Mukenji wa ku Ngondu wa Liahona Ngondu wa Muanda Mukulu 2023

Budikadidi Budi Butukankamika

bantu babidi basukula malongu

Kuikala mudikadila mbuena kuamba ne, tudi mua kuandamuna ku majinga etu ne a meku etu. Patudi badikadila, tudi kabidi bushuwa bakumbane bua kusadila Mukalenga ne kuambuluisha bakuabu. Kadi budikadidi kabuena bumvuija ne tudi mua kuluangana ne ntatu yetu tuetu nkayetu nansha. Tudi mua kulomba diambuluisha kudi balunda, mêku, bidimba bia tshikongu anyi bia ditamba, ne bena midimu patudi nabu dijinga.

Nshindamenu ya Budikadidi

Kulua mudikadila kudi kulomba dilonga tulasa, ditumikila, ne dienza dia mudimu mukola. Tudi tuenza muetu monsu bua kujikija majinga etu ne tulomba diambuluisha kudi bakuabu padibi bikengela. Nansha nanku, bua kulua badikadila balelela, tudi ne bua kulonga mua kuikala ne ditabuija mu Yezu Kilisto. Pashishe bu mutudi tuenza mudimu bua kudiambuluisha, Neatukankamika.

bianza bibidi bituangaja

Budikadidi Bua mu Nyuma

Tudi mua kuibaka budikadidi buetu bua mu nyuma mu kuenza mudimu bua kukankamika bujadiki buetu bua Yezu Kilisto. Tudi tuenza nunku mu kusambila, kulonga mifundu, kuya mu ekelezia, kutumikila mikenji, ne kuenza malu makuabu adi atusemeja pabuipi ne Kilisto. Dimanya dia ne yeya udi musua bua kutambuluisha, neditupesha ditabuija bua kushala ne lulamatu nansha mu tshikondu tshia malu makola.

Budikadidi Bua Mubidi

Budikadidi bua mubidi budi bulomba kuikala bakumbane bua kujikija majinga etu a mubidi ne a mêku etu. Ebi bidi bilomba biakudia, nzubu wa kulala, bukola bua mubidi, ne majinga makuabu. Tudi tulua badikadila mu kulonga tulasa tuimpa, kutantshisha mamanya mapiluka, kuenza mudimu mukola, kuenzela diba dietu ne lungenyi, ne kutula makuta etu ne budimu.

bakaji basatu benda pamua

Budikadidi Bua Mu Bikadilu

Budikadidi bua mu bikadilu mbukola bua kuluangana ne bikadilu mu kukolesha mutshima ne mu ditabuija. Tudi bonsu ne mvita ne bipumbishi. Ku diambuluisha dia lumu luimpa, tudi mua kumanya mushindu wa kusungula ku bintu ebi. Kuandamuna ne ditabuija mu Mukalenga kudi kuvudija bukola buetu bua kupitshisha bikondu bikola ne ditekemena divula.

Kulonga Tulasa

Tudi ne bua kulonga misangu yonsu. Nzambi udi musua bua ne, tuetu tulongesha meji etu ne tukolesha mamanya etu mu moyo ewu nansha mu moyi utshilualua. Mu kulonga bia bungi, tudi kabidi tulua bia bungi benzeji ba buimpa ne tudiambuluisha, tuambuluisha mêku etu, ne badi mu majinga.

nsongaluma muambula tshibuta

Mabenesha a Kuikala Mudikadila

Bambi badi batulongesha ne, patudi tutantshisha budikadidi buetu, netubeneshibua ne ditekemena dinena ne ditalala. Netuikale bakumbana bua kuambuluisha mêku etu ne bakuabu badi mu dijinga. Ne netubeneshibua ne bikondu bimpa bia bungi ne bukola bua kutungunuka ne ditanta.

Diambuluisha dia Ekelezia

Dikunji dieba didi mua kufila nsangilu ya budikadidi. Yoyi eyi idi mua kukulongesha nshindamenu ya budikadidi ne mamanya, bumudi ditula dia makuta ne budimu anyi dipeta dia mudimu mushema. Udi mua kupeta diambuluisha dia momumua mu Tshisangi tshia Mikanda ya Lumu Luimpa. Sungula “Mikanda ne Malongesha” ne pashishe “Budikadidi.”

Bifumina ku Mifundu

Tudi mua kukeba dilonga mu kubala ne mu ditabuija (tangila Dilongesha ne Bipungidi 88:118).

Mukalenga neambuluisha bantu benda, kadi bidi ne bua kuenzeka mu mushindu wenda (tangila Dilongesha ne Bipungidi 104: 15– 16).

Peta Bia Bungi

Udi mua kupeta miyuki ya mu mpungilu munena pa tshiena bualu etshi ne diambuluisha dikuabu mu Tshisangi Tshia Lumu Luimpa (ku ChurchofJesusChrist.org anyi mu Application mobile). Udi mua kuakula ne bidimba bia tshikongu anyi bia ditamba, anyi bena bukenji.

© 2023 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, August 2023. Language. 19046 760