“Iren Pwuhk Sarawi kan: Mahsen en Koht,” Liahona, Sulahi 2022.
Padahk en Sounpwong kan, en Liahona,Sulai 2022
Iren Pwuhk Sarawi kan: Mahsen en Koht
Iren pwuhk sarawi kan pwuhk sarawi kei me intingdier sang rehn irail soukohp akan. Iren pwuhk sarawi kan kadehde Sises Krais oh Sapwelime padahk kan duwen rongamwahu o. Udahn iren pwuhk sarawi kan en Mwomwodiso iei Pwuhk Sarawi (me audaudki Kadehde Mering oh Kadehde Kapw), Pwuhk en Mormon, oh Doctrine and Covenants, oh pil Pearl of Great Price.
Kadehde Mering
Kadehde Mering iei ire kan duwen Koht ong Sapwelime aramas en inou kan nan kawao. E iangahki padahk kan en soukohp akan me duwehte Moses, Sosua, Aiseia, Seremaia, oh Daniel. Mendahte ah intingdier sounpar epwiki samwa mwohn ipwidien Sises Krais, soukohp tohto nan Kadehde Mering kin intingiedi duwen Ih.
Kadehde Kapw
Kadehde Mering kan audaudki duwen ipwidi, mour wet, padahk kan, oh Tomwpen Sises krais. E pil audaudki padahk kan en Wahnparon en Krais ko oh werek teikan. Kadehde Kapw sewese kitail en wewehki ia mwomen atail pahn momouriki Sises Krais rahnwet.
Pwuhk en Mormon: Ehu kadehde en Sises Krais
Pwuhk en Mormon ire kei duwen aramas en kawa kei me kin koukouson nan Amerika. E pil iangahki padahk kei sang irail soukohp akan, ahpw kahrepe keieu iei en padahkiong aramas akan me Sises iei ih Krais. Soukohp Sosep Smith kawewehdier sang ni pileit kohl kei sang ni kisakis oh manaman en Koht.
Sosep Smith Jr. Alehdier Kaudial, sang Daniel A. Lewis
Doctrine and Covenants
Doctrine and Covenants audaudki kaudiahl akan me kohiong Sosep Smith oh soukohp teikan nan rahn-pwukat. Kaudiahl pwukat kawewehda duwen kosondihn kokoudahn Mwomwodiso en Krais. E pil audaudki padahk kan en rongamwahu o me kesempwal duwen prihstuhd, tiahk sarawi kan en rongamwahu o, oh dahme pahn wiawi mwurin mour wet.
pearl of Great Price
Pearl oh Great Price audaudki pwuhk en Moses oh Abram, kadehde en Sosep Smith, oh Iren Pwoson akan en Mwomwodiso. E pil audaudki Sosep Smith—Madiu, oh kisehn an Sosep Smith kawehwe ekis en nan Kadehde Kapw.
Onopiki Iren Pwuhk Sarawi kan
Soukohp akan padahkiong kitail en onopiki pwuhk sarawi kan rahn koaros. Ma kitail pahn wia met e pahn kakehlailihla atail pwoson oh karanihla Samatail Nanleng oh Sises krais. Ni atail pahn kin onopiki pwuhk sarawi kan ki kapakap, Ngehn Sarawio pahn sewese kitail en diarada pasapeng kan ong atail peidek kan.
Soukohp en Rahn Pwukat
Ni ansou me soukohp oh wahnparon akan kin kosoi sang ni manaman en Ngehn Sarawi, arail kosoi kan duwehte iren pwuhk sarawi kan. Ehu karasepe iei kapokon lap akan. Kitail kak onopiki padahk kan sang nan kapokon lap en nan May oh Nopempe me kohda nan Liahona.
Moses Kalowehdi Sehdan. sang Joseph Brickey
© 2022 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwehpen Padahk en Sounpwong kan en Liahona, Sulai 2022. Mahsen. 18298 000