Mukenji wa ku Ngondu wa Liahona, Ngondu wa Tshitema 2023

Kuambuluisha Badi ne Majinga

Yezu udi ondopa bantu

Uvua Mondopa Bantu Ba bungi ba Masama Mashila-shilangana, kudi Gary L. Kirk Richards, kabiyi mua kutentudibua to

Bu bidimba bia Ekelezia wa Yezu Kilisto wa Bansantu ba Matuku a Ndekelu, tudi tulonda dilongesha dia Mukalenga bua kuambuluisha badi ne majinga. Tudi tuambuluisha bakuabu mu kubasadila, kubakuatshisha bua bikala badikadila, ne kuabanya bitudi nabi.

Tshilejelu tshia Yezu Kilisto

Yezu Kilisto uvua munanga, musamba, ne musambila bua aba bavua pabuipi nenda. Uvua “wendakana wenza malu mimpa” (Bienzedi 10:38). Tudi mua kulonda tshilejelu tshienda mu kunanga, kusamba, kusadila, ne kusambila bua badi pabuipi netu. Tudi mua kuikala tukeba misangu yonsu mishindu ya kuambuluisha bakuabu.

bantu babidi bendakana

Bukubi

Muaku bukubi udi muenzela mu mifundu ne mu Ekelezia wa Mukalenga bua kumvuija mushindu utudi tukuatshisha bakuabu. Aba badi ne buakuidi badi batumibua bu batatu bakubi bua kulongesha muntu anyi dîku mu tshikongu anyi mu ditamba. Bamamu bakubi badi batumibua bua kulongesha mamu mukulumpa yonsu. Batatu ne bamamu bakubi badi batuishibua bua kuvuluka bidimba bionsu bia Ekelezia ne kubiambuluisha.

bantu bakuna mitshi

Kuambuluisha Bakuabu bua Kuluabu Badikadila.

Tudi mua kuambuluisha bidimba bia dîku ne balunda bua kuikala badikadila mu dibakankamika bua kupeta bipeta bimpa bia tshipolu tshinena bua malu abu. Tudi mua kubatua mpanda padibu benzela tuipasthila tuabu. Peta ngumu yabungi itangila budikadidi mu Liahona wa Ngondu wa Muanda Mukulu 2023 ne mu Gospel Basics article.

Kusadila Bakuabu

Kudi mishindu yabungi itudi mua kusadila badi pabuipi netu ne tudi tubambuluisha bua bapeta mandamuna mimpa ku majinga abu a mu mubidi, mu nyuma ne mu meji. Kulonga bakuabu kudi mua kutuambuluisha mua kumanya mushindu utudi mua kubasadila biakana. Tudi kabidi mua kusambila bua buludiki bua kumanya tshitudi mua kuenza bua kubambuluisha.

bantu badi bakunguija bimuma

Kuabanya Bitudi Nabi

Tudi mua kusadila bakuabu mu kuabanya bidi Nzambi mutubenesha nabi. Bu tshilejelu, tudi mua kufila mulambu wa kujila kua biakudia wa kalolo anyi kufila kudi Ekelezia mu Mpetu ya Kuambuluisha Bantu. Tudi kabidi mua kusadila mu nsangilu ne mu mabikila etu a mu Ekelezia.

Majitu a Balombodi ba Ekelezia

Muepiskopo udi ulombola dikuatshisha dia badi ne majinga mu tshikongu tshienda. Udi mua kuangata makuta a milambu ya kujila kua biakudia bua kuambuluisha bidimba bidi ne majinga. Balombodi bakuabu, bu mudi bafidi benda ba ngenyi ne bulombodi bukulu bua Nsangilu wa Diambuluisha ne mpuilu wa bakulu, badi bambuluisha bidimba bua kupeta diambuluisha didibu mua kupetela mandamuna ku majinga abu.

Mudimu wa Ekelezia bua Kuambuluisha Bantu.

Ekelezia udi wambuluisha bantu ba buloba bujima ne diandamuna dia lukasa, mudimu mupangadika wa nsangilu, ne ndongamu mikuabu bumudi mâyi a kunua ne kuepula ku masama. Bua kulonga biabungi, tangila Dallin H.Oaks, “Helping the Poor and Distressed,” Liahona, Ngondu wa Dikumi ne Umue. 2022, 6–8.

Bifumina ku Mifundu

“Nzambi mmunanga udi ufila ne disanka” (2 Kolinto 9:7).

Tudi tulongesha bana betu bua kusadila badi ne majinga (tangila Mosiya 4:15–16).

Tudi tusamba bakuabu ne tuambula majitu abu Mosiya 18;8-9).

Miaku ya Kuvuluka

Dibikila: bujitu busunguluka bua kusadila mu Ekelezia. Balombodi ba Ekelezia badi bakeba lungenyi lua nyuma bua kumanya ngenyi idi Mukalenga ujinga bua mabikila.

Milambu ya Kujila: makuta atudi tufila kudi Ekelezia patudi tujila, adi ne mua kuikala nansha bungi butuvua mua kutula bua biakudia patudi tujila.

Budikadidi: kuikala mukumbana bua buwuja majinga etu ne a meku etu.

Peta bia Bungi

Biwikala ne nkonku pa kuambuluisha badi ne majinga, udi mua kuyukila ne batatu anyi bamamu bakubi beba, balombodi beba ba tshikongu anyi ba ditamba, anyi bena bukenji. Udi kabidi mua bupeta miyuki ya mpungilu munena pa muanda ewu, ne diambuluisha dikuabu didi mu Tshisangi tshia Lumu Luimpa (ku ChurchofJesusChrist.org anyi mu Application mobile).

© 2023 by Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, September 2023. Language. 19047 760