Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Ob Hlis Ntuj 2023

Peb Puas Yuav Tsum Zoo Tag Nrho Tam Sim No?

Los ntawm Txwj Laug Jeffrey R. Holland

Ntawm Pawg Kaum Ob tug Thwj Tim

Jeffrey R. Holland

Los ntawm zaj lus hauv lub tuam rooj sab laj thaum lub Kaum Hlis Ntuj xyoo 2017.

ib tug tub hluas nyeem vaj lug kub

Cov duab los ntawm Emily E. Jones

Cov vaj lug kub yog sau kom foom koob hmoov rau thiab yaum peb, thiab cov vaj lug kub yeej ua li ntawd tiag. Tiam sis nej puas tau pom hais tias qee zau muaj ib nqes uas ua rau peb nco qab hais tias peb yeej los tsis zoo tag nrho? Piv txwv hais tias: “Yog li ntawd, nej yuav tsum ua zoo kawg nkaus ib yam li nej Leej Txiv … nyob saum ntuj ceeb tsheej, nws yog tus zoo kawg nkaus” (Mathais 5:48). Tau txoj lus txib ntawd lawm, peb xav rov qab mus pw txaj thiab rub pam los npog peb lub taub hau. Tej hom phiaj xilethi-aus no zoo li peb ncav tsis cuag. Tiam sis tus Tswv yeej yuav tsis txib peb ua dab tsi yog tias Nws paub tias peb ua tsis tau raws li txoj lus txib ntawd.

ntxhais hluas nrog ib lub kaus thaum los nag

“Muaj tseeb tiag, cia li los cuag Khetos, thiab cia li ua kom zoo tshaj plaws nyob hauv nws,” Maulaunais taij thiab thov peb. “Hlub Vajtswv tag nej siab, nej ntsws thiab nej dag nej zog, ces … los ntawm nws txoj kev hlub tshua nej yuav raug ua kom zoo tshaj plaw nyob hauv Khetos” (Maulaunais 10:32; ntxiv qhov uas ntawv qaij). Peb tsuas cia siab tau rau qhov ntawd xwb, vim txoj kev ua zoo tag nrho yog txais ua ib lub txiaj ntsim los saum ntuj los—peb txais tsis tau ua “nqi zog” nkaus xwb.

ntxhais hluas taug kev nce toj nrog tus aub

Tsuas yog Yexus xwb thiaj zoo tag nrho hauv lub ntiaj teb no, dua li ces tsis muaj leej twg uas zoo tag nrho, ces thaum peb nyob hauv lub neej txawj tuag no, cia peb xyaum ua neeg zoo zuj zus tuaj es tsis txhob txhawj thiab xav ntau yam txog peb tus kheej thiab lwm tus.

nkoj hauv hiav txwv uas los nag xob nag cua

Yog tias peb rau rau siab mus lawm tom ntej, ces thaum lub caij nyob mus ib txhis li peb yuav rais los mus ua tau neeg zoo tag nrho tiav tas—uas yog txoj kev uas Phau Tshiab txhais tau lo lus zoo tag nrho.

© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, February 2023. Language. 18910 295