“Sa Unsa nga Paagi nga ang Espiritu Makatabang Nako nga Mahimong Mas Maayong Disipulo?” Liahona, Hunyo 2023.
Dali, Sunod Kanako
Sa Unsa nga Paagi nga ang Espiritu Makatabang Nako nga Mahimong Mas Maayong Disipulo?
Day of Pentecost [Adlaw sa Pentecostes], ni Sidney E. King
Diha sa Juan 14–16, gibalik-balik pagsulti ni Jesukristo sa Iyang Apostoles nga sila makadawat sa Maghuhupay human Siya mawala. Kita kanunay nga maghunahuna sa Maghuhupay nga mao ang mohatag kanato og kalinaw kon kita nabug-atan o nahadlok. Apan ang gasa sa Espiritu Santo naghimo og mas daghan pa alang kanato, lakip sa pagtabang nato sa pagtuman sa atong katuyoan isip mga disipulo ni Jesukristo.
Ang atong katuyoan? Aron mahimong sama sa atong Agalon
“Ang usa ka disipulo mao ang tawo nga nabunyagan ug andam modala diha kaniya sa ngalan sa Manluluwas ug mosunod Kaniya. Ang usa ka disipulo naningkamot nga mahisama Kaniya pinaagi sa pagtuman sa Iyang mga sugo dinhi sa mortalidad, sama sa usa ka aprentis nga naninguha nga mahisama sa iyang agalon.” (Robert D. Hales, “Pagkahimong usa ka Disipulo sa Atong Ginoong Jesukristo,” Liahona, Mayo 2017, 46).
Human sa kamatayon sa Manluluwas, ang Iyang mga disipulo migamit sa gasa sa Maghuhupay sa pagpadayon nga mahimong sama sa ilang Agalon. Diha sa mosunod nga mga kasulatan, sa unsa nga paagi nga ang Maghuhupay nagtabang kanila?
|
Giunsa pagtabang sa Espiritu ang mga disipulo nga mosangyaw sa ebanghelyo? | |
|
Giunsa pagtabang sa Espiritu nila ni Pedro ug Juan nga mobarog isip mga saksi ni Kristo? | |
|
Giunsa pagtabang sa Espiritu si Esteban nga makahimo og mga milagro? | |
|
Giunsa pagtabang sa Espiritu nila ni Felipe, Pedro, ug Juan nga mahigugma ug magsakripisyo alang sa ilang mga silingan? | |
|
Giunsa pagtabang sa Espiritu ang mga lider sa Simbahan nga makahibalo ug makabuhat sa kabubut-on sa Dios? |