Mukenji wa ku Ngondu wa Liahona Ngondu wa Muandamuteketa 2023

Kutangalaja Lumu Luimpa lua Yezu Kilisto

nsongakaji ne mifundu mikangula pa binu

Patudi tuela meji bua mabenesha atudi tupeta bualu tudi bidimba bia Ekelezia wa Yezu Kilisto wa Bansantu ba Matuku a Ndekelu, tudi tujinga kutangalaja Lumu Luimpa ne aba batudi bananga. Tudi bua kutangalaja bujadiki buetu bua bulelela mu kuakula kuetu anyi mu bikadilu bietu. Tudi bua kusambila bua kupeta lungenyi lua Nyuma bua kumanya utudi bua kutangalaja nenda ne tshia kuamba.

Yezu molola tshianza kudi muntu ne bulema

Kunanga Bakuabu

Tshitupa tshia mushinga mu kutangalaja kua lumu Luimpa tshidi dinanga dia bakuabu. Patudi tuleja dinanga dietu kudi bakuabu kupitshila ku bienzedi bia buikadi bua buena Kilisto, tudi tutangalaja lumu luimpa lua Yezu Kilisto—misangu mikuabu katuyi nansha tuakula. Ne padi bakuabu bamanya ne tudi tusumpakana buabu, badi bunzuluka bikola bua kumvua ngenyi yetu pa lumu luimpa. (Tangila Gary E. Stevenson, “Love, Share, Invite,” Liahona, Ngondu Muitanu. 2022, 84– 87.)

Tangalaja mu Mushindu Muakana ne Mupepela

Tudi mua kutangalaja bitudi bananga pa lumu luimpa. Patudi tuenza nunku bu tshitupa tshia moyo wetu matuku onso, kabia kututonda anyi kututshiokesha nansha. Tshilejilu, tudi bua kuyukila ne dîku dietu ne balunda betu pa bitudi tuenza mu Dialumingu. Anyi tudi mua kubambila pa disanka ditudi tumvua patudi tusadila bakuabu. (Tangila Dieter F. Uchtdorf, “Missionary Work: Sharing What Is in Your Heart,” Liahona, Ngondu Muitanu 2019, 15–18.)

Kubikila Bakuabu bua Kusangila Netu

Tudi bua kubikila bakuabu bua kulonga bikola pa lumu luimpa. Tshilejilu, tudi bua kubabikila bua kulua mu tshisangilu tshia Ekelezia anyi mu tshibilu, kubala Mukanda wa Molomo, kutangila bindidimbi bia Ekelezia, anyi kubatantshila ne bena bukenji. Bibidilu ebi bidi bibambuluisha bua kumvua Nyuma ne kujinga kumanya bia bungi.

bamamu bakulumpa babidi basomba ne bayikila

Kukonka pa Dibidila Diabu

Panyima pa balunda ne bidimba bia dîku bilua ku ekelezia anyi balonga ne bena bukenji, tudi bua kubakonka pa dibidila diabu. Malongesha makuabu a lumu luimpa adi bua kuikala mapia-mapia buabu, tudi bua kuandamuna makonka adibu nawu. Tudi mua kuleja dinanga dietu ne diambuluisha bua kudifila kuabu bua kulua kudi Kilisto.

Kukumbaja ku Ditaba Diabu

Tudi tutua mushinga ne tunemeka ditaba dia bakuabu, ne tudi tuteta kukumbaja ku ditabuija dikadibu nadi. Tshilejilu, mulunda udi mupeta busambi mu mifundu ya mu Bibiliya udi mua kupeta kabidi busambi mu malongesha atudi tutangalaja mu Mukanda wa Molomo.

nsongakaji yambuluisha mamu mukulumpa bua kusambuka njila

Kuambuluisha Bidimba Bipia-bipia bia Ekelezia

Padi bantu babuela mu Ekelezia, tudi mua kubambuluisha bua kukolesha ditabuija diabu. Tudi bua kuikala balunda babu, tuandamuna ku nkonku yabu, ne tubambuluisha padibu bapeta mabikila. Tudi bua kubakankamika bua kutunguluka kulonda Yezu Kilisto ne kulonga pa bidi bitangila lumu luimpa luenda.

bena bukenji baluma babidi ne muntu muluma batangila mu telefone pamua

Kusadila mu Bukenji bua Diba Dionsu

Bua kukumbaja ku kutangalaja kua lumu luimpa mu matuku etu onsu a moyo, bidimba bia Ekelezia bidi bua kubikidibua bua kusadila bu bena bukenji ba diba dionsu. Bobu badilongolola, nsongalume idi mua kusadila kubangila pa bidimu 18. Nsongakaji ne bantu bakulumpa badi mua kusadila pabu. Udi mua kupeta ngumu ya bungi ku ChurchofJesusChrist.org/callings/missionary.

Bifumina ku Mifundu

Yezu Kilisto wa kapesha bayidi benda mukenji wa kutangalaja Lumu Luimpa ne muntu yonsu (tangila Mako 16:15).

Aba badi babikidibua bua kusadila badi ne bua kuenza nunku ne “mutshima mujima, ne bukola bonsu, ne meji ne makanda onsu” (tangila Dilongesha ne Bipungidi 4).

Netuikala ne disanka dinena patudi tutuala bakuabu ku lumu luimpa (tangila Dilongesha ne Bipungidi 18:15 -16).

Biambuluishi bia mu Nshinga

“Mushindu kayi undi bua kutangalaja Mukanda wa Molomo ne mulunda?” “Mushindu kayi undi bua kutuangaja mulunda wanyi ne bena bukenji?” Nkongu eyi ne mikuabu, idi miandamunyibua ku ChurchofJesusChrist.org/share.

Tshisangi tshia Lumu Luimpa (mu ChurchofJesusChrist.org anyi kuenza application wa mu telefone) udi ne nsangilu ya biambuluishi, muikala ne ditaba dietu dia nshindamenu. Sungula “Kutangalaja kua Lumu Luimpa” bua kulonga bia bungi pa tshia kuamba ne mushindu wa kutangalaja.

Bua kulonga bia bungi pa bidi bitangila dikankamika dia bidimba bipia-bipia, tangila mu Tshisangi tshia Lumu Luimpa mu tshitupa tshia “Mukanda Munena wa Maludiki ne Mabikila” ne pashisha “Mabikila a Tshikongu ne a Ditamba.”

Peta bia Bungi

Biwikala ne nkonku pa kutangalaja kua lumu luimpa, udi mua kuyukila ne batatu anyi bamamu bakubi beba, balombodi ba tshikongu anyi ba ditamba beba, anyi bena bukenji.

© 2023 by Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, July 2023. Language. 19045 760