“Kungani Sikhokha Okweshumi,” iLiyahona, ngoDisemba 2022.
UMyalezo waNyanga zonke we Liyahona yangoDisemba 2022
Kungani Sikhokha Okweshumi
Amalunga eBandla likaJesu Kristu labaNgcwele beziNsuku zokuGcina anikela ngokukodwa kweshumi emholweni wabo eBandleni. Lokhu kubizwa ngokuthi okweshumi. Lemali isetshenziselwa ukuqhuba umsebenzi weBandla emhlabeni wonke.
Kuyini Okweshumi?
Omunye wemithetho kaNkulunkulu ukukhokha okweshumi eBandleni Lakhe, okusho okukodwa eshumini lomholo wethu. Uma sikhokha okweshumi, sikhombisa ukubonga kwethu kuNkulunkulu ngezibusiso zethu. Sikhombisa ukuthi sithembele eNkosini futhi sizimisele ukuyilalela kuzo zonke izinto.
Izimfundiso zeTestamente eliDala
Abantu baNkulunkulu babekhokha okweshumi kusukela ezikhathini zeTestamente eliDala. Isibonelo, u-Abrahama wakhokha okweshumi (bheka uGenesisi 14:18–20). Umthetho wokweshumi wabuye wafundiswa ngabaprofethi bakudala, okubalwa kubo uMose kanye noMalaki (bheka ku Levitikusi 27:30–34; uNehemiya 10:35–37; uMalakhi 3:10).
Ukubuyiselwa koMthetho Wokweshumi
Ngo-1838, uMprofethi uJoseph Smith wabuza iNkosi ukuthi amalungu eBandla kufanele akukhokhe kanjani okweshumi. Impendulo yeNkosi ibhalwe encwadini IMfundiso neziVumelwano 119, ethi amalungu kufanele anikele okukodwa eshumini kwayo yonke inzuzo yawo eBandleni (bheka ivesi 4). Abaholi bebandla bafundise ukuthi “inzuzo” isho imali engenayo.
Isithombe nguJamie Dale Johnson
Indlela Yokukhokha Okweshumi
Singakhokha okweshumi ngokugcwalisa ifomu lokunikela nge-inthanethi ku donations.ChurchofJesusChrist.org. Noma singagcwalisa ifomu lephepha bese imali siyinikeza ilungu lobubhishobhi noma lobumongameli begatsha. Yonke imali ithunyelwa kwikoMkhlulu leBandla, lapho abaholi beBandla (UbuMongameli bokuQala, umGwamanda wabaPhostoli abayiShumi naMbili, kanye nomBhishobhi oweNgamele) banquma ngomkhuleko ukuthi izosetshenziswa kanjani.
Izibusiso
INkosi yethembise ukuthi labo abakhokha okweshumi bazobusiswa ngokwesikhathi sokuphila kanye nangokomoya. Okweshumi kuphinde kubusise bonke abantwana baNkulunkulu ngethuba lokufunda Ngaye futhi bakhule evangelini.
Indlela Izimali Zokweshumi Ezisetshenziswa Ngayo
Imali yokweshumi isetshenziselwa ukwakha iBandla leNkosi emhlabeni wonke. Lokhu kubandakanya ukwakha amathempeli nezinye izakhiwo zeBandla, ukugaya imibhalo engcwele nokunye okufundwayo, ukuxhasa ngezimali izikole eziphethwe yiBandla, kanye nokusiza ngomsebenzi womlando womndeni kanye nomsebenzi wobufundisi.
Tithing Declaration (Ukubuyekezwa Kokweshumi)
Kanye ngonyaka, amalungu eBandla ahlangana nombhishobhi wabo (noma umongameli wegatsha) ukuze bamtshele ukuthi bakukhokha ngokugcwele yini okweshumi.
Kukhokhelani Okweshumi
Isithombe seThempeli lase-Oakland eCalifornia ngu-Longin Lonczyna Jr.
© 2022 ngabakwa Intellectual Reserve, Inc. All rights reserved. Ishicilelwe eMelika. Usuku okuvunywe ngalo ukuba lesi sifundo sikhishwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly Liahona Message, December 2022. isiZulu. 18318 783