Mukenji wa ku ngondo Bua Dikankamika dia Bansonga, Ngondo Muibidi 2023

Tudi Dijinga ne Kuikala Bajalama Mpindiewu Anyi?

Kudi Mukulu Jeffrey R. Holland

Wa mu Mpuilu wa Bapostolo Dikumi ne Babidi

Jeffrey R. Holland

Muyuki muangata ku October 2017 general conference address.

nsongaluma udi ubala mifundu

Bimfuanyi bia kudi Emily E. Jones

Mifundu ivua mifundibua bua kutubenesha ne kutukolesha, ne idi yenza nanku bushuwa. Kadi nudi bajandulaku ne, ku musangu ne musangu mufundu udi umueneka ne utuvuluija ne tudi tupona kakesa anyi? Bu tshilejilu: “Ikalayi bajalama, bumudi Tatu wenu … mu diûlu muikala mujalama” (Matayo 5:48). Ne mukenji awu, tudi tujinga kupingana ku bulalu ne kukoka bibuikilu ku mitu yetu. Kipatshila ka ku diûlu bu aka kadi kamueka kapitshila meji etu. Kabidi bushuwa, Mukalenga kena mua kutupesha mukenji udiye mumanya ne katuena mua kulama to.

nsongakaji ne dikumbi mu mvula

“Eyowa, luayi kudi Kilisto, ne ikalayi bajalama mudiye,” Moloni udi usengelela. “Nunanga Nzambi ne ngulu yenu yonsu, ne meji ne makanda enu onsu, pashisha … ku ngâsa wenda nuikala bajalama mu Kilisto” (Moloni 10:32; miaku mikumbaja). Ditekemena dietu dimua bua kupeta bujalama bulelela didi mu kubupeta bu dipa dia ku diûlu—katuena mua “kubupeta” to.

nsongakaji udi ubanda ku mutu kua kakuna ne mbua

Pa kumbusha Yezu, kakutu kuanji kuikala ngenzelu mipangila pa luendu lutudi tuenza pa buloba apa to, nanku patutshidi mu moyo wa lufu, tudikoleshayi bua kufika ku didiakaja dikola ne tuepukayi kuindila biabungi kutudi ne kudi bakuabu.

buatu mu mbuwa wa mavuala

Tuetu bananukila, nanku miaba mikuabu mu tshiendelela didiakaja dietu nedijika ne nedikumbana—tshidi tshikala diumvuija dia Dipungila Dipia-Dipia dia muaku bujalama.

© 2023 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, February 2023. Language. 18910 760