Mesaj Mansyèl Liahona , Desanm 2022

Poukisa Nou peye Ladim

Manm Legliz Jezikri pou Sen Dènye Jou yo bay Legliz la yon dizyèm nan revni yo. Se rele ladim. Yo itilize lajan an pou fè travay Legliz la toupatou nan mond lan.

Kisa Ladim Ye ?

Youn nan kòmanddan Bondye yo se peye ladim, ki se bay Legliz Li a yon dizyèm nan revni nou. Lè nou peye ladim, nou montre gratitid nou anvè Bondye pou benediksyon nou yo. Nou montre nou gen konfyans nan Senyè a epi nou prè pou nou obeyi Li nan tout bagay.

Mèlkisedèk —Gadyen Antrepo a, pa Clark Kelley Price

Ansèyman Ansyen Testaman yo

Pèp Bondye a ap te toujou peye ladim depi epòk Ansyen Testaman an. Pa egzanp, Abraram te peye ladim (gade nan Jenèz 14:18–20). Ansyen pwofèt yo te anseye lwa ladim nan tou, enkli Moyiz ak Malachi (gade nan Levitik 27:30–34; Neyemi 10:35–37; Malachi 3:10).

Retablisman Lwa Ladim nan

Nan lane 1838, Pwofèt Joseph Smith te mande Senyè a kijan manm Legliz yo dwe peye ladim. Repons Senyè a nan Doktrin ak Alyans 119, ki di manm yo dwe bay Legliz la yon dizyèm nan enterè yo (gade nan vèsè 4). Dirijan Legliz yo te anseye ke “enterè” vle di revni.

Foto pa Jamie Dale Johnson

Kijan pou nou Peye Ladim

Nou kapab peye ladim nan ranpli fòmilè don an sou entènèt nan donations.ChurchofJesusChrist.org. Oubyen nou kapab ranpli yon fòmilè an papye epi bay yon manm nan episkopa a oswa prezidans branch lan lajan an. Yo voye tout lajan yo nan syèj Legliz la, kote dirijan Legliz yo (Premye Prezidans lan, Kolèj Douz Apot yo ak Episkopa Prezidan an) deside, nan lapriyè, kijan yo pral itilize li.

Benediksyon

Senyè a te pwomèt ke moun ki peye dim yo ap beni tanporèlman e espirityèlman. Ladim bay pitit Bondye yo okazyon pou yo aprann konnen L tou ak pwogrese nan levanjil la.

Kijan nou itilize Fon Ladim yo

Nou itilize lajan dim yo pou bati Legliz Senyè a toupatou nan mond lan. Sa enkli konstwi tanp ak lòt batiman pou Legliz la, enprime ekriti yo ak lòt materyèl, finanse lekòl Legliz la posede yo, ak ede nan istwa familyal ak travay misyonè.

Deklarasyon sou Ladim

Yon fwa chak ane, manm Legliz yo rankontre avèk evèk yo (oswa prezidan branch yo) pou di l si yo peye ladim konplètman.

Nan Ekriti yo

Premye Prezidans lan, Kolèj Douz Apot yo, ak Episkopa Prezidan an deside, nan lapriyè, sou kijan fon ladim yo itilize (gade nan Doktrin ak Alyans 120).

Senyè a pwomèt ke L ap ouvri “fenèt syèl yo” lè nou peye dim nou (gade nan Malachi 3:10).

N ap sove nan Dezyèm Vini Sovè a si nou peye ladim (gade nan Doktrin ak Alyans 64:23).

Kisa Ladim Peye

Foto Tanp Oakland nan Kalifòni an, pa Longin Lonczyna Jr.

Dekouvri Plis

Si w gen kesyon sou ladim, ou ka pale avèk frè ak sè sèvis pastoral ou yo, ak dirijan pawas oswa branch ou yo, oswa misyonè yo.

© 2022 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly Liahona Message, December 2022. Haitian Creole.18318 036