Mānava ia ’oe i roto i teie ve’a

Fa’atura i te tā’āto’ara’a o te mau tamari’i a te Atua

’Ua a’o mai te peresideni Russell M. Nelson ia tātou ’ia « fa’a’ā’ano i tō tātou ha’amenemenera’a nō te here, nō te tauahi i te ’utuāfare ta’ata ato’a » (Teachings of Russell M. Nelson [2018], 83). Nō te raura’a o te mau tamari’i a te Atua, nāhea tātou e ti’a ai ’ia fa’atupu i te tahi huira’atira i reira te mau ta’ata ato’a e ora ai ma te au māite ?

I roto i tāna pāpa’ira’a « Hōpoi mai ia Ziona » (’api 12), tē tītau manihini mai nei ’o Elder Gerrit W. Gong, nō te pupu nō te Tino ’Ahuru ma Piti ’āposetolo, ia tātou ’ia tāhō’ē i tō tātou ’ā’au ’e tō tātou ferurira’a ’a ani ai i te mau ta’ata ato’a ’ia haere mai i te Mesia ra. E tauturu te parau ve’a « E nā ni’a atu i te tati nūna’a ’ē ’e te ha’avā na : E nehenehe tātou e patu i te mau ’ē’aturu » (’api 18) i tā tātou tauto’ora’a ’ia riro ’ei hō’ē. ’Oia mau, te rirora’a ’ei hō’ē ’o te ravera’a ïa i ni’a iho ia tātou iho i te i’oa o Iesu Mesia ’ei ’ēkālesia, ’e ’ei ta’ata hō’ē ato’a. ’A ha’api’i rahi atu ā mai roto mai i te « Nō te mea ’o teie te i’oa e topahia i ni’a i tā’u ’Ēkālesia » nā te peresideni Henry B. Eyring (’api 8).

E ’ere te fa’atupura’a i te hō’ēra’a i roto i tō tātou raura’a i te fa’auera’a noa (hi’o Ioane 17:21 ; Te Parau Ha’api’ira’a ’e te mau Parau Fafau 38:27), e rāve’a ato’a rā nō te ’apo mai i te tahi mea mai roto mai i tō tātou mau taea’e ’e mau tuahine nō te tahi atu ta’ere, te tahi atu nūna’a ’e tei nā roto i te tahi atu mau ’ohipa, e ha’amaita’ira’a nō tātou. Tē ti’aturi nei tātou ē e tauturu teie ve’a nō teie ’āva’e ia tātou pā’āto’a ’ia ora tāhō’ē atu ā i roto i te Mesia.

Ma te aroha mau,

Elder Walter F. González

Nō te Hitu ’Ahuru

Tauturu ha’amāramarama nō te Liahona