Tino ’Ahuru ma Piti ’āpōsetolo :
« E parau mau ē ’ua ’ite te tahi mau ta’ata i te Fa’aora, terā rā, ’ia tuatāpapa ana’e te hō’ē ta’ata i roto i te buka fa’atoro parau, e ’ite ’oia ē, e rave rahi atu ā aura’a o te ta’o ’ite, mai te ’itera’a ’o vai mau ’oia, te hāro’aro’ara’a iāna, te fāri’ira’a iāna ’e tāna ’ohipa, te ’itera’a i tōna faufa’a, ’aore rā te ta’a-pāpū-ra’a iāna.
« E noa’a ia tātou tāta’itahi taua māramarama ra ’e mau ha’amaita’ira’a o te ra’i ».1
E mea nāhea tō ’outou ’itera’a i te Atua i te fa’a’itera’a mai iāna i roto i te hiero ?
’Ātivite tuatāpapara’a pāpa’ira’a mo’a
Tē fa’a’ite nei teie mau pāpa’ira’a mo’a i te tahi atu mau ha’amaita’ira’a e tae mai i te feiā ’ā’au mā :
’Āparaura’a
E aha tā ’outou e au rahi nei nō ni’a i te ti’ara’a ’ia haere i te hiero ?