“Sa Unsa nga Paagi nga ang Pagpadayag Makalig-on sa Akong Pagpamatuod?,” Liahona, Abr. 2023.
Dali, Sunod Kanako
Sa Unsa nga Paagi nga ang Pagpadayag Makalig-on sa Akong Pagpamatuod?
Paghulagway ni Kristo ug Pedro nga nag-istorya pinaagi ni Paul Mann
Gusto sa mga Pariseo ug mga Saducio nga mopakita si Jesukristo kanila og usa ka timailhan, apan gani ang daghang milagro nga gihimo ni Kristo dili igo aron sa pagkabig sa ilang mga kasingkasing. Agig kalainan, ang pagpamatuod ni Pedro sa Manluluwas natukod diha sa pagpadayag gikan sa atong Langitnong Amahan.
Unsa ang inyong makat-onan mahitungod sa pagpadayag gikan sa mosunod nga mga kasulatan?
Si Presidente Russell M. Nelson mitudlo kon sa unsang paagi kita makatinguha og pagpadayag: “Pag-ampo sa ngalan ni Jesukristo bahin sa inyong mga kabalaka, inyong mga kahadlok, inyong mga kahuyang—oo, [sa] mga tinguha [gayod] sa inyong kasingkasing. Ug dayon maminaw! Isulat ang mga ideya nga masulod sa inyong hunahuna. Isulat ang inyong mga gibati ug sundi kini sa paglihok sa unsay giaghat nga angay ninyong buhaton.” (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95).