Tei ’ō nei te ’Ēkālesia

Riga, Latvia

Hōho’a nō roto mai i te stock.adobe.com

’Ua riro Riga, te ’oire pū nō Latvia, ’ei uāhu i ni’a noa atu i te muriāvai nō te ’ānāvai Daugava. ’Ua fa’ati’ahia te ’āma’a mātāmua a Te ’Ēkālesia a Iesu Mesia i te Feiā Mo’a i te mau Mahana Hope’a nei i Latvia i Riga i te matahiti 1993. I teie mahana, ’o Riga te pū fa’aterera’a o te misiōni nō Baltic. Te ’Ēkālesia i Latvia :

1 272 melo

5 ’āmuira’a

1 misiōni

Te pārahi-’āmui-ra’a

E nehenehe hō’ē ’ohipa ’ōhie roa mai te orihaerera’a nā roto i te ’oire e hōro’a mai i te mau fa’a’oa’oara’a maita’i. « ’Aita hō’ē mea e nehenehe e mono i te pārahi-’āmui-ra’a », te parau ïa a Aleksandr Samigullin nō Riga, e mea au roa nāna ’ia pārahi ’āmui ’e tāna vahine, ’o Svetlana, ’e tāna mau tamari’i.