Report sa Church Auditing Department, 2022
Ngadto sa Unang Kapangulohan sa Ang Simbahan ni Jesukristo sa mga Santos Ulahing mga Adlaw
Minahal nga mga Kaigsoonan: Sumala sa gisulti sa pagpadayag diha sa seksiyon 120 sa Doktrina ug mga Pakigsaad, ang Konseho sa Paggasto sa Ikapulo—gilangkoban sa Unang Kapangulohan, sa Korum sa Napulog Duha ka Apostoles, ug sa Presiding Bishopric—nagtugot sa paggasto sa mga pundo sa Simbahan. Ang mga departamento sa Simbahan moapud-apud sa mga pundo nga pinasubay sa giaprobahan nga mga badyet, mga palisiya, ug mga pamaagi.
Ang Church Auditing, nga gilangkoban sa mga propesyonal nga adunay mga kredensiyal ug independente sa tanang ubang mga departamento sa Simbahan, adunay responsibilidad sa pagpahigayon og mga audit aron sa paghatag og resonable nga kasegurohan kabahin sa mga amot nga nadawat, mga galastuhan nga nahimo, ug sa pagbantay sa mga kabtangan sa Simbahan.
Base sa mga pag-awdit nga gihimo, ang Church Auditing nagtuo nga, ang tanang importanteng detalye, ang mga amot nga nadawat, mga paggasto nga gihimo, ug mga kabtangan sa Simbahan alang sa tuig 2022 narekord ug nadumala sumala sa giaprobahan sa Simbahan nga mga badyet, mga pamaagi sa accounting, ug mga palisiya. Ang Simbahan nagsunod sa mga pagtulon-an nga gitudlo ngadto sa mga miyembro niini nga magpuyo sumala sa badyet, molikay sa utang, ug magtigom alang sa panahon sa panginahanglan.
Matinahurong gisumiter,
Church Auditing Department
Jared B. Larson
Tigdumalang Direktor