“Esehla duwen Sises Krais oh Alehdi Sapwellime Sawas Manaman,” Ong Kakehlepen me Pwulopwul kan, Sept. 2022
Padahk en Sounpwung kan Ong Kakehlepen me Pwulopwul kan Septempe 2022
Esehla duwen Sises Krais oh Alehdi Sapwellime Sawas Manaman
Sang ehu padahk nan kapokon lap en Epreil 2017.
I men ehukieng kumwail duwen mwomwen atail kak kihdohng nan atail mour manaman en atail Kaun oh Sohpeidi Lapalap, Sises Krais.
Kitail pahn tapiada sang ni atail pahn kasukuhlki Ih1 “E sohte pahn kak pweida ong [kitail] en komourala nan soukautih“ (Doctrine and Covenants 131:6). Laudlahn atail wewehkila Sapwellimen Sounkomouro mehlel oh dahme E wiahiong kitail, iei laudlahn atail pahn esehla me E kak ketikihdo manaman me kitail anahne nan atail mour.
Ni atail wia Souleng en Imwin-Rahn-Akan, kitail kin kilang Sapwellime doadoahk en misin iei Tomwpen Sises Krais, me wiadahr iasada ah mehlel ong koaros oh elehiong mour soutuk ah kak wiawi ong irail koaros me koluhlahr sang nan diparail akan oh alehdi oh kolokol tiahk sarawi kan oh inou sarawi kan koaros.
Nan sapwellimen Sahmo pilahn lapalapo, Sounkomouro me lokolok. Sounkomouro me ketin lapwahda kitail sang mehla. Sounkomouro me pwainda dipatail kan oh wiewia sapwung kan oh kihsang irail ni wiepen koasoandi en atail pahn kin koluhla. Iei Sounkomouro me ketkihsang kitail mehlahn paliwar oh pali ngehn.
Wiepe sarawi kan me duwehte Tomwo oh Iasadaho kawewehda dahme Sounkomouro wiaiehr, nin duwen pilahn en Samo, pwe kitail en kak moumour ni koapwoaroapwoar oh alehdi mour soutuk nan sampah me pahn kohdo.
© 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Translation of Monthly For the Strength of Youth Message, September 2022. Pohnpeian. 18316 885.