“Na Cina ki na Yavada,” Me iSakisaki ni iTabagone Okos. 2022.
iTukutuku e Veivula ni Me iSakisaki ni iTabagone Ena, Okosita 2022
Na Cina ki na Yavada
E dua na iyaya kilai vei ira na Isireli makawa e rawa ni vakavulica vei keda na ivakarau e dusimaki keda kina na Turaga.
iTukutuku Dina
Ena gauna ni Veiyalayalati Makawa, era dau taurivaka na tamata na cina waiwai me kauta na rarama vata kei ira ena butobuto. E vuqa vei ira na cina oqo e tolu na kena ivakarau taumada:
-
E dua na boulu qele me tawana na waiwai olive; e dau lalai me tabea e ligana e dua na tamata
-
E dua na vauvau isulu me waqa ni sa mumuca na waiwai
-
E dua na qara se gusuna me taura na vauvau
Na cina waiwai rawarawa ka dua na kena vauvau e rawa ni serauna ga e vica na fiti vakarivirivi. Kevaka e taurivaki ni taubale wavoki tiko, ena serau me rauta e dua na ikalawa ki liu me rawa na lako wavoki qaqarauni ena butobuto.
Na Cava Eda Rawa ni Vulica
Vakayagataki ena veivakadonui. Lead, Kindly Light, mai vei Simon Dewey. iLoloma mai na altusfineart.com © 2022.
Na vosa ni Turaga e rawa ni vakararamataka noda sala ena butobuto kei na veilecayaki ka wavoliti keda tu e vuravura.
Sa kerea vei keda na Turaga me da kakua ni ubia na noda rarama ia meda kauta tiko kei keda na rarama ni kosipeli me rawa ni ra raica na tani (raica na Maciu 5:14–16).
Sa vakatau vei keda meda vakadeitaka ni sa vakasinaiti tu na noda cina ena waiwai (raica na Maciu 25:1–13). Eda cakava oqo ena masu, vulici ni ivolanikalou, veiqaravi, muria na parofita, kei na cakacaka tale eso ni vakabauta kei na yalodina (raica na Spencer W. Kimball, Faith Precedes the Miracle [1972], 256).
Kevaka eda cakacakataka na vakabauta, ena so na gauna sa dau vakararamataka na Turaga na noda salatu meda taura e dua tale na ikalawa (raica na Boyd K. Packer, “The Candle of the Lord,” Ensign, Janu. 1983, 54).
© 2022 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. iVakadewa ni iTukutuku Vakavula me Baleta na iSakisaki ni iTabagone, Okosita 2022. Fijian. 17467 858