“Elder Christophe G. Giraud-Carrier,” Liahona, Mayo 2023.
Elder Christophe G. Giraud-Carrier
Kinatibuk-ang Awtoridad nga Seventy
Pagsulod sa pagkahamtong, si Elder Christophe G. Giraud-Carrier adunay dakong mga plano—nagsugod og malisod nga dalan sa kolehiyo, nalangan ang edukasyon aron moserbisyo og full-time nga misyon, nakigminyo sa iyang uyab sukad sa pagka tin-edyer, ug dayon nagsugod og pamilyadong kinabuhi ug sa iyang propesyon isip usa ka enhinyero sa yutang natawhan sa France.
Samtang ang misyon ug ang kaminyoon miabot sumala sa plano, ang ubang mga gipaabot wala. Ang pagkalangay wala mahitabo, apan ang pagbalhin ngadto sa Brigham Young University (BYU) nahitabo, gisundan sa tinguha nga motudlo sa lebel sa unibersidad. Ang mga trabaho sa unibersidad sa France nihit alang sa usa ka tawo nga na-edukar sa gawas sa nasod, mao nga ang pagbuhi og pamilya, pag-angkon og lahi nga trabaho, ug pagserbisyo sa Simbahan miabot sa lainlaing mga nasod ug sa panahon sa Ginoo.
“Ang kamatuoran nga gamay ra kaayo nga mga butang ang nahitabo sa paagi sa among pagplano nakapaamgo namo nga kon kami motugot sa Ginoo sa pagbuhat sa Iyang butang ug pagdala namo sa mga dapit, nan kana mao ang gusto Niya kon asa kami moadto ug diha niana kami makaserbisyo,” miingon si Elder Giraud-Carrier. “Kini nakatabang namo nga makat-on sa pagsalig Kaniya, sa pagsalig nga Siya makahimo sa among mga kinabuhi nga mas labaw pa kay sa among mahimo.”
Si Christophe Gérard Giraud-Carrier natawo niadtong Enero 21, 1966, sa Lyon, France, ngadto nila ni Gérard Giraud-Carrier ug Annie Giraud-Carrier. Human sa iyang full-time nga misyonaryo nga pagserbsiyo sa Canada Montreal Mission, siya naminyo ni Isabelle Sophie Mauclair niadtong Hulyo 1988 sa Cholet, France. Nabugkos sila paglabay sa tulo ka adlaw didto Bern Switzerland Temple. Mga ginikanan sila sa walo ka anak.
Human makadawat sa bachelor, master, ug doctoral nga mga degree sa computer science gikan sa BYU, si Elder Giraud-Carrier nagtrabaho isip usa ka senior nga magtutudlo alang sa University of Bristol sa England ug isip usa ka senior nga manedyer alang sa ELCA Informatique sa Switzerland sa wala pa mogahin og 19 ka tuig isip usa ka propesor sa computer science sa BYU.
Sa panahon sa iyang pagkatawag isip usa ka Kinatibuk-ang Awtoridad nga Seventy, si Elder Giraud-Carrier nagserbisyo isip presidente sa stake sa Provo Utah YSA 16th Stake. Ang nangagi nga mga calling naglakip sa pagserbisyo isip presidente sa France Lyon Mission, high councilor, ug bishop.